ISAIAH 51:5 - DAÜLANGPÜ LAIHING (BSI)

⁵ Ngelei yemleipü shülangi yopailei koei peikahen, ngelei yemleipü peikünyüke, hatü shahhingi ngelei laki jatthü kü shahhingi vanglem lemhen; Yungkungei nyupü kahmükthüi ngei om veihen, ngelei laki jom yangshuohhen shei monglemei dannyüke.

ISAIAH 51:5 Referans Kwoze

ISAIAH 46:13

Ngei ngelei daülangshemshepü yopailei koei peikünyeih, hapa taishi neshiü; hatü ngelei yemleipü pheiyei nenyukahen. Ngelei yemleipü Zion am kü shuohhen, ngelei müknyinshekhang Israel am kü shuohhen.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

ISAIAH 60:9

Mehenangkü büpai am müknyinshekhanghüpü nangkü, Shembüpa, ammei Kahvang, daülangpü Israel Kahvangei men kü, ammei hapeüthü tailu kahdok leipü, hatü hon hi ngin jom mü kotü tailu kahdok Tarshish leipü jahasthü leikünyüke.

ISAIAH 42:4

Büpai kahdoknyülei shahhing mangling thahshi büpai mongmah-ei, nevaijü mong maanei nenyukahen.

ROM SHAHSHA APPÜ 2:16

Hapayü ngei venpü shahjangmei aimü Jisu Khrista homei Kahvangi joshi deihpü peü shahphenpü nyih nyukahen.

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

MARK 16:15

Büpai jomphong kü, “Kahdoknyü peü lemei daituh hatü hangkuli peü kü shahjangmei chongventuh.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

MATHI 3:2

“Mong leptuh; mehenangkü vangsho ongching yopailei nyüke” shei e.

ZEPHANIAH 2:11

Shembüpai jomphong nyemhühen, büpai kahdoknyü kahvangthü kong leihühen; Yungkung kübü chingthü peüha, hatü shübaong kübü jatthü peüha, laophü laophü nyushingei aümei büpa kü khümhen.

JOEL 3:12

Jatthü peü temtuh, Shahphenpü Kahjilei peikemtuh. Halei ngei Shembüpai, ngeihpü shonpü jatthü kü shahphenhen uohen.

ISAIAH 63:5

Ngei sheühbü yemshingkü hükao nenyuang, ngei kü haohphahen veijü üpayao nedangang; Hanangkü ngelei mongshih-i ngei wong kohhü, hatü ngelei laki monha aokpü dangpeih.

ISAIAH 56:1

Shembüpai hapakei enyüke: Shahhing noteituh, jiüpü düktuh; Lomi ngelei yemleipü peikahen, hatü ngelei daülangshemshepü shakei vamkahen.

ISAIAH 49:1

Ngei epü bangtuh, am yungkungei nyupüthü, hapa bangtuh, tailu kahdok leipü shennyakthü! Ngei büh shekü Shembüpai ngei nyükpeih, onyülei vom mongei nyushi büpai ngei jepeih.

ISAIAH 40:10

Veituh, Shembüpa Kahvangü ngan mü peikünyüke, hatü büpalei laki vanglem lemnyüke; Veituh, büpai thintho kotü laophülei nanglakthü mü peikünyüke.

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

MENVIH KESHO 85:9

Hingmei büpa kü nyempüthü shingvaishi büpalei yemleipü yopailei nyüke, shejüang büpalei müknyinshekhang jenei kahdokei nyuhen.

MENVIH KESHO 67:4

Jatthü mongonghütuh, hatü mongongpai kesho lokhütuh; mehenangkü nüngi jatthü shahhing kü vanglem lemnyeih, hatü kahdoknyü jatthü münyeih.

1 SAMUEL 2:10

Üami Shembüpa khüei yaongnya lomohhen. Büpai jom khüei vangsho leipü vangmuk khunghen; Shembüpai kahdok junghijang ngoishi shahphenhen. Büpai laophülei ong kü wong shuohhen, hatü laophüi thiteiphuei jepü kü ngan shuohhen.

SHAHKÜP 30:14

Hapakei nevai, hapayü ammi banghen shingvaishi am mü hakei-üng ammei ju, hatü ammei mongdangei nyüke.

MENVIH KESHO 110:6

Büpalei jatthü kü shahphenhen, mahmahngi mahühen. Büpai kahdoknyü bahiyang peü kübü ongthü neütükhen.

MENVIH KESHO 96:13

Büpa peikünyüke, büpai kahdoknyü shahphenhen peikünyüke shei jomi Shembüpa kü lokhen. Büpa daülangshemshepai kahdoknyü hatü shahhingi nanglakthülei shahphenhen.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

ISAIAH 24:15

Hanangkü heong philei Shembüpa kü müknyinshekhang shuohtuh; Shembüpa, Israel Kahvangei men yungching shübaongthüleiyao longtuh.

ISAIAH 26:4

Den kü Shembüpa kü hinglemtuh; mehenangkü Shembüpa, Jeiyong Kahvangü nedohnetenpü loishing Yaongnyü.

ISAIAH 33:2

Oh Shembüpa, nüngi ham kü phahjishih; hami nüng omdannyeih. Nüngü nepjeih hamei wong, shanghah hepak kü ham yangbü vaikei.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.

ISAIAH 54:17

Am kü nemeihen shei lingpü lahhilaong mepayao nenahnelanghen, hatü am kü thaüvaüei epü shahthü peü katitükaokhen. Shembüpa chongphopüthülei mükjüp, hatü jom dah shakhüpeyü ngei leipü shei Shembüpai enyüke.

ISAIAH 59:16

Ponghahpüthü kü khüambakhen üpayao neshiüpü eeyei büpa thamanyüke; Hanangkü büpai laophülei ngani jom yanghen hatü aokpü danghühen.

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”