ISAIAH 59:11 - DAÜLANGPÜ LAIHING (BSI)

¹¹ Sheptao keiha ham peü shomteinyüke, athuba keiha mahng thepnyüke, Hamü shahhing om dannyüke, shejao nedangnyu, yemleipü yemnyüke, shejao hapayao ham toueipü taishi nyüke.

ISAIAH 59:11 Referans Kwoze

ISAIAH 38:14

Khihmang hatü yungou keiha ngei vaüteke, athubai keiha ngei mahng thepteke. Shang philei veihampai ngelei mükyang yungdaiteke. Oh Shembüpa, ngei ponghahnyeih, ngei yangshih!

EZEKIEL 7:16

Ha kübü yangei daipüthü laophülei mang nangkü kahji leipü athuba keiha kahshangei mahng thepei nyuhen.

HOSEA 7:14

Jomei mong kempai ngei kü nephop, shejao yangtü jomi thepnyüke; Mechem jomi nükhiyiü yüei phophenshang, jomi ngei khüei yaongnyüke.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

JEREMIAH 8:15

Hami chingmeivangmei yempeih, shejao mehe meiyao nedang; Meitükhen hepak yempeih, shejao ha nangjei nyempü peiküpeih.

ISAIAH 59:9

Hanangkü shahhingü ham toueipü taishi lüdai, hatü daülangshemshepü ham nengoinyu. Hamü vangngai om dannyüke, shejao peülei vangnyak mon nyüke; Hami vangngai nyapü yemnyeih, shejao shangmang kü kamnyüke.

ISAIAH 51:20

Ammei hapeüthü peü chingyangshongei shoukhinuk kemei kü shaok tailok kü manpükei yüh-eiyangei lemlemleyei nyüke; Jomü Shembüpalei mongshih-i, hatü ammei Kahvang lohpai maei nyüke.

MENVIH KESHO 119:155

Yemleipeyü nemeipüthü toueipü taishi nyüke; mehenangkü jomi nüngei shahkung neyemnyu.

MENVIH KESHO 85:9

Hingmei büpa kü nyempüthü shingvaishi büpalei yemleipü yopailei nyüke, shejüang büpalei müknyinshekhang jenei kahdokei nyuhen.

MENVIH KESHO 38:8

Ngeiyü wong kemdai, hatü mindaiteke; ngei mongkü tüngpai thepnyeih.

MENVIH KESHO 55:2

Ngei epü bangtü jangshih; ngei shah deihpai mongshangnyüke.

ISAIAH 59:8

Jomphongi chingmeivangmei lem nenyingnyu, jomei lem kü shahhing neshiü. Jomei lemü jomi kaokeinyomei lingtükteke, jom pheikü kampü üpaiyao chingmeivangmei nenyingnyu.

ISAIAH 59:14

Shahhing changtük, daülangshemshepü taidai; chingyangshongei shahhing-ang huluh shuohhünyüke, hatü jiüshangpü shühen shing neshiü.

YOUNG LAI 3:17

Ngei chingmeivangmei ne-eehü; mongongmongle mehe shangkü ngei betük.

NAHUM 2:7

Haleipü onglanyü bümkong wüpküpei yah-ei daihen, pinnyülei aathü athuba kei jaaba kü daüpei mahng thephen.

MENVIH KESHO 119:150

Mükhong ten tuhtü ngei kü shüveipüthü yopailei peikünyüke; jomü nüngei shahkung kübü taishi lüdaiteke.

NAHUM 2:8

Nineveh-ü yung ngamdaipü yungkuk kei nyuhen, Yaongtuh, yaongtuh shei jomi lenhen, shejao üpayao nyokei neleihen.