ISAIAH 6:1 - DAÜLANGPÜ LAIHING (BSI)

¹ Uzziah ongpa dipü bong, Shembüpa ong uoshing longi shaopü kü uoshi ee, hatü büpalei ashak maijung Phopshem maei yaüshi nyu.

ISAIAH 6:1 Referans Kwoze

JOHAN 12:41

Isaiah-i hapa epeyü büpai Jisulei müknyinshekhang eepü nangkü büpa nang epeih.

SHAKEI VAMPÜ 15:8

hatü phopshemü Kahvangei müknyinshekhang, hatü büpalei ngan awshiti mateke, hatü vangsho phongshan nyet leipü cham nyet mangdoh thahshi üpayao phopshemei neshüaok.

DANIEL 7:9

Mechem ngei veishi nyupa, Aivangpai hapa ong uoshing kü uoteke, Büpalei owhiai shüdao kei, hatü büpalei sho phümphah kei shoshi shiüteke; Büpalei ong uoshing awlom kei, hatü hapa uoshinglathü awyei kei shiüteke.

MENVIH KESHO 113:5

Shangei uopü Shembüpa, jenei Kahvang kei üpa nyüpa?

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

ISAIAH 66:1

Shembüpai hapakei enyüke: “Vangsho-ü ngelei ong uoshing, kahdoknyü-ü ngelei la shoupshing. Menüng keipü shem amphongi ngei kü melei vephahenang? Ngei nyiumeihen shing melei nyüpa?

MENVIH KESHO 108:5

Oh Kahvang, vangshothü shak kü nüng longei aongtuh, hatü nüngei müknyinshekhang kahdok peü shak kü nyuhütuh.

SHAKEI VAMPÜ 4:2

Chem ngei Laangha kü nyu, hatü vangsholei ong uoshing hük vam hatü hapa ong uoshing kü hük uoshi nyu,

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

MENVIH KESHO 46:10

Nenmü nyutuh, hatü ngeiyü Kahvang shei nyingtuh! Ngeiyü jatthü khongkü longei anshihhen, ngeiyü kahdoknyü kü longei anshihhen.

SHAKEI VAMPÜ 5:1

Hapheikü ngei ong uoshingei uopübalei lakdah philei laidü hük mong philei hatü ngaümphei philei nyangtüktü, ha kü füoshang nyet shüngtü noshi eeteke,

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

1 ONGPATHÜ 22:19

Mikaiah-i nedoh-i, “Hanangkü Shembüpalei shah bangtuh: Shembüpai büpalei ong uoshing kü uotü büpalei laknyong lakdah kü vangsho phongshanthü shinei yaongtü eenyüke.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 1:1

Judah kü Uzziah, Jotham, Ahaz hatü Hezekiah hathüi ong vaipü hepak kü Amozlei cheha Isaiah-i Judah hatü Jerusalem nangkü eepü manghkhang.

BHEI-IE 12:8

Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

SHAKEI VAMPÜ 4:10

behethü hapüali-i aümei shaei ong uoshingei uopü den den kü nyupüba kü khüm; jomi jomei athen yah-ei ong uoshing touei shüktü lokei,

EZEKIEL 10:1

Hahepak kü ngei veishuoh shingkü cherubimei shangjingei nyiam athen kei thuhpü shangei veiheni sapphir douvang yaongi lingpü ong uoshing kei vamei ee.

EZEKIEL 1:1

Vangbong hapüan mü lenyang alipabü nyih ngapabü kü ngei Kebar yungyenei wüpküpei deipüthü mü nyushingkü vangshothü ap hatü ngei Kahvangei manghkhang eeteke.

ISAIAH 12:4

Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

SHAKEI VAMPÜ 6:16

hatü jomi kahshang hatü yaongnyüthü kü nyüktü, “Ham kü vüei shükshih, hatü ong uoshing kü uopübalei dhe kübü, hatü Mi Cheha mongshihpü kübü ham jolangtuh.

2 ONGPATHÜ 15:7

Azariah di, hatü chebü chepa mü David Chingnyülei mahng vü, hatü cheha Jothami büpa kü jeiyei ong vaiteke.

SHAKEI VAMPÜ 5:7

Büpa heih-ei ong uoshingei uoshi nyupübalei lakdahphi leipü laidü yahteke.

SHAKEI VAMPÜ 4:3

hatü halei uopü hükü veiheni jasper hatü karnelian douvang yaongthü kei hatü ong uoshing shinei emerald douvang yaong kei nyiamnyünyiamkang shinei nyuteke.

SHAKEI VAMPÜ 4:9

Mechem yemmü nyupü yemhathüi ong uoshingei den den kü nyupüba kü müknyinshekhang, dhüm hatü menvih shuohpa,

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

2 SHÜPPÜKENGPÜ 18:18

Mikaiah-i nedoh-i shao e, “Hanangkü Shembüpalei shah bangtuh: Ngei Shembüpa ong uoshing kü uotü büpalei laknyong lakdah kü vangsho phongshanthü yaongshi eeteke,

EZEKIEL 10:4

Hahepak kü Shembüpalei müknyinshekhang cherubim toueipü phopshem shaden thahshi vam; phopshemü phumi maei nyu, hatü shemshe thahshi Shembüpalei müknyinshekhang nyapai maei nyu.

DANIEL 10:17

Mekei ngei, nüng chongphobü, ngelei shembü mü shah eteiaokhenang? Ngei wong kemdaiteke hatü ngü heehenao neaoknyu” shei eteke.

MÜLANGPÜ 24:9

Mosa hi Aaron, Nadab hi Abihu hatü Israel am behethü jom pejempüan,

JOB SHAHSHA APPÜ 42:5

Ngelei dhaongi mon ngei nüng jung danpeih, shejao shaang ngelei müki nüng eeteke.