ISAIAH 53:4 - DAÜLANGPÜ LAIHING (BSI)

⁴ Hingmei mü büpai jenei shanghah yahlang, hatü jenei mongshang kolang, Shejao jeni büpa keyü Kahvangi üpshuohpü khih, hatü ponghüpü khih shei deihnyüke.

ISAIAH 53:4 Referans Kwoze

1 PETER 2:24

Mang kübü bümei leiyei jen daülangi nyuhen shingvaishi büpai shophang shangei laophülei büm kü jenei mang koteke; büpa mashapü homei jen meiteke.

MATHI 8:17

Hapayü Isaiah thibüi, “Büpai jenei shanghah hatü dinlem peü kolang” shei epü jiühühen shingvaishi ha vamteke.

GALATIA 3:13

Shahkungnyü thaüvaü kübü büpa jen shing thaüvaü hük leiyei Khristai jen angei leiteke; mehenangkü hapa nyangei nyüke: “Pü shangkü üpa aphenshang, büpayü thaüvaütükpü.”

1 JOHAN 2:2

hatü büpayü jenei mang shing mang tükhen moila shuohpüba, hatü hayü jenei mang mon nevai, shejao kahdoknyü kempülei mang shingvaishi moila shuohpeih.

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

JOHAN 19:7

Jehoda ami büpa kü jangei, “Hamei shahkung hük nyüpeih, hatü hapa shahkung aimü büpa dihen jiüteke; mehenangkü büpai büpayü Kahvang Ha hih shei epeih” shei eteke.

MENVIH KESHO 69:26

Mehenangkü nüngi bheishuohpüthü kü jomi shüveinyüke, nüngi ma yahhüpüthü kü jomi nemei-i düknyüke.

MATHI 26:37

Büpai Peter hatü Zebedeelei cheha nyi müei dai, hatü mongshangei shangponghen chongpang.

ROM SHAHSHA APPÜ 4:25

Jenei mang nangkü büpa dipü kü lanei shuoh, hatü jen dahshakhühen nangkü yangei leishihteke.

LEVI 16:10

shejao mepa yum Azazel shingvaishi phongkü hethen, hapayü nanglakthülei mang koei Azazel jahpanei deishihtükhen shingvaishi Shembüpa kü yemmü shuohhen.

ISAIAH 53:10

Büpalei büm mintükhen, hatü hanghihühenü Shembüpai mongpü nyuteke, hatü Shembüpai büpalei yangnyu-ü mangthü shingvaishi moila hük leitükjao, büpai laophülei hühiha eehen, hatü yangnyu shoshoshi nyuhen, hatü büpa homei Shembüpai mongpü aokpü danghen.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

BHEI-IE 7:15

ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

BHEI-IE 7:45

ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

MENVIH KESHO 69:8

Ngelei shem am toueingeiyü yenpa kei leidai, ngelei jeihinaüthü touei ngei kung am kei leidaiteke.

MENVIH KESHO 69:27

Jom pungpü kü shao pungpü üeishuoh, jom nüng toueipü yangei tetuh.