ISAIAH 53:6 - DAÜLANGPÜ LAIHING (BSI)

⁶ Jen peü mi keiha lemnyongei dai, jen peü laophüi mongpü lem kü lüdaikem; hatü Shembüpai jen peüei mang büpai kolang.

ISAIAH 53:6 Referans Kwoze

1 PETER 2:25

Mehenangkü amphongü mi keiha lemnyongei daiyei nyuteke, shejao shaang mi yombü hatü ammei laangha yombü touei nyokei leiteke.

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

MENVIH KESHO 119:176

Ngeiyü mahdaipü mi keiha lembien kü daipeih; nüngei chongphobü yemtuh; mehenangkü ngei nüngei shahkungthü nebetüknyih.

ROM SHAHSHA APPÜ 4:25

Jenei mang nangkü büpa dipü kü lanei shuoh, hatü jen dahshakhühen nangkü yangei leishihteke.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

JAKOB 5:20

Ha deih-ei dangtuh: Üami mang shennyak hük lemnyong kübü müei leihenshang, ha mang shennyakei laangha dihen kübü yanglanghen, hatü mang longi küpei tuhtüknyeih.

ISAIAH 53:10

Büpalei büm mintükhen, hatü hanghihühenü Shembüpai mongpü nyuteke, hatü Shembüpai büpalei yangnyu-ü mangthü shingvaishi moila hük leitükjao, büpai laophülei hühiha eehen, hatü yangnyu shoshoshi nyuhen, hatü büpa homei Shembüpai mongpü aokpü danghen.

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

MENVIH KESHO 69:4

Meheyao ten neshiüpü kü ngei kü jiühitpüthü shokuk mao nyeidaiteke. Ngei jühenthü longi nyüke, shahshemi ngei nyonghüpü vepathü longi nyüke. Mehe ngei negüh, ha ngei shemhen je?

EZEKIEL 3:18

Mechem ngei nemeipü shennyak hük kü, ‘Nüng hingmei dihen’ shei ehenshang büpalei yangnyu yanghen shingvaishi nüngi shahvüng neshuohjema nevaijü mang lem kübü yanhen ne-eshuohjema, hathüyü laophülei mang lat dihen shejao jomei iy nüng kübü yühen.”

ISAIAH 6:7

Büpai hapa yah-ei ngelei ju kü hongtü, “Veituh, hapai nüngei ju kü hongteke; shaang nüngei mang lüdai, hatü nüngei mang tükteke” shei e.

ISAIAH 40:2

Jerusalem nanglakthü kü yawh-eiyangei etuh, hatü pinnyü kü, “Hepak luangi shanghahpü dohdaiteke, pinnyülei mang tükteke, jomei mang shingvaishi SHEMBÜPAleipü jomi shingnyi dangteke shei baongeishuoh.

ISAIAH 53:5

Shejao jeni pungpü nangkü büpa mashateke, jenei mang tata kü büpalei büm mintük; Büpai ponghahpü hanghi homei jen meitükpü dang, hatü büpa mashapü homei jen meitük.

ISAIAH 53:7

Büpa kü shüvei, hatü hanghihü, shejao büpai laophülei ju ne-ap; Büpayü miha jüshingei deipükei, hatü mi hük mum japjü nenpü keiha, büpai laophülei ju kübü shah phahükao nevam.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

ISAIAH 53:12

Hanangkü ngei büpa kü longpüthü mü büpalei phaihan shuohhen, hatü büpai wong kohpüthü mü hean hanteihen; Mehenangkü büpai laophülei yangnyu dihen shuoh, hatü mangthü mü bhei-ie kü shih; Shejao büpai mangthü peüei mang kolang, hatü mangthü shingvaishi phop.

ISAIAH 55:8

Mehenangkü ngei deihpeyü ammei mongdeih nevai, nevaijü ammei lemthüyü ngelei lem nevai shei Shembüpai enyüke.

JEREMIAH 50:6

Ngelei nanglakthüyü mah-ei nyupü mithü; jomei mi yombüthüi jom lemnyong kü mülangpeih, hatü vakhivien kü longteihüei angpeih. Jomphongi mikhaok betüktü kahshangei longteiyei nyupeih.

DANIEL 9:5

hami mang thahteke hatü nejiüpü düktükteke. Ham ahshi-üng nemei hatü nüng kü khüteke; nüngi kangpü douthü yakphongtü ham lemnyong kü lüdaiteke.

KAHBHAO 22:6

Abrahami moila jakhen püdü yah-ei Isak kü paihü, hatü büpai aw hatü longkhoih notü jiji chemi dai.

SHAHPHENBÜTHÜ 21:25

Hathü nyih kü Israel kü ong nenyu; peüi laophü kü mehe mei, hapa mon dükhamteke.

ISAIAH 66:3

Üpai mohohbaong jüei moilanya, büpayü shennyak jüpü keipü hih, hatü üpai mi cheha moilanya, büpayü shi üng kü vetpü keipü hih; Üpai hahying moila shuohnya, büpayü ookei iy moilapü keipü hih, hatü üpai ayingshü jakei moila shuohnya, büpayü lajei kü khümpü keipü hih. Jomi laophüi lümpü lemthü jeteke, hatü jiühitnalaipü dou kü jom mongmeinyüke.