21 Laophü nyingi nahnyüpeih, hatü kon kohnyüpeih shei deihpüthü onyükei!
Hüki hük mü meiteishi nyutuh; am techangmei; phangpa kü nyupüthü mü küeijemtuh; nüngi laophü nyingi nahnyu kei tedeihhah.
Nüngei müki eepü kü mon nyingpükei tedeih, Shembüpa nyemtuh, hatü mang kübü mong leptuh.
Shennyak hüki laophü nyingi kon kohnyüpeih shei deihhahpü nüngi eela?
Nahpülangpü am shei ehahnyüke, shejao jomü ngapathü leidaiteke;
Jisui jomphong kü, “Am mükphüngpü am vailangmeyü am mang nethahhen vaipeih. Shejao shaang ammi, ‘Hami eenyeih’ shei epü nangkü ammei mang nedoh-i nyüke” shei e.
Shennyak nyeti kon kohshi shahnying epü meyü nehetpa hüki büpa-üng kon kohpeih shei deihnyeih.
Hanangkü jeihinaü hatü nyahinaüthü, am meheshang, ha mü lenei am nahpeih shei nechangmeihen shingvaishi ammi hapa shahjo nenyingi nyemtenyu shei ngei deihnyüke. Israel am hanei kü mong vaanhen peipeyü denshing nevai, shejao Kung am peü mangpei thahshi mon.
Mechem phaü gadu-i shennyak leiyei cheha shaanhen, shejüang ngapai kihikon nyingei chongpanghen.
Üpa kü nüngi yaüeilungei thaüvaünya? Üpa khüei nüngi langmaannya, hatü changmeiyei veinya? Hapayü daülangpü Israel Kahvang khüei enyu khih!
Büpai longhiongthü kong leitüknyeih, hatü kahdoknyü vanglem lembüthü neshiüi leitüknyeih.
Ammei mang kü ammi mong yangei deihnyüke, hatü, “Üpaiyao ham ne-eeaokpih” shei deihnyüke. Ammei kihikon hatü nyingpühingpai am lemnyong kü mülang, hatü ammi ammei mongei, “Ham mon, ham mü lenei lebü neshiü” shei ehahnyüke.
Mehenangkü büpai enyüke: “Ngelei wongi ha dükpeih, ngei kü kon nyupü nangkü ngelei koni ha lingpeih. Ngei jatthülei viongthü bentükpeih, ngei jomei mophimothü aetlangpeih, mohohbaongi keiha ong uoshing kü uopüthü la-i nyeütükpeih.