ISAIAH 53:5 - DAÜLANGPÜ LAIHING (BSI)

⁵ Shejao jeni pungpü nangkü büpa mashateke, jenei mang tata kü büpalei büm mintük; Büpai ponghahpü hanghi homei jen meitükpü dang, hatü büpa mashapü homei jen meitük.

ISAIAH 53:5 Referans Kwoze

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

HEBREW 10:14

Mehenangkü moila shan hük shuohpai daütükpüthü den shing changhüshahüteke.

ROM SHAHSHA APPÜ 4:25

Jenei mang nangkü büpa dipü kü lanei shuoh, hatü jen dahshakhühen nangkü yangei leishihteke.

HEBREW 10:10

Jisu Khristalei büm den shing chem mon moila shuohpü homei jen daüdaipeyü Kahvangi mongpü nyüke.

1 KORINT 15:3

Mehenangkü ngei mehe dang, ha nyokei shongpü shongnyü vaishi ngei am kü jaiyei shuohtepih: hapayü Laihing kü nyupükei jenei mang shing Khrista di,

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

HEBREW 5:8

Büpayü Ha vaijao büpa shangpongpü homei büpai ven danhen nying;

SHAHKÜP 11:2

Hapayü ammei hapeüthüi nevai shejao ammi Shembüpa, ammei Kahvangi mehe dükpa, ha mongkü pongnyüke; büpa longpü, büpalei ngan, büpalei wong,

MENVIH KESHO 30:2

Oh Shembüpa, ngelei Kahvang, ngei nüng kü sheühshih shei lenpeih, hatü nüngi ngei meihüpeih.

KANDOK 20:30

Lak-ap püshow bheipai ten daütüknyeih; Üppülenpai mongdang daühünyeih.

ISAIAH 6:7

Büpai hapa yah-ei ngelei ju kü hongtü, “Veituh, hapai nüngei ju kü hongteke; shaang nüngei mang lüdai, hatü nüngei mang tükteke” shei e.

ISAIAH 40:2

Jerusalem nanglakthü kü yawh-eiyangei etuh, hatü pinnyü kü, “Hepak luangi shanghahpü dohdaiteke, pinnyülei mang tükteke, jomei mang shingvaishi SHEMBÜPAleipü jomi shingnyi dangteke shei baongeishuoh.

ISAIAH 57:18

Ngei jomei lemthü eetepih, shejao jom meihühen; Ngei jom mühen hatü mahng theppüthü kü nyiumei shuohhen.

JOB SHAHSHA APPÜ 33:24

hatü büpai hapa shennyak shinshangei, ‘Kahshalei shüdaihen kübü yangtuh, ngei büpa shing shojeinanglei hük dangtepih’ shei ejema,