1 Daülangpüthü mahjü üpaiyao mong kü nyah-ei nedeihnyu; hinglempüthü dijü üpaiyao ha nenyingnyu. Mehenangkü daülangpüthüyü shanghah vongshüh kübü yanglangnyüke,
Ngei hapa shing kü koei peihen shanghah nüngei müki ne-eehüpih; ngei nüngü chingmeivangmei kü dihühen’ ” shei e. Jomi ongpa touei hapa shahjang koei leiteke.
Sheühshih, Oh Shembüpa Kahvang, Kahvang nyingpü shennyak hükao neshiüang; hangkuli khongkü hinglempü mahdaiteke.
Ngei ambü ampa touei deishihhen, hatü nüng chingmeivangmei kü dihühen; ngei hapa shing hatü haleipü nanglakthü kü koei peipü shanghah nüngei müki ha ne-eehühen” shei e. Jomphongi ha shahjang koei ongpa touei leiteke.
Kahmük kübü Kahvang shennyak mahdaikem, hatü daülangpü shennyak hükao hangku khongkü aoei neshiü. Shennyak peüi iy-aongmashateihen mon danei nyüke. Peüi banghhikang kü laophülei jeihinaü vüshihnyüke.
Hanangkü büpa mongshihpü jom kü khüppeih, hatü vehok mangpü heüpeih. Awlomi jom jümlangjao, jomi hapa nenyingaok; awi jom jangtükjao, jomi hapa mongdangei neyah.
“Ngeiyü den kü onglanyü vaiyei nyuhen” shei deihpü nangkü ammei mongei ha nele, nevaijü mehe vamkahen ha deih-ei nedang.
Ammi ha nebangjema, hatü ngelei men müknyinshekhanghen ammei mong kü nelejema, ngei am kü thaüvaü shomhen, hatü ammei moihimanthü thaüvaütükhen. Hih, ammei mongkü ngelei men müknyinshekhanghen nelepü nangkü ngei hathü peü thaüvaütüktepih shei Shembüpa Kahvangi enyüke.
Hanangkü chongphopüthüi büpa koyei khari hük kübü yah-ei hükpa kü shihtü Jerusalemei yahei lei. Halei büpa di hatü chebü chepalei mahngchongei büpa vüteke. Judah hatü Jerusalem am peü Josiah kü mahng thep.
Hezekiah di hatü Davidei hühihathülei mahngchong nyupü shangtaolei vüteke. Mechem büpa dipa, Judah hatü Jerusalem nanglakthü peüi büpa kü dhüm shuoh, hatü büpa jeiyei cheha Manasseh-i ong vaiteke.
Israel am kemei mahng thephen, hatü büpa mahng vühen; mehenangkü Jeroboam am shem kü büpa mon mahngchongei vühen; mehenangkü Jeroboam am shem kü büpa kü monha Shembüpa, Israel Kahvangi mongongbenüng lemhük nyüke.
Üam kü nyemei hanei ammi ngei kü shahshem etü ngei betüknya? Ngei hepak luangi nenmü nyudaipü nangkü ngei kü dhüm neshuoh-i dohdaipüje?
Yungching bhihhiphang keipü Israel am üpai ieaokhen, nevaijü phaihan ali kü hük dangkao üpai itaokhen? Kahvangei nanglak kü ngei ngelei yangnyu hantet dohhüshah; Daülangpü shennyak kei ngei daülangi dishah.”
Eela neshiüpü shennyak kü veishi nyutuh, kangshangpü am kü veihümao; Chingmei kohpü shennyakei hüshompheinaü nyüpeih.
Amphongei thihivam doui nekatiaokhen mü vongshüh peikahen. Amphongi nekeütükaokhen mü shanghah peikahen, Amphongi nenyingpü kü ngangahük kü lomoh aühaü peikahen.
Hanangkü shaang Judah nanglakthü kü hatü Jerusalemei nyupüthü kü Shembüpai ha enyüke shei etuh: Veituh! Ngei am shing shanghah hük temnyüpeih hatü am khüei küpjan hük lingnyüpeih. Hanangkü ammei mang lemthü kübü am peüi mong leptuh, hatü ammei lem hatü dükhiling ja lingei leituh.
Nüngi didaipü ong nevaijü büpa lomohpü kü tethep; Halei meyü wüpküpei lüdaipüthü shing shahyaki theptuh; mehenangkü büpa mechemao laophülei kahdokei nyokeineleikahen, nevaijü hapa ne-eehen.
hatü pinnyü kü Shembüpai hapakei enyüke shei etuh: Ngei am khüei nyüpeih. Ngei ngelei yanlu nohen hatü am peü nemeipü meipü nyiphen jühen.