ISAIAH 59:1 - DAÜLANGPÜ LAIHING (BSI)

¹ Hingmei, am yanghen shingvaishi Shembüpalei lak shohloh-i neshiü, nevaijü danhen büpalei dhaong hüei neshiü.

ISAIAH 59:1 Referans Kwoze

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

ISAIAH 50:2

Ngei leishingkü mehekei hükao nenyupa? Ngei nyükshingkü mehekei üpaiyao nejangpa? Am angei leihen ngelei lak shohdaipü je? Nevaijü am yanghen ngei wong neshiüpü je? Loh mon lohjü ngei yungchingao jeptüknyeih, ngei yungnyüthü bhih kahdok leitüknyeih; Haleipü nyahthü yung neshiüi, hatü yung lepai dinyüpeih.

BHEI-IE 11:23

Shembüpai Mosa kü, “Shembüpalei nganhiwong maani mon nyüpü hiang? Ngei epü jiüshi nevamkahen hi vamkahenshang nüngi shaang eehen” shei e.

ISAIAH 65:24

Jomi nyükshekü ngei janghen, jomi mang-e shekü ngei danhen.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

MATHI 13:15

Mehenangkü hapa nanglakthülei mongdang bawdaiteke, hatü danpai jomei dhaong hüdaiteke, hatü jomei mük ngühdaiteke. Hei nevailangmeyü jomei müki eehen, jomei dhaongi ha danhen; jomei mongdangi nyingei yahpai mong lepei leihen, hatü ngei jom meitükhah shepeih.

KAHBHAO 18:14

Shembüpai neaokbenüng lemhük nyüpü je? Jiüpü hepak hük kü ngei nyokei leikahen, hatü Sarah-i yeshang hük büh-ei nyuhen” shei e.

ISAIAH 58:9

Hahepak kü ammi nyükhen, hatü Shembüpai janghen; Ammi sheühshih shei lenhen, büpai, “Ngei hamü nyüpeih” shei ephahen. Ammi am shüveiteipü, ammi mih kü lakjaangi jüpü, hatü nemeipü peü dohdaijema,

ISAIAH 6:10

Hapa nanglakthülei mongdang yawtüktuh; dhaong aangtükhütuh hatü mük phüngtüktuh. Hei nevaijema jomi eehen, danhen, nyinghen, hatü ngei touei mong lepei leiyei meitükpü danghen khih.”

ISAIAH 63:1

Laophülei ashakviha kü iy hoidaitü Edom hatü Bozrah leipü peiküpü üpaang? Ow meishi owtü laophülei wong kemei mokei peiküpü üpaang? Hapayü Shembüpa ngei, yanghen wong kohpü, büpa aokpü baongei peikünyüke.

JEREMIAH 14:9

Mehekei nüngü ü-athamapü shennyak kei, veshan hük yanghen neaoki wong kemdaipükei nyunya? Nüngü ham mü nyüpeih, Oh Shembüpa, hamü nüngei nanglakthü, nüngi ham tetuhphong.

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

MIKA 2:7

Israel nanglakthü-ü thaüvaü phangkü nyüpeih shei nüngi deihnyu je? Shembüpai büpa nenteiaokpü mahtükpü je? Hingmei büpai henüng douthü düknyu je? Üami jiüpü düknya, hathü kü Shembüpai mei nedüknyu je?

1 SAMUEL 4:3

Mechem veshanthü baümtapei leijapa, Israel am behethüi, “Mehekei shinnyih Shembüpai jen kü Philistia ami-ang aokhüpa yo? Hanangkü jeni Shiloh leipü Shembüpalei Vangpüshuwpü Pela yah-ei leishah, shejüang büpa jen mü omshi daikahen hatü vepathülei lak kübü jen yangphahen” shei e.

1 SAMUEL 8:18

Mechem hathü nyih ngoikahenshang, ammi laophüi jehahpü ong nangkü leneiwonghen, shejao Shembüpai ha nyih am kü nejangphahen’ ” shei e.

MENVIH KESHO 94:9

Dhaong lingpübai nedannyu je? Mük lingpübai ne-eenyu je?

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.