ISAIAH 5:25 - DAÜLANGPÜ LAIHING (BSI)

²⁵ Hanangkü Shembüpa mongshihpü laophülei nanglak khüei nyüke; büpalei lak noei büpai jom kü üpnyüke; kahshangthü jennyüke, hatü mahngthüyü chingshong leipü nyüphinya keiha nyüke.

ISAIAH 5:25 Referans Kwoze

ISAIAH 10:4

Amphong wüpküpei deihen, nevaijü vehok kü mahkemhen. Hapaiyao büpa mongshihpü nemeinyu, shaang thahshi büpalei lak noshi nyüke.

ISAIAH 9:21

Manasseh ami Ephraim am hahhen; Ephraim ami Manasseh am hahhen; jom chemi Judah am khüei yaonghen. Hapaiyao büpa mongshihpü nedoh; büpalei lak shaang thahshi noshi nyüke.

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

2 ONGPATHÜ 9:37

Üpaiyao hayü Jezebel khih shei nenyingaokhen mü Jezreel kahdokei Jezebelei bümü nühinam kei yaüshi nyuhen’ ” shei eteke.

DANIEL 9:16

Oh Shembüpa, peihdaipü hepak kü nüngi dükpü daülangpü douthü keiha, nüngi Jerusalem chingnyü kü, nüngei daülangpü kahshang kü hamei mang hatü bühipa ami pungpü nangkü nüng mongshihpü yahlangshihma. Mehenangkü hami mang thahpü nangkü chingyowyüpi jatthü touei ham hai dangteke.

JEREMIAH 4:24

Ngei kahshangthü kü veiteke, hatü veituh, hathüyü jenleyei nyuteke, shangchingthü haleipü halei shei shinteiyei nyuteke.

1 THESALONIKA 2:16

hatü Kung am yanghen shingvaishi ham kü chongteven shei khüampai shennyak peü mü khetnyüke. Hapakei dükpai jomi jomei mang hanggo mahünyüke, shejao shompülei Kahvang mongshih jom shak kü peiteke.

NAHUM 1:5

Shembüpa touei kahshangthü jennyeih, hatü shangtaothü nyaüei yendainyeih. Mechem Shembüpa peihenshang, kahdoknyü hatü halei nyupü peü kheünyüpeih.

JEREMIAH 16:4

Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

MENVIH KESHO 18:7

Hahepak kü kahdokü kheüei jen, kahshang chongnyiamthü kheüei jen, mehenangkü büpa mongshih anteke.

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

ZEPHANIAH 1:17

Ngei nanglakthü kü shangpong yakying koei peihen, hatü jomü mükphüngpathü kei kamhen. Mehenangkü jomi Shembüpa khüei mang thahteke. Jomei iy bhihla pungpükei punghen, hatü jomei phai nühinam keiha haihen.

HABAKKUK 3:10

Kahshangthüi nüng eeyei kheünyüke; phumshang kübü vang keinyüke; Kahmong yungi ngeüwong anei yungching yungmok vamhünyüke.

MIKA 1:4

Aw touei püjiü nyaüdaipü keiha, kahshang kübü kahjilei yung laongpü kei kahshangthü nyaüdaihen, hatü kahjithü kaei handaihen.

HOSEA 14:4

Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

YOUNG LAI 5:22

Nüngi chemjalak kü ham yaktükei neshiü, hatü ham kü mongshih-ei neshiü.

JEREMIAH 15:3

Ngei jom mahhühen doulem ali temhen shei Shembüpai enyüke, “Jom jühen yan, jom shüei daihen shithü, hatü jom hahtükhen shangou hatü yemhimakthü,

JEREMIAH 9:22

Shembüpai hapakei enyüke shei etuh! “Hangku mahngü chingyangshongei nühinam shüngpükei nyuhen, hah vetpü am pheikü manang yaüpükei nyuhen, hatü hathü üpaiyao nejunghen.”

JEREMIAH 8:2

hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

JEREMIAH 4:8

Hanangkü dhoila ashak ümtü, “Shembüpa mangshi mongshihpü jen toueipü nelüdaiang” shei theptuh hatü youngtuh.

MENVIH KESHO 114:7

Oh kahdok Shembüpa touei, Jakob Kahvang nyupü touei kheütuh;

MENVIH KESHO 106:40

Hahepak kü Shembüpalei mongshih büpalei nanglakthü khüei vam, hatü büpai laophülei mükjüp yaktük.

MENVIH KESHO 83:10

Jom Endorlei mahkem, hatü mahmahngü kahdokei nyüp kei yaüshi nyuteke.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.

MENVIH KESHO 77:18

Vangmuk khungei vampeyü alüngleple kü nyuteke; Klang nyeppai kahdoknyü vangngaihünyeih. Kahdoknyü kheünyeih hatü hannyeih.

MENVIH KESHO 68:8

kahdoknyü jennyüke, hatü vangshoi Sinai Kahvang touei, hatü Israel Kahvang touei vang keihünyüke.

2 ONGPATHÜ 13:3

Hanangkü Shembüpai Israel am kü longi mongshihpü nangkü hepak luangi Aram am Hazael ongpa, hatü Hazaelei cheha Ben-Hadad nyilei lak kü nyokei leiyei shuoh.

1 ONGPATHÜ 21:24

Ahab am shem chingnyü mongei dipü peü shi-i hahhen, hatü chingnyü haolei phaühihaolei dipü peü asha alang phai vaihen’ ” shei e.

1 ONGPATHÜ 16:4

Baasha am shem chingei dipüthü peü shi-i hahkemhen, hatü phaühihaolei dipüthü peü asha alang phai vaihen” shei e.

1 ONGPATHÜ 14:11

Jeroboam am shem hanei-i chingei dijema, shi-i hapa mahng hahhen, hanei-i phaühihaolei dijema, asha alang phai vaihen shei Shembüpai enyüke’ shei etuh” shei e.

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

MÜLANGPÜ 7:19

Shembüpai Mosa kü eteke, “Aaron kü nüngei lak leipü lenshuoh-i Ijip amei yungyenthü, yunglemthü hatü yungkukthü shangkü ha notü lak haonghen eyeishuoh, hatü hathü kemei iy leidaihen; Ijip kahdok kemeilei iy mon nyukahen, yungchei hatü yungdük kübü yung dangkao iy leidaihen.”

ISAIAH 10:6

Kahvang nenyingpü jat hük khüei ngei büpa shomnyeih, ngei mongshihpü nanglak khüei jomei mophimo aetei leihen, hatü chingshong leipü nyaühut kü kei nyeütükhen ngei büpa shomnyeih.

ISAIAH 14:19

Shejao nüngü nüngei mahngchongei nevü-i langei yaktükpü pükao keiha yakshi nyüke; Nüngü vehok kü mahpü veshanthülei mangi chetei yahtü, hathü mü kahshalei lakhila-i shuopei yakshi nyüke.

ISAIAH 23:11

Shembüpai yungching shangkü lak haongteke, hatü ongchingthü kheühüteke. Büpai Phoenicia amei penyüshathü bentükhen shei ngeükhüam shuohteke.

ISAIAH 25:11

Yung kü owpü shennyaki laki yüppü keiha, jomi jomei lak yüpteihen, shejao Kahvangi jom changmeipü maanei leitükhen, jomei lak sheütükhen.

ISAIAH 42:25

Hanangkü büpa mongshihpü jom kü khüppeih, hatü vehok mangpü heüpeih. Awlomi jom jümlangjao, jomi hapa nenyingaok; awi jom jangtükjao, jomi hapa mongdangei neyah.

ISAIAH 51:20

Ammei hapeüthü peü chingyangshongei shoukhinuk kemei kü shaok tailok kü manpükei yüh-eiyangei lemlemleyei nyüke; Jomü Shembüpalei mongshih-i, hatü ammei Kahvang lohpai maei nyüke.

ISAIAH 64:3

Hami nedeihnelepü kü mechem nüngi nyempü hanpü dou dükpa, nüng yiüjajü kahshangthü nyemei nüng touei kheüteke.

ISAIAH 66:15

Mehenangkü Shembüpayü aw mü peikahen, hatü büpalei koyei khariyü alüngleple keiha heihkahen; Büpa mongshihpai laophülei mongshih, hatü lohpümangpü awlom keiha peikahen.

ISAIAH 66:24

Jomphong daishingkü jom khüei yaongpüthülei mahng jomi eehen; jomei büm kübü laong nedihen, nevaijü jom kü bahpü aw nemetdaihen, hatü jomphongi hangkuli peü touei jiühitbenüng leidaihen.”

JEREMIAH 17:4

Am pungpü homei ngei am kü shuohtükpü mükjüp mahtükhen, hatü ngei ammi nenyingpü kahdokei vepathü chongphoei anghen; mehenangkü ngei mongshihpai aw bahhen, hatü hapa den kü bahshi nyuhen.

EZEKIEL 6:14

Hapheikü ngei jom khüei ngelei lak nohen hatü bhih kahdok kübü Riblah thahshi jom nyushing peü lavüngtoiyei leitükhen. Haphei küang jomi ngeiyü Shembüpa shei nyinghen.

EZEKIEL 30:25

Ngei Babylon ongpalei lak wong kohhühen, shejao Pharaohlei lak vüdaihen. Mechem ngelei yan Babylon ongpalei lak kü shümhühenshang, jomi ngeiyü Shembüpa khih shei nyinghen. Büpai ha Ijip kahdok khüei nohen;

AMOS 8:8

Hapa nangkü kahdok nekheühen je? hatü halei nyupüthü peü mahng nethephen je? Kahdoknyü kemei Ijip leipü Nile yungyen keiha aongtü shü, aongtü shüei nyuhen.”

SHAHKÜP 31:18

Hatü hingmei hapa nyih jomi lebü kahvangthü touei lepei mang thahpü nangkü ngei ngelei dhe jodaihen.”

JOB SHAHSHA APPÜ 9:13

Kahvang mongshihdai pheikü ha yepei netuhlangnyih. Rahab mü sheühteipüthüiyao büpa kü aümei khümteke.

ISAIAH 9:11

Hanangkü Shembüpai jom khüei vepathü vamhü, hatü jomei vepathü mongnang thonghüteke.

ISAIAH 9:16

Hapa nanglak müpüthüi jom lem pungei mü, hatü jomi müei daipüthü peü ai mah-ei tuh.

ISAIAH 9:20

Jomei lakdah phi-i lühhen, shejao aeipü nemeihen; laknyong phi-i hahhen, shejao hüneshemhen. Shennyak peüi laophülei hapeü jüei hahhen.

ISAIAH 29:2

Ngei Ariel kü shangpong yakying koei peihen, halei theppü, hatü youngpü mon nyuhen, hatü Jerusalemü moidülei iy yenei mapükei nyuhen.

JEREMIAH 6:12

Jomei shemthü, kah hatü nyühathü peü mih-ei vaidaihen; Mehenangkü hapa kahdokei nyupüthü khüei ngelei lak haonghen shei Shembüpai enyüke.

EZEKIEL 15:6

Hanangkü Shembüpa Kahvangi hapakei enyüke: Yingnyü leipü püthü khongkü nyalingngupai vü ngei aw kü jaktükpü keiha ngei Jerusalemei nyupüthü jaktükhen.