ISAIAH 51:9 - DAÜLANGPÜ LAIHING (BSI)

⁹ Paotuh, paotuh, wong antuh, hatü ham yangshih, Oh Shembüpa; Paotuh, peihdaipü nyihthü kü keiha, meyangmeyangpü denshemthü kü keiha. Rahab khih mü nihtükpü hatü dragon kü peiyei hümtükpeyü nüng nevaipü je?

ISAIAH 51:9 Referans Kwoze

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

ISAIAH 27:1

Hapa nyih kü Shembüpai laophülei wong kohpü hatü dihen leü kohpü yanlu yah-ei kaokei nyokei kamteipü Leviathan biü hanghihühen; büpai yungching mongei nyupü hapa biü jütükhen.

MENVIH KESHO 89:10

Nüngi Rahabü mahng kü kei nihtük, nüngi vepathü nüngeiwong kohpü laki yantükkem.

ISAIAH 30:7

Mehenangkü Ijip ami sheühpeyü yahlak neshiü. Hanangkü ngei jom kü, “Neheti uopü Rahab” shei nyüknyüpeih.

EZEKIEL 29:3

“Shembüpa Kahvangi hapakei enyüke” shei büpa kü etuh: “Ngei nüng khüei nyüpeih, Ijip ongpa Pharaoh, yungyenei lemshi nyupü Dragon nüngi, Nile yungyenü ngelei; ngei laophü shing linghahpeih” shei enyüke.

ISAIAH 51:17

Thaeimatuh, thaeimatuh, paotuh, Oh Jerusalem, Am Shembüpalei lak leipü mongshih yungshong yingpüthü; Ammi ha hienei yingteke, hatü tüngtüngmüngi kamnyüke.

MENVIH KESHO 44:1

Oh Kahvang, nüngi aivang nyihthü kü obü opa amei hepak kü nüngi dükpü douthü jung jomi ham kü eküpü hamei dhaongi dantepih.

JOB SHAHSHA APPÜ 26:12

Büpalei ngani yungchingao nenhütüknyüke; büpalei kihikoni Rahab khih mü nihtükpeih.

MENVIH KESHO 7:6

Nüng mongshihpai yaongtuh, Oh Shembüpa; ngelei vepathü mongshihpü khüei yaongtuh; Paotuh, ngelei Kahvang, shahhing shahkung lingtuh.

HABAKKUK 3:13

Nüngi laophülei nanglakthü yanghen, nüngi thiteiphuei yanghen pei. Nüngi nemeipü amei mübü ngümtük, hatü büpa phei müpüthü peü jütük.

ISAIAH 62:8

Shembüpai laophülei lakdah-i, hatü büpalei laklu wong longpai, “Hajük kü ammei mop ammei vepathü kü neshuohpih, ammi nyiueinangei linghahpü yiüja hajük kü kung am kü neshuohpih.

MENVIH KESHO 93:1

Shembüpayü ongpa, büpayü müknyinshekhang, hatü wongi maei nyüke. Büpai kahdoknyü lingteke, hatü ha nechaidaihen.

MENVIH KESHO 87:4

Ngelei ven danpü khongkü ngei Ijip, hatü Babylon omhen; Ethiopia am mü Philistia, hatü Tyre amao, “Hathüyü Zion leipü vampeih” shei jomi ehen.

MENVIH KESHO 44:23

Paotuh, Oh Shembüpa! Nüng mehekei shinya? Paotuh, nüngi ham den kü teyaktük.

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

SHAKEI VAMPÜ 11:17

“Hami nüng vihnyeih, Shembüpa Jeiyong Kahvang, üpa nyüpa, üpa nyutepa, mehenangkü nüngi nüngei ngan longpü yah-ei vanglem lemhen pangteke.

LUK SHAHSHA APPÜ 1:51

Büpai laophülei laki büpalei wong huteke; büpai jomei mongei changmeiyei deihpüthü yantük.

HABAKKUK 2:19

Am üami pü kü, “Paotuh” shei enya, nevaijü yangnyu neshiüpü yaong kü, “Yaongtuh” shei enya, Onyükei! Hapai lemhük dangkao ephaaokhen je? Veituh, hayü honhingini shaokpü mon, halei yangnyu ngü neshiü.

ISAIAH 53:1

Hamei shahjang kü üpai hinglempa? hatü üpa kü Shembüpalei lak shakei vampa?

ISAIAH 51:5

Ngelei yemleipü shülangi yopailei koei peikahen, ngelei yemleipü peikünyüke, hatü shahhingi ngelei laki jatthü kü shahhingi vanglem lemhen; Yungkungei nyupü kahmükthüi ngei om veihen, ngelei laki jom yangshuohhen shei monglemei dannyüke.

MENVIH KESHO 78:65

Hahepak kü Shembüpa shipü kübü keiha paoteke, hampa hük yiüi chokpükei nyuteke.

MENVIH KESHO 21:13

Nüng longei aongtuh, Oh Shembüpa, nüngei wong kü hami kesho lokhen, hatü nüngei wonghingan kü vihhen.

SHAHPHENBÜTHÜ 6:13

Gideoni jangei, “Shejao longpüba, Shembüpa ham mü nyujema, mehekei hami henüng ponghahpa? Hamei bühipai ham kü thamabenüng hajük eküpeyü melei daipa? Shembüpai ham Ijip leipü müei neleiangpü je? Shejao shaang Shembüpai ham yakphong, hatü Midian amei lak kü ham shuohtükteke” shei eteke.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

JOHAN 12:38

Hapayü Isaiah thibüi epü shah jiühen shingvaishi vamteke: “Shembüpa, üpai jenei shahjangmei kü hinglempa, hatü üpa kü Shembüpalei lak shakei vampa?”

MENVIH KESHO 59:4

Ngei meheyao nejiüpü nedük, shejao jomi ngei kü nemeihen temnyüke. Paotuh, ngei kü sheühshih hatü veishih.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

JOB SHAHSHA APPÜ 9:13

Kahvang mongshihdai pheikü ha yepei netuhlangnyih. Rahab mü sheühteipüthüiyao büpa kü aümei khümteke.

MENVIH KESHO 77:5

Ngei peihdaipü nyihthü deihnyeih, hatü lüdaipü bongthü lenyeih.

ISAIAH 52:10

Shembüpai büpalei daülangpü lak jatthü peüei müki eeshi laiteke; hatü kahdoknyü dohpü peüei jenei Kahvang yemleipü eehen.

ZEKHARIAH 2:13

Hangkuli peü Shembüpa touei nenmü nyutuh; mehenangkü büpa laophülei daülangpü shing kübü peikünyüke.

ZEKHARIAH 10:11

Jomi shangpongpü yungching homei daihen, hatü ngei yungching yungmok kü bheihen, hatü chülohpü Nile jepdaihen. Changmeipü Assyria am chongei vühen, hatü Ijip amei wong mahdaihen.

MENVIH KESHO 44:2

Nüngei laki jatthü peü changtük, shejao nüngei nanglakthü halei sheiphong; nüngi jatthü hanghi ponghü, shejao nüngei nanglakthü bümei leihü.

MENVIH KESHO 44:24

Mehekei nüngei dhe jolangnya? Mehekei ham ponghahpü hatü shanghahpü betüknya?

MENVIH KESHO 89:11

Vangshothü hatü kahdokü nüngei; kahdoknyü hatü halei nyupü peü nüngi lingpeih.

MIKA 7:15

Am Ijip kahdok kübü vamei daipü nyih kü kei ngei jom kü yashanpü douthü huhen.

PHONGSHANTHÜ DOU 7:7

Shejao jom aa vaishi chongphopü kahmük kü ngei hanghi shuohhen, hatü hapheikü jom hapa kahmük kübü vamei daiyei hapa shingei ngei chongphohen shei Kahvangi epeih.’