ISAIAH 59:8 - DAÜLANGPÜ LAIHING (BSI)

⁸ Jomphongi chingmeivangmei lem nenyingnyu, jomei lem kü shahhing neshiü. Jomei lemü jomi kaokeinyomei lingtükteke, jom pheikü kampü üpaiyao chingmeivangmei nenyingnyu.

ISAIAH 59:8 Referans Kwoze

ROM SHAHSHA APPÜ 3:17

hatü chingmei lem jomi nenyingnyu.”

LUK SHAHSHA APPÜ 1:79

shangmang hatü dipü vangdhüm kü nyupüthü kü vangngai shuohhen, hamei la chingmei lem kü mühen.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

MATHI 23:23

Akhümmong-üm shahkung nyuhbü hatü Phariseethü, onyükei! Mehenangkü amphongi haohilai eheni napa, nemha, nemnyü kübü ankhong shuohnyüke, shejao hapa mü vihpü shahkung eheni, shahhing, phahji, hatü hinglempü hathü nedüki yaktüknyüke. Lebüthü ne-amtüki ammi hathü dükhen vaipeih.

JEREMIAH 5:1

Jerusalem nanglakthü, ammei chingyangshong kü longteihümao; Shinei veituh, hatü deihhümao, shoukhinuk peü kü yemhümao. Hingshangi nyupü hatü shahhing yempü shennyak hük dangkao dangjema, ngei hapa chingnyü kü mang tükhen.

ISAIAH 48:22

“Nemeipüthü shingvaishi chingmei neshiü” shei Shembüpai enyüke.

KANDOK 28:18

Üpai shahhing kü kamnya, büpa yanghen, shejao üpai nejiüpü lem kü kamnya, ngangahük kü mahhen.

KANDOK 3:17

Pinnyülei lemthüyü mongongmongle, hatü pinnyülei lemshongü chingmeivangmei nyüke.

KANDOK 2:15

Lemkaok lemnaok kü kampüthü, hatü lemnuk lemnai kü longteipüthü kübü yangphahen.

MENVIH KESHO 125:5

Shejao üami kaokhinyom lemei lepnya, Shembüpai ten dükpü am mü changtükhen. Israel kü chingmeivangmei nyutuh.

ISAIAH 59:9

Hanangkü shahhingü ham toueipü taishi lüdai, hatü daülangshemshepü ham nengoinyu. Hamü vangngai om dannyüke, shejao peülei vangnyak mon nyüke; Hami vangngai nyapü yemnyeih, shejao shangmang kü kamnyüke.

ISAIAH 59:11

Sheptao keiha ham peü shomteinyüke, athuba keiha mahng thepnyüke, Hamü shahhing om dannyüke, shejao nedangnyu, yemleipü yemnyüke, shejao hapayao ham toueipü taishi nyüke.

KANDOK 2:13

Kangshangpü lem yakphongtü vangnyak kü kampüthü,

KANDOK 21:8

Pungpüshaipü amei lemü kaokshi nyüke, shejao pungpü neshiüpüthülei lemü kangshangi nyüke.

ISAIAH 65:2

Helushoei nemeipü shennyakthü, nemeipü lem kü kampüthü, laophüi deihpükei daipüthü,