ISAIAH 59:6 - DAÜLANGPÜ LAIHING (BSI)

⁶ Jomei maknyimi ashakviha vaihen nemeihen, jomi linghahpai jomei büm kü nejümaokhen. Jomei dou-ü mang dou monha, hatü jomei laki iy-aongmako dou mon düknyüke.

ISAIAH 59:6 Referans Kwoze

JEREMIAH 6:7

Yungkuk hüki yung meishi tuhpükei, pinnyüi pinnyülei mang jungei tuhnyüke; Depülaopü, benpülangpü mon pinnyü toueiyü dannyüke; tüngpüaipü hatü ma yahteipü mon pinnyü touei dannyüke.

ISAIAH 57:12

Am daülangshemshepü hatü ammei douthü ngei shakei vamhühen, hatü hapai am kü nanglei neshuohhen.

ZEPHANIAH 1:9

Ha nyih üami shakung benei tüteinya, hatü laophülei shembülei shemei lak shihteipai hatü gühdoui mahünya ngei hanghihühen.

MIKA 6:12

Ammei shemmeithüi üpteinyüke; ammei shennyakthüi shahshem enyüke, hatü jomei jubenyeijaangi lueilemei enyüke.

MIKA 2:8

Ammi ngelei nanglakthü khüei vepa kü kei yaongpeih; Dehenlaohen mongkü nele-i chingmei kü peihpüleipüthü, hatü vehok kübü yangei leipükei kamteipüthülei ashakviha ammi aetlangpeih.

AMOS 6:3

Ammi nemeipü nyihthü tailuei yaktüknyüke, shejao ammei doui nemeipü nyihthü yah-ei peihahnyüke.

AMOS 3:10

Ha nanglakthülei shemü gühdou, hatü deyeilaoei aetpüshepü doui maei nyüke. Jomi mehe jiü, ha dükhen nenyingnyu shei Shembüpai enyüke.

EZEKIEL 7:23

Nyiamvü hük lingtuh! Kahdok kü iy-aongmashateipai maei nyüke; chingnyü-ü üpteilenteipai maei nyüke.

EZEKIEL 7:11

Üpteilenteipai ten nyeinya bühnyüke. Shennyak, jomei mophimo, jomei dhemeilaüma nevaijü jomei müknyinshekhang meheyao aoei netuhphonghen.

ISAIAH 64:6

Ham peüi mang thahteke, hatü hamei daülangpü douthü kemei ashakten kei leidai; Ham peü phenlak lei kaudai, hatü vanglüki keiha hamei mangi ham maoei lüdai.

ISAIAH 58:4

Veituh, amphong shüaeiyunglepeyü, deyeilaoei, üpteilenteiyei, hüki hük kü lak shihteiyeidohnyüke. Am shinnyihpü keiha shüaeiyunglepai ammi phoppü shang Kahvangi nedanlangphapih.

ISAIAH 30:1

“Oh ven nedanpü hapeüthü onyükei,” “Üami ngelei küpjan nevaipü kü küpjan lingei dainya, ngei mongpü nevaipü kü üami mang kü mang üei mih mü uwmeilem lingnya;

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

MENVIH KESHO 58:2

Nevaiang, ammei mongei nemeipü temnyüke; ammei laki kahdoknyü kü iy-aongmashahünyüke.

KAHBHAO 6:11

Shaang Kahvang touei kahdoknyü-ü mang monha jüteishangteipai maei nyu.

JOB SHAHSHA APPÜ 16:17

shejao ngelei laki ten düktükpü neshiü, hatü ngei phoppü daülangi nyüpeih.

EZEKIEL 18:12

Büpai taopa hatü ne-angpüthü kü shüveinyüke, büpai gühnyüke, hatü lahtü yahpü jiüshi nyokei neshuohnyu. Büpai lajeithü kü veinyüke, büpai jiühitpü douthü düknyüke.

MALAKI 2:16

Ngei shemong yanpü kü jiühitnyeih, hatü dehilao kü ashaki jümtü nyupü kü jiühitnyeih shei Shembüpa Kahvangi enyüke. Hanangkü am nyingi lituh, hatü shahhing ne-e-i tenyu.

MENVIH KESHO 55:11

Hapa chingnyülei benpülangpü douthü nyüke; chingyangshong peü kü shüveidoidei, hatü ühingnakai mon nyüke.

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.

ZEPHANIAH 3:1

Ühingnakaipü, dokteikhaungkheipü, hatü sheihdaipü chingnyü, Onyükei!