ISAIAH 5:7 - DAÜLANGPÜ LAIHING (BSI)

⁷ Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

ISAIAH 5:7 Referans Kwoze

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

JOHAN 15:2

Ngei kü nyupü betjük nejükpü kaothü büpai langtüknyeih, hatü betjük jükpü kao shao nyeishi jükhen shingvaishi büpai hapa kao daütüknyeih.

LUK SHAHSHA APPÜ 18:7

Kahvangi jelangpüthü büpa kü nyakhingai thüngei lenjü büpai shahhing shahphen neshuohhen je? Büpai jom kü sheühhen kaaei nyudaihen je?

MATHI 23:23

Akhümmong-üm shahkung nyuhbü hatü Phariseethü, onyükei! Mehenangkü amphongi haohilai eheni napa, nemha, nemnyü kübü ankhong shuohnyüke, shejao hapa mü vihpü shahkung eheni, shahhing, phahji, hatü hinglempü hathü nedüki yaktüknyüke. Lebüthü ne-amtüki ammi hathü dükhen vaipeih.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

JEREMIAH 12:10

Kung am vanglem lempüthü longi peiyei ngelei nyalingngupai kah mangtük; jomi ngelei kah nyeütük; Jomi ngelei bamhüpü kahdok bhih kahdok leitükpeih.

ISAIAH 62:5

Nethe hüki nela hük mü shem yempü keiha, am Lingbüi am mü shem yemhen. Doidainyüi laophülei baha mü mongongpü keiha, ammei Kahvangi am mü mongonghen.

ISAIAH 5:2

Büpai kahdok shotü yaongphaang peü yaktüktü peü mü meipü nyalingngupai sheiphong. Büpai hapa jiam kü shangdü hük dak, hatü nyalingngupai jiü bhithen shingao ling. Büpai halei nyalingngupai jükjahen shei ongyang, shejao phaü ngupai jükteke.

ISAIAH 3:17

Shembüpai Zion nelathülei shangjing kü ma kohhühen, hatü Shembüpai jomei shangpaangtükhen” shei enyüke.

ISAIAH 3:14

Shembüpai büpalei nanglak behethü, hatü mübüthü khüei shahphenhen yaongnyüke. “Ngelei nyalingngupai kah mangtükpü hayü am hih; hatü taopathülei douhinang ammei shemei nyüke.

ISAIAH 1:6

Ammei labha kübü shangnyüshang thahshi meipü shing hükao neshiü, shejao aokhahma, ma hatü iy yenpü makaw mon nyüke; Üpaiyao hapa nepaütük, maju kü nesha, nevaijü ha kü meli nenyio.

SOLOMONEI KESHO 7:6

Nüng meshük nela meipüang, Oh monghahpü nelanyü!

KANDOK 21:13

Nüngi taopathüi leneiwongpü kü dhaong neshangjema, nüngiyao lenhen shejao üpaiyao nedanlangphahen.

MENVIH KESHO 149:4

Mehenangkü Shembüpai laophülei nanglak kü monghahnyeih; büpai maanpü leipüthü aokpü danghünyeih.

MENVIH KESHO 147:11

shejao büpa kü nyempüthü kü, büpa bampü kü monglempüthü kü Shembüpai mongongnyeih.

MENVIH KESHO 80:15

hapayü nüngei laki sheipü nyalingngupai.

JOB SHAHSHA APPÜ 34:28

shejao jom homei taopathü theppüyoungpü büpalei dhaongi danhü, hatü nehahneyingpüthüi lenpü büpai danhü.

SHAHKÜP 15:9

Hang lupü neshemi katitükhen nyetpabü vangbong ngoikünyüke shei mong kü ten deihtü mekei neyahpü taopü jeihinaü kü nelunelakshuoh-i tetuhphong. Ammi büpa kü nelushuohjema, büpai Shembüpa kü am khüei lenhen hatü am mang thahhen.

MÜLANGPÜ 3:7

Hahepak kü Shembüpai, “Ijip kahdokei nyupü ngelei nanglakthü ponghahpü ngei eeteke; dou kü hienbüthüi shüveipü nangkü lenpüwongpü ngei danteke. Ngei jom ponghahpü nyingteke,

KAHBHAO 4:10

Shembüpai, “Nüngi mehe dükpa? Bangtuh! Anaüei iy kahdok leipü ngei thahshi lenei aongnyüke.

2 SAMUEL 7:10

Ngei ngelei Israel nanglak shingvaishi shing hük yahphahen, hatü üamiyao nebukneshaani shingnüng chongkhenei nyuhen shingvaishi ngei jomphong sheiphonghen. Hajük kü nemeipü shennyakthüi shelei ngei,

CHONGVENBÜ 4:1

Hapheikü shao ngei veishuoh shingkü vanghenyü phangkü shüveiteipü lemphü ngei eeteke. Ngei shüveihahpüthülei mükphi eetepih, hatü jomphong nyiumeihühen üpayao neshiü;

ISAIAH 3:15

Ngelei nanglakthü ngümtükpü, taopathülei dhe nihtükpü mehe lappüang?” shei Shembüpa, Jeiyong Kahvangi enyüke.

ISAIAH 27:2

Hapa nyih kü Shembüpalei nyalingngupai kah nangkü hapakei ehen. “Betjük jükpü nyalingngupai kah nangkü hapa kesho loktuh:

ISAIAH 30:12

Hanangkü daülangpü Israel Kahvangi hapakei enyüke: “Mehenangkü ammi hapa shah yaktükpü nangkü, hatü depülaopü kü, hatü lawlüppü kü mong shuohpü nangkü;

ISAIAH 59:4

Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

ISAIAH 59:14

Shahhing changtük, daülangshemshepü taidai; chingyangshongei shahhing-ang huluh shuohhünyüke, hatü jiüshangpü shühen shing neshiü.

JEREMIAH 24:2

Mühdow hük keyü longi meipü adhajük, shongei shümpü betjük kei, hatü mühdow hükpa keyü longi nemeipü, hahhen nemei-i nyuteke,

JEREMIAH 50:46

Babylon hahpü ngeü kü kahdoknyü kheühen, hatü pinnyüi vaüpü eepü jatthüi danhen.

EZEKIEL 22:29

Hapa kahdok kübü shennyakthüi aeteishenyüke hatü gühnyüke; jomphongi taopathü hatü nehahneyingpüthü kü shüveinyüke hatü yenpa-oupathü kü aeteisheyei nejiüi düknyüke.

MIKA 6:12

Ammei shemmeithüi üpteinyüke; ammei shennyakthüi shahshem enyüke, hatü jomei jubenyeijaangi lueilemei enyüke.

ISAIAH 1:21

Mekei hajük monglempü chingnyü büm yupü am kei leidaipa! Chem hepak keyü pinnyü kü shahhingi maei daülangshemshepü nyuhampeih, shejao shaangü shennyak jüpü am leidaiteke.

ISAIAH 46:12

Ngei epü bangtuh, am mongdang vaanpüthü, am daülangshemshepü kübü taishi yandaipüthü.

HOSEA 10:1

Israel amü banei daipü nyalingngupai kei nyüke. Meshükpa betjük jüknya, hajükpa moidü lingnyüke; Meshükpa angeideiyei leinya, hajükpa jom khümhen yaong shemnyü lingnyüke.

HABAKKUK 1:3

Mehekei nüngi douten dükpü kü, hatü hanghi kü ngei veihünya? Benpülangpü hatü iy-aongmasha ngei shonei nyüke; dehilao hatü neshetnephen vamei nyüke.