ISAIAH 57:12 - DAÜLANGPÜ LAIHING (BSI)

¹² Am daülangshemshepü hatü ammei douthü ngei shakei vamhühen, hatü hapai am kü nanglei neshuohhen.

ISAIAH 57:12 Referans Kwoze

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MATHI 23:5

Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

ISAIAH 64:5

Mongongshi jiüpü dükpüthü, hatü nüng deih-ei dangpüthü kü nüng peiyei sheühnyüke. Shejao hami mang thahpü nangkü nüng mongshihteke, ham pungpü nangkü nüngei dhe jolangpeih.

ISAIAH 29:15

Am üami Shembüpa kü ammei küpjan chüloh-i jonya, hatü ammei dou vangnyakei jonya, hatü, “Üpai ham eehen? Üpai ham nyinghen?” shei epüthü onyükei!

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

ISAIAH 65:7

Jomi dükpü mangthü kü ngei shemhen” shei Shembüpai enyüke. Mehenangkü jomi kahshangthülei moila shuohteke, hatü shangtaothülei ngei nang nemei-i epeih. Jomi shelei dükpü doulemthü kü shettü ngei hapa kü nekomi nyokei shemhen.

ISAIAH 66:18

Shembüpai enyüke: “Ngei jomei douthü hatü jomi deihpü nyingnyeih, hatü ngei jatthü hatü shahlem laolao epüthü peü thaihen peihen, hatü jom peü peiyei ngelei müknyinshekhang eehen.

ISAIAH 44:9

Üami lajeithü lingnya, jomü yahlak neshiü, hatü jomi monghahpü kahvangthü nanglei neshiü. Üami hapa kahvang kü khümnya, jomphongü mükphüngpa hatü ngapathü hatü jomphong veü danghen.

JEREMIAH 10:11

Nüngi hathü kü hapakei etuh: Kahvangthü mepai kahdok hatü vangshothü neling, lomi hapa kahdok hatü vangsho phang kübü mahdaihen.

JEREMIAH 10:14

Peü kemei sholi hatü kon neshiü; hon shükbüi büpai lingpü lajei eetü veünyüke. Büpalei lajeiyü lueilempü mon; hathüi ngü neheenyu.

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.

JEREMIAH 51:18

Hathüyü yahlak neshiüpü eelanyongnya douthü khih. Mechem jom kü shahphenhen ngoihenshang jom mahkemhen.