ISAIAH 55:1 - DAÜLANGPÜ LAIHING (BSI)

¹ Hey, amphong yung lepüthü peü, yung touei peikei; Üami lop ne-ang, peikei, shakei yingtuh! Peikei, lop neshiüi, bhei neshuoh-i yiü hatü amma shakhahtuh.

ISAIAH 55:1 Referans Kwoze

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

SHAKEI VAMPÜ 22:17

Laangha hatü yiükjinglai enyüke, “Peikei.” hatü danpü peüi “Peikei” shei etuh. Üpai yung lenya peikei. Napü peüi yangnyu yung angkü yahhahtuh.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

MENVIH KESHO 143:6

Ngei nüng kü ngelei lak haongnyeih; kahvan keiha ngelei laanghai nüng yunglenyeih.

SHAKEI VAMPÜ 22:1

Hapheikü vangsho phongshani ngei kü chüshaü kei daülangpü Kahvang ong uoshing hatü Mi Cheha leipü yenpü yangnyu yung yungyen huphüteke;

MATHI 13:44

Vangsho ongchingü kah hükei kahmong mop nyupü leshi nyüke. Hanei ami ha dangei jophongtü mongongshi daiyei laophü angpü lemphü yutü ha kah shakpükei nyüke.

MATHI 10:8

Tüngpü meihütuh, didaipü yangtuh, ngompüthü daütüktuh, mang laangthü changtüktuh. Amphongi lop neshuoh-i ha dangpeih, lop neyah-i yah-eishuoh.

JOEL 3:18

“Hapa nyih kü kahshangthüi yiü ja yenphahen, hatü shangtaothü kü amma yenkahen; Judah leipü shohinga peü kü yung changshi yenkahen. Shembüpalei phopshem kübü yunglok hük yenei shaei Akacia Kahji kü yung shuohhen.

MENVIH KESHO 63:1

Oh Kahvang, nüngü ngelei Kahvang, ngei nüng yemnyeih. Yung neshiüpü kahvan kü ngelei laanghai nüng young lenyeih; ngelei phai-i nüng ongyangnyeih.

ISAIAH 52:3

Mehenangkü Shembüpai hapakei enyüke: “Lop neyah-i am yutükpeih, lop neshuoh-i am angei leihen.”

SHAKEI VAMPÜ 3:18

Hanangkü am shemmei leihen, hatü veübenüng ammei bümkong eelangmangkü ha banghen ashak shola ümhen, hatü ammei mük eehen nangkü meli shakhen aw kü jakei daütükpü hon shakhahtuh shei enyeih.

1 PETER 2:2

Naüja keiha daülangpü laangha amma yinghen kentuh, shejüang am yemleipü kü longhen.

ROM SHAHSHA APPÜ 3:24

shejao jomphong shaangü Khrista Jisu kü angei leipü homei büpalei phahji thinthoi jom dahshakhüteke.

HOSEA 14:4

Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

KANDOK 8:4

Oh nanglakthü, ngei amphong kü nyüknyüpeih, ngei hangkuli peü kü lennyüpeih.

MATHI 26:29

Ngei am kü enyeih, Opalei ongching kü amphong mü nyalingngupai yiü ja yinghen nyih mangngoi thahshi ngei amphong mü hapa nyalingngupai yiü nenyinghen.”

ZEKHARIAH 9:15

Jeiyong Shembüpalei inyüshungi jom yanghen, jomi nyeilah kü shoupei mangtükhen; Jomi nükchokyiümok am kei thepju kü lenhen, hatü vepathü iy yenhühen. Chilimji leipü iy moila shuohpü moidü touei langpükei yenkahen.

SOLOMONEI KESHO 1:4

Ngei nüng mü mühahtuh; ji shülangshah! Ongpai ngei büpalei dung-amei mülangpeih. Hami nüng kü mongonghen, hatü mongmeihen; Hami yiü mao nyeishi nüngi bampü jung vihhen; jomi hingmei nüng kü bamnyeih.

1 KORINT 3:2

Ngei am kü vaanpü hahying nevai, amma mon yingpeih; mehenangkü amphongü vaanpü hahying hahhen temei neshiü. Shaang dangkao am temei neshiü;

ZEKHARIAH 10:7

Ephraim nanglakthüyü hampathü kei nyuhen, hatü jomei mong yiü yingpükei mongonghen. Jomei hühihathüi ha eehen, hatü mongonghen; jomei mongdangi Shembüpa kü mongonghen.

ZEKHARIAH 2:6

“Leikei, leikei! Apsha kahdok leipü nyaidaikei” shei Shembüpai enyüke; mehenangkü ngei am vangsho jung ali kü yantükpeih, shei Shembüpai enyüke.

RUTH 4:1

Hapheikü jila peshaden shahthai shingei aongei halei uoshi nyu. Mechem büpai epü showsheipü shennyak peijapa, Boaz-i, “Küphüpa, hatouei heihkei hatü uotuh” shei e. Hanangkü büpa heih-ei uoteke.

SOLOMONEI KESHO 1:2

Büpalei jui ngei kü nyemjüppha! Mehenangkü nüngi bampeyü yiü mao meipüba;

YOUNG LAI 5:4

Hami yingpü yung kü lop shuohhen mü, hami jakpü pü shakhen mü hetteke.

MATHI 5:6

Daülangshemshepü men kü üami shüaeiyunglenya, jomphong moihiman; mehenangkü jomphong shümoh meihen.

PHONGSHANTHÜ DOU 8:20

Shejao Peteri büpa kü, “Nüngei ngin nüng mü mahdaituh; mehenangkü Kahvangei thintho lopi dangnyeih shei nüngi deihpü khih!

KANDOK 9:5

“Peikei, hatü ngelei hahying hahtuh, hatü ngei aanpü yiü yingtuh.

EZEKIEL 47:1

Hahepak kü büpai ngei phopshem shadenei müei dei; hapa phopshem shaden touei yung vamei phopshem heongphi lemei sha (phopshemü heong lemei meeshi shiüteke), hatü moidü pehephi kübü yung vamei phopshem shatüng pehephi phang leipü yung yenei shateke.

EZEKIEL 47:9

Melemei ha yung yenhen, halei yemhamakha lemphü hatü nyah longi nyuhen, hatü hapa yung daülangi leihen hatü ha yung yenpü peü lemei lemphü yemmü nyukahen.

KANDOK 9:1

Kihikoni pinnyülei shem veteke, hatü ha kü shemnyü nyet haongteke.

ISAIAH 1:19

Amphongi-üng mongei ven bangjema, amphongi kahdok kü vampü meipü hahhen;