ISAIAH 51:1 - DAÜLANGPÜ LAIHING (BSI)

¹ Ngei epü bangtuh, amphong daülangshemshepü kü chongphopüthü, hatü Shembüpa yempüthü. Amphong meleipü bhaokei yahpa, hapa yaongnyü kü veituh, am meleipü lokei ngaipa hapa yaongdung kü veituh.

ISAIAH 51:1 Referans Kwoze

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

MENVIH KESHO 94:15

Mehenangkü daülangpüthü kü shahhing nyokei leihen, hatü mongdang kangshangpüthü ha pheikü mühen.

HEBREW 12:14

Shennyak peü mü chingmei kü hatü daülangi nyuhen kentuh; daülangi nenyuphei kü üpaiyao Shembüpa ne-eehen.

ROM SHAHSHA APPÜ 14:19

Shejema mepai chingmeivangmei vamhünya, hatü hüki hük lingei leinya ha kü jeni changshah.

ISAIAH 48:12

Ngei nyüklangpü, Oh Jakob, hatü Israel, ngei epü bangtuh: Ngeiyü Kahvang; Ngeiyü chongpangpü hatü dohpü.

2 TIMOTI 2:22

Thehila hepak iyjeiphailei kübü nyaidaituh, hatü daülangshemshepü, hinglempü, bampü hatü chingmeivangmei changei daülangpü mongdang kübü vamei Shembüpa kü nyükpüthü mü daituh.

AMOS 5:6

Shembüpa yemtuh hatü yemmü nyuhen, hei nevaijema büpai Joseph phang khüei aw kei vamkahen, hatü üpaiyao hapa methen neshiüi Bethel hahtükhen.

KANDOK 21:21

Üpai daülangshemshepü hatü bampü yemnya, büpai yangnyuyem, moihiman, hatü dhüm dangnyüpeih.

KANDOK 15:9

Shembüpai nemeipü amei lem kü jiühitnyeih, shejao üami daülangpü yemnya, büpai hathü kü bamnyeih.

1 TIMOTI 6:11

Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

PHILIPPI 3:13

Jeihinaüthü, ngei ha ngelei lompü leihütih shei nevai, shejao ngei ha dou hük düknyeih: ngaümpheilei mehe nyu, ha betüktü sheshalei mehe nyu, ha changei,

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

MATHI 5:6

Daülangshemshepü men kü üami shüaeiyunglenya, jomphong moihiman; mehenangkü jomphong shümoh meihen.

ISAIAH 45:19

Shangmang kahdokei uotü ngei joshi shah ne-eangpih; “Angsha kü ngei yemtuh” shei ngei Israel hapeüthü kü ngei ne-eangpih. Ngei, Shembüpai shahhing enyüpeih; mehe jiüpa, ha ngei baongnyüpeih.

MENVIH KESHO 24:6

Hapayü büpa yempü shennyakthü, hatü Jakob Kahvangei dhe yempü hahimoithü nyüke.

ZEPHANIAH 2:3

Kahdoknyü kü nenteiaokpü am peü, büpai epü dükpüthü peüi Shembüpa yemtuh. Daülangpü yemtuh, maanpü leihen yemtuh; Üpai nyingpa, Shembüpai mongshihpü nyih am hanghi kübü yanglanghen.

ISAIAH 55:6

Shembüpa dangaokhen mü nyushingkü büpa yemtuh; büpa yopailei nyushingkü büpa kü nyüktuh.

ISAIAH 51:4

Ngei epü bangtuh, ngelei nanglak, ngei epü kü kenhingtuh ngelei jatli. Ngei leipü nyuhpüvenpü daihen, ngelei shahhingü jatthü shing vangngai leihen.

ROM SHAHSHA APPÜ 10:3

Mehenangkü Kahvang leipü peipü daülangshemshepü nenyingi laophülei daülangshemshepü linghen yempü nangkü jomi Kahvangei daülangshemshepü neyahnyu.

ISAIAH 65:10

Ngei yempü ngelei nanglakthü shingvaishi Sharonü jomei mithüi het hahshing, hatü Akhor kahjiyü jomei yemhathü lemeilehen shing vaihen.

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

2 SHÜPPÜKENGPÜ 15:4

Shejao jom shanghah shingkü jomi Shembüpa, Israel Kahvang yem hatü jomi büpa dangteke.

ISAIAH 48:1

Israel shei menpü Judah amphang kübü peipü Jakob am phang hapa bangtuh. Ammi Shembüpalei men kü vangeishuwnyüke, hatü Israel Kahvang kü khümnyüke, shejao shahhing hatü jiüpü kü nenyunyu.