ISAIAH 51:3 - DAÜLANGPÜ LAIHING (BSI)

³ Mehenangkü Shembüpai Zion nyiushem meihühen, hatü lavüngtoiyei tuhphongpü shingthü kü phahjiei veihen; Büpai jahpan kemei Eden pemong keiha, hatü bhih kahdok kemei Shembüpalei pemong keiha leihühen; Mongongmongle, menvih shuohpü, hatü kesho lokpü ngeü pinnyü kü eehen.

ISAIAH 51:3 Referans Kwoze

ISAIAH 49:13

Mongongpai kesho loktuh, Oh vangshothü mongongtuh, Oh kahdoknyü, kesho lokei bhaotuh, Oh kahshangthü! Mehenangkü Shembüpai laophülei nanglakthü nyiushem meihüteke, hatü büpalei hanghipü nanglakthü kü phahji yahyang huhen.

ISAIAH 52:9

Chemi mongongpai kesho loktuh, Oh bendailangdaipü Jerusalem; Mehenangkü Shembüpai laophülei nanglak nyiushem meihüteke, büpai Jerusalem angei leiteke.

JOEL 2:3

Awi kei jomi pühivung hahtüknyüke; Jom pheilei awlom bahnyüke, jomei shesha philei kahdokü Eden pe kei nyüke; Jomei ngaümpheilei kahdokü kongmü meheyao ne-aoi hahtükteke.

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

JEREMIAH 31:25

Ngei nyiupünangpüthü nyiumeihühen, hatü aeipai wong nekohpüthü hüshemhühen.

KAHBHAO 13:10

Lot-i laophü shing kahdok vei, hatü Jordan Kahji yung changshi Shembüpalei pemong kei, hatü Zoar lemeipü Ijip kahdok kei eeteke. (Hapayü Shembüpai Sodom hatü Gomorrah mahtük shekü shiüteke.)

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

ISAIAH 12:1

Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

MENVIH KESHO 85:8

Kahvang Shembüpai mehe ephahen ngei ha bangshah; mehenangkü büpai laophülei nanglak kü mong kempai hinglemei büpa touei leppüthü kü chingmei shah ehen.

ISAIAH 49:8

Shembüpai hapakei enyüke: Mechem ngelei phahji hepak ngoihenshang ngei ammi phoppü kü janghen, hatü yemleihen nyih kü ngei am kü sheühhen. Ngei amphong yomhen, hatü nanglakthü shingvaishi amü vangpüshuwpü leihühen, Kahdok nyokei leihen, hatü tükei nyupü mükjüp demei hanhen.

ISAIAH 35:6

Hahepak kü la khodaipüthü meishiy keiha phaukteihen, hatü shah ne-eaokpüthüi mongongpai lenhen. Yingnyü yingchong leipü yung bhaoei vamkahen, hatü bhih kahdok leipü shoha bhaoei yenkahen.

ISAIAH 41:16

Amphongi hathü shaptükhen, hatü vanglüki hathü maoei deilanghen, hatü yinglükpalei-i hathü haitükkemhen.

ISAIAH 43:19

Ngei douja hük düknyüpeih; shaang hapa vamkünyüke, ammi ha ne-eenyu je? Ngei bhih kahdok kü lemnyü hük lingkahen, hatü halei yungyenthü vamhühen.

ISAIAH 49:19

Am nyaidaitü chingkong nyulangmao, hatü ammei kahdok lavüngtoiyei yakphongjao, halei nyuhen leipüthü shingvaishi kahdok maandaitü ponghen, hatü am lomohhüpüthü am toueipü taishi lüdaiphahen.

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 65:18

Shejao ngei mehe lingkahen ha kü ammi mongongtuh hatü mongmeituh; Mehenangkü ngei Jerusalemü mongongbenüng, hatü haleipü shennyakthüyü mongmeibenüng vaishi linghen.

EZEKIEL 28:13

Nüngü Kahvangei pemong Edenei nyuhampeih; douvang yaong lemphü yah-ei owtü nyuhampeih. Douvang yaong, diamond, topaz beril, karnelian, jasper, emerald; Sapphir, turquoise. Nüngü hon-ow longi nyuhampeih. Nüng lingpü nyih hathüyü nüng shingvaishi lingpeih.

EZEKIEL 36:11

hatü ngei am kü hangku hatü yemhimak daphahen. Jom daeisheyei betjük jükhen, hatü meyangpü hepak kü keiha chingchingei nyuhühen, hatü sheleipü kao nyeishi daeishehen. Shejüang ngeiyü Shembüpa Kahvang khih shei amphongi nyinghen.

EZEKIEL 36:35

Hatü jomi, “Hapa kahdok lavüngtoiyei tuhphongpeyü shaangü Eden pemong kei leidaiteke, hatü lavüngtoiyei yakphongpü, bentükpü jilathü sheyü shennyaki maei penyü showlangteke” shei ehen.