ISAIAH 53:11 - DAÜLANGPÜ LAIHING (BSI)

¹¹ Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

ISAIAH 53:11 Referans Kwoze

1 PETER 2:24

Mang kübü bümei leiyei jen daülangi nyuhen shingvaishi büpai shophang shangei laophülei büm kü jenei mang koteke; büpa mashapü homei jen meiteke.

ROM SHAHSHA APPÜ 4:24

shejao jen shingvaishiyao khih. Büpai Jisu, jenei Shembüpa dipü kübü yangei leishihpeih shei üami büpa kü hinglemhen, jen kao hapakei ieyeilemhen.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

ISAIAH 53:12

Hanangkü ngei büpa kü longpüthü mü büpalei phaihan shuohhen, hatü büpai wong kohpüthü mü hean hanteihen; Mehenangkü büpai laophülei yangnyu dihen shuoh, hatü mangthü mü bhei-ie kü shih; Shejao büpai mangthü peüei mang kolang, hatü mangthü shingvaishi phop.

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

1 JOHAN 2:1

Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

JOHAN 16:21

Mechem nyüha hük hapeü angnya longi tüngnyüpeih, mehenangkü pinnyülei hepak ngoiteke. Shejao mechem hapeü angtükhen, pinnyüi kahdoknyü kü hangku hük angtükpü nangkü pinnyüi tüngei ponghahpü deih-ei nedangnyih.

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

ISAIAH 53:8

Shahhingi nyongpü leitüktü büpa müei dai, hatü üpaiyao büpa nang mong-aaei nedeih. Mehenangkü büpayü yangnyu nyupü kahdok kübü jütük; Ngelei nanglakthüi mang thahpü nangkü büpa kü bheiteke.

ISAIAH 45:25

Shembüpa kü Israel jat peüi aokpü danghen hatü müknyinshekhanghen.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

2 JOHAN 1:3

Jen touei Opa Kahvang hatü Shembüpa Jisu Khrista, Palei Ha shahhing hatü bampü kü phahji, yahyang hatü chingmeivangmei jen mü nyemnyuma.

2 JOHAN 1:1

Behe leipü jelangpü nyüha hatü pinnyülei hapeüthü touei: Am kü ngei hatü ngei mon nevai shahhing nyingpüthü peüi shahhing kü bamnyeih;

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

GALATIA 4:19

Ngei bampü hashihthü, am kü Khrista mangnyu thahshi hapeü angshingkü tüngpükei ngei nyunyeih.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

ROM SHAHSHA APPÜ 5:9

Shaang jeni büpalei iy homei dahshakhüteke, meshükpa büpa homei jen Kahvangei mongshih kübü yangphahen!

JOHAN 12:24

Hingmei ngei am kü enyeih, hahkuk hük kahdokei vüei mangdi thahshi hahkuk lakshing nyunyeih, shejao ha dijema, hapai betjük longi jüknyeih.

LUK SHAHSHA APPÜ 22:44

Büpa mongshangpai nyeinya lanei shuoh-ei phop, hatü büpalei lem-ow kahdokei iy shühpükei leiteke.

ISAIAH 49:3

Büpai ngei kü, “Nüngü ngelei chongphobü Israel, nüng homei ngei müknyinshekhanghen” shei ephopeih.

ISAIAH 52:13

Veituh, ngelei chongphobüi kon kohshi dükkahen; Büpayü longei shangei anshihhen, hatü dhüm longi shuohhen.

DANIEL 12:3

Kenhingpüthü vangsho nyangnyangpükei nyahen hatü üami mih longi daülangshemshepü touei müei lei, hathüyü denden kü lithathü kei nyaahen.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.