ISAIAH 55:3 - DAÜLANGPÜ LAIHING (BSI)

³ Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

ISAIAH 55:3 Referans Kwoze

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

MATHI 11:28

Amphong nyiupünangpü hatü hanggovih kopüthü ngei touei peikei, hatü ngei amphong kü nyiushemmei yahphahen.

KANDOK 4:20

Ngelei hapeü, ngei epü kü mong shuohtuh; ngelei shahthü kü dhaong shaangtuh.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

PHONGSHANTHÜ DOU 13:34

Kahvangi büpa dipü kübü yangei leishihhen, hatü neshehen shei epü hapakei eyei nyüke: “Ngei amphong kü daülangpü, hatü ngei David kü lahpü hingshangpü moihiman shuohhen.”

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

ISAIAH 61:8

Mehenangkü Shembüpa ngeiyü shahhing kü bamnyeih; Ngeiyü gühpükaaipü hatü mang kü jiühitnyeih. Ngei hingshangi ngelei nanglakthü kü thintho shuohhen, hatü ngei nedohnetenpü vangpüshuwpü jomphong mü linghen.

MENVIH KESHO 78:1

Oh ngelei nanglak, ngei nyuhpü kü dhaong shaangtuh, ngelei ju kübü shah kü dhaong meetuh.

ISAIAH 54:8

Ahshi mongshihpü nangkü kansho hük shing ngei ngelei dhe am toueipü jodaipeih, shejao nedohnetenpü bampai ngei am kü shinshanghen shei am yangpü Shembüpai enyüke.

LEVI 18:5

Ngei am kü shuohpü shahkungthü hatü vanglem kü mütuh; hapa dükpai am yemmü nyuhen. Ngei ammei Shembüpa.”

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

JOHAN 8:47

Üam Kahvang leipü nyüpa, Kahvangei shahthü bangnyeih. Amphongi hathü nebangpü lappeyü amphongü Kahvang leipü nevai” shei e.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

JEREMIAH 50:5

Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

JEREMIAH 33:26

ngei Jakob hatü ngelei chongphobü Davidei hühihathü yaktükhen, hatü ngei Abraham, Isak hatü Jakobei hühihathü shak kü vanglem lemhen büpalei hathü khong kübü hükao nejehen. Mehenangkü ngei jom dahüshehühen hatü jom kü phahjihen.

JEREMIAH 30:9

Shejao jomi Shembüpa, jomei Kahvang hatü ngei jom shing vamhüpü David ongpa jomi chongphohen.

MENVIH KESHO 119:112

Dohpü thahshi düngei nüngei shahkung banghen ngelei mong kü temtüktih.

MENVIH KESHO 89:28

Den kü ngei büpa kü bampü nyuhen, hatü ngei büpa mü vangteipü wongshongi tuhhen.

2 SAMUEL 23:5

Ngelei mong Kahvang mü hapakei nenyupü je? Lemphü kü shüpeikengei, yangei, büpai ngei mü nedohnetenpü vangpüshuwpü nelingangpü je? Büpai ngei napü peü kü betjük nejükhühen je?

MATHI 13:16

Shejao ammei mükthü moihiman; mehenangkü hathüi eenyüke, hatü ammei dhaongi dannyüke.

ROM SHAHSHA APPÜ 10:5

Mosai shahkung leipü peipü daülangshemshepü nang nyangshingkü hapakei enyüke: “Üpai hathü dükhenshang hathü homei yangnyu nyuhen.”

JOHAN 7:37

Mo dohpü hatü longpü nyih, Jisui yaongtü wong mü lenei, “Üam yung lenya, ngei touei peikei, hatü yingtuh,

2 SHÜPPÜKENGPÜ 6:42

Oh Shembüpa Kahvang, nüngi thiteiphuei jepü ong teyakphong. Nüng chongphobü David shingvaishi nüngi bampü deih-ei dangtuh.

MENVIH KESHO 119:175

Ngei nüng kü vihhen shangmü ngei yemmü tuhte, hatü nüngei shahkungi ngei kü sheühshih.

ISAIAH 51:4

Ngei epü bangtuh, ngelei nanglak, ngei epü kü kenhingtuh ngelei jatli. Ngei leipü nyuhpüvenpü daihen, ngelei shahhingü jatthü shing vangngai leihen.

ISAIAH 54:10

Kahshangthü jenjao, shangchingthü yandailangmao, ngei am kü bampü nejenlenhen, nevaijü ngelei chingmeivangmei vangpüshuwpü neyandaihen shei am kü bampü Kahvangi enyüke.

JEREMIAH 38:20

“Jomi nüng hapakei neshuohtükpih” shei Jeremiah-i e. Ngei mehe enya ha dükei Shembüpalei shah bangtuh. Shejüang nüng meishi nyuhen hatü nüng yanghen.

EZEKIEL 16:60

Shejao am hashih mü nyushi ngei am mü lingpü vangpüshuwpü ngei deih-ei danghen, hatü ngei am mü nedohnetenpü vangpüshuwpü linghen.

EZEKIEL 34:24

Ngei, Shembüpayü jomei Kahvang vaihen, hatü ngelei chongphobü Davidü jom khongkü ong vaihen. Ngei, Shembüpai ha etepih.

EZEKIEL 37:26

Ngei jom mü chingmeivangmei vangpüshuwpü hük linghen; hapayü nedohnetenpü vangpüshuwpü vaihen; ngei jom kü moihimanhen hatü jom nanglak dahüshehühen, hatü ngelei phopshem düngei jomei kahdokei chonglingei tuhhen.

AMOS 5:4

Shembüpai Israel nanglakthü kü hapakei enyüke: Ngei yemtuh hatü am yemmü nyuhen;

AMOS 5:6

Shembüpa yemtuh hatü yemmü nyuhen, hei nevaijema büpai Joseph phang khüei aw kei vamkahen, hatü üpaiyao hapa methen neshiüi Bethel hahtükhen.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

2 SAMUEL 7:29

Nüng touei den kü nyuhen shingvaishi nüngi chingmeilemlingei nüngei chongphobülei shemong kü moihimanshih, Oh Jeiyong Shembüpa, nüngi nüngei moihimani nüng chongphobülei shemong den kü moihimanhen” shei phopei e.

MENVIH KESHO 89:29

Ngei büpalei ong hean den kü linghen, hatü büpalei ong uoshing vangshothü nyupü thahshi nyuhühen.

KANDOK 7:2

Ngelei shahthü noteituh, hatü nüng yem mü nyuhen; ngei nyuhpüvenpüthü nüngei mük kü jungpükei jungtuh.

EZEKIEL 34:25

Ngei jom mü chingmeivangmei vangpüshuwpü linghen, hatü meishih nyahmang peü changtükhen; shejüang jomphong bhih kahdokei nyuhen hatü hüshemei phaülei shiyeichonghen.