ISAIAH 51:4 - DAÜLANGPÜ LAIHING (BSI)

⁴ Ngei epü bangtuh, ngelei nanglak, ngei epü kü kenhingtuh ngelei jatli. Ngei leipü nyuhpüvenpü daihen, ngelei shahhingü jatthü shing vangngai leihen.

ISAIAH 51:4 Referans Kwoze

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

1 KORINT 9:21

Shahkung haolei nyupüthü müei leihen shingvaishi shahkung haolei nyupüthü touei (ngei Kahvangei shahkung kübü bümei leiyei nenyu shejao ngei Khristalei shahkung phangkü nyujao) ngei shahkung haolei nyupüthü kei leipeih.

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

MIKA 4:2

Halei jat longi peiyei hapakei ehen, “Huoi, jeni Shembüpalei kahshangei, Jakob Kahvangei shemei aongshah; Mehenangkü büpai jen kü büpalei lemthü nyuhphahen, hatü jeni büpalei lemthü kü kamhen.” Mehenangkü Zion kübü shahkungnyü, hatü Jerusalem kübü Shembüpalei shah vamkahen.

MENVIH KESHO 78:1

Oh ngelei nanglak, ngei nyuhpü kü dhaong shaangtuh, ngelei ju kübü shah kü dhaong meetuh.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

ISAIAH 26:2

Hinglempü nyupü daülangpü jatthü shühen shingvaishi shaden apshih.

KANDOK 6:23

Mehenangkü shahkungnyü-ü awdük, nyuhpüvenpü hatü ungei-aeihen, yeanei epeyü yangnyu lemshong.

MENVIH KESHO 147:20

Büpai hapakei lebü jatthü kü nedük; jomi büpalei vanglemthü nenyingnyih. Shembüpa men longtuh!

MENVIH KESHO 106:5

Nüngi jelangpü nanglakthü dapüshepü ngei eehütuh; nüngei jat mongongpü kü ngeiyao mongonghütuh; nüngei mükjüp yahpü ami menvih shuohpü kü ngeiyao omhütuh.

MENVIH KESHO 50:7

Bangtuh, Oh ngelei nanglak, hatü ngei ephanüng, Oh Israel, ngei nüng khüei denpü shuohhen. Ngeiyü Kahvang, ammei Kahvang.

MENVIH KESHO 33:12

Kahvangü üam jatei Shembüpa nyu, hatü büpai laophülei mükjüp vaihen jepü nanglakü moihimanpü!

MÜLANGPÜ 33:13

Shaang nüngi ngei kü monghahjema, nüngei lemthü ngei kü nyuhshih; shejüang ngei nüng chongphohen hatü nedoh-i ngei nüng monghahhühen. Hapa jatliyü nüngei nanglakthü shei deihtuh” shei eteke.

MÜLANGPÜ 19:6

Shejao amphongü ngelei ngongpa chingling hatü daülangpü jathili vaihen. Hathü shah nüngi Israel am kü eyeishuoh’ ” shei eteke.

SHAHKÜP 18:18

Ngei am shingvaishi jom nanglakthü khong kübü nüng keipü thibü hük shomhen; ngei büpalei ju kü ngelei shah shihshuohhen, hatü ngei epü kemei büpai jom kü eshuohhen.

ISAIAH 1:27

Zionü shahhingi hatü halei nyupü mong leppüthüyü daülangshemshepai angei leihen.

ISAIAH 26:8

Oh Shembüpa, nüngei shahkungnyü lem kü kamei hami nüng omdannyeih; nüngei men hatü nüngei menmeiyü hamei laanghaiyahhüpü.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.

ISAIAH 42:21

Büpa daülangshemshepü men kü Shembüpai laophülei shahkungnyü longhühen, Hatü müknyinshekhanghühen mongongpeih.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.