ISAIAH 5:16 - DAÜLANGPÜ LAIHING (BSI)

¹⁶ Shejao Jeiyong Shembüpai büpalei shahhing homei longei anshihhen, hatü daülangpü Kahvangi büpalei daülangshemshepai laophü nyingi daülangi huhen.

ISAIAH 5:16 Referans Kwoze

MENVIH KESHO 46:10

Nenmü nyutuh, hatü ngeiyü Kahvang shei nyingtuh! Ngeiyü jatthü khongkü longei anshihhen, ngeiyü kahdoknyü kü longei anshihhen.

ISAIAH 12:4

Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

1 SHÜPPÜKENGPÜ 29:11

Oh Shembüpa, lupülongpü, ngan, müknyinshekhang, aokpü hatü dhemeilaüma vangsholei hatü kahdoknyülei nyupü kemei nüngei. Oh Shembüpa, ongchingao nüngei, hatü nüngü lemphü shak kü shangjing.

1 PETER 2:15

Mehenangkü jiüpü dükpü homei ngapathüi nenyingi epü ammi nentükhühen hapayü Kahvangi mongpü nyüke.

EZEKIEL 36:23

Ammi lebü jatthü touei neienelemi sheihtükpü ngelei longpü men daütükhen, hatü jatthüi ngeiyü Shembüpa shei nyinghen. Am homei jomei mük touei ngelei daülangshemshe huhen shei Shembüpa Kahvangi enyüke.

ISAIAH 29:23

Mechem jomi ngelei lakdou, jomei hapeüthü eehenshang, jomi ngelei men daülangi tuhhen; jomi daülangpü Jakob Kahvang eehen, hatü Israel Kahvang kü nyemei yaonghen.

SHAKEI VAMPÜ 3:7

Philadelphia kübü Attoi leipü phongshan kü nyangtuh: Hathüyü daülangpü hük, hingshangpü hük, üpalei lakei Davidei sabi nyüpa, üpai aptükjü lebü üpaiyao neküp-aok, üpai küptükjü lebü üpaiyao ne-apaok, hayü büpalei shahthü:

ISAIAH 33:5

Shembüpayü meshük longpüang! büpa shangei nyüke; büpai Zion shahhingi, hatü daülangshemshepai mahüteke.

ISAIAH 8:13

Shejao Jeiyong Shembüpa, büpa mon daülangpü shei deihtuh; büpa kü mon ammi nyemei hanei deihtuh.

EZEKIEL 38:23

Hapa keiha ngelei wong hi ngan, daülangshemshepü huhen, hatü jatthü longi tou kü ngei nyinghühen. Shejüang jomi ngeiyü Shembüpa khih shei nyinghen.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

SHAKEI VAMPÜ 4:8

Yemmü nyupü yemhathü ieyei kü yang vok baong kohtü mük mon shinei hatü mongeiyao kohshi nyuteke. Nyakhingai thüngei hathüi nedoh-i hapakei lokteke: “Daülangpü, daülangpü, daüpangpü, Jeiyong Shembüpa Kahvang, Üpa nyu, üpa nyüpa hatü üpa peikahen nyu.”

ISAIAH 61:8

Mehenangkü Shembüpa ngeiyü shahhing kü bamnyeih; Ngeiyü gühpükaaipü hatü mang kü jiühitnyeih. Ngei hingshangi ngelei nanglakthü kü thintho shuohhen, hatü ngei nedohnetenpü vangpüshuwpü jomphong mü linghen.

ISAIAH 28:17

Ngei shahhingü shetpü vü leihühen, hatü daülangshemshepeyü shetpü lüng leihühen. Shü vüpai ammei loishing shahshemü maoei shanlanghen, hatü ammei shojo chingü yungi bhümlanghen.

ISAIAH 6:3

hatü jomphong hüki hük kü nyüktü e: “Daülangpü, daülangpü, daülangpü Jeiyong Kahvang; Kahdoknyü kemei büpalei müknyinshekhangi maei nyüke.”

MENVIH KESHO 21:13

Nüng longei aongtuh, Oh Shembüpa, nüngei wong kü hami kesho lokhen, hatü nüngei wonghingan kü vihhen.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

MENVIH KESHO 9:16

Shembüpayü büpalei shahhingi nyingnyüpeih; hatü nemeipüthüyü laophülei laki linghahpü kü mannyüpeih.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

1 PETER 1:16

mehenangkü hapa nyangei nyüke, “Am daülangi nyutuh; mehenangkü ngeiyü daülangpü.”

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

EZEKIEL 28:22

hatü Shembüpa Kahvangi hapakei enyüke” shei etuh: “Ngei nüng khüei nyüpeih, Oh Sidon, nüng kü ngei dükpü dou eeyei nanglakthüi ngei kü vihhen. Mechem ngei halei shahphenpü eehen, hatü ngei daülangshemshepü halei shakei vamhühenshang, jomi ngeiyü Shembüpa khih shei nyinghen.

1 PETER 3:15

shejao ammei mongei Khristayü Shembüpa shei deihtuh. Nüng kü nyupü monglem nangkü hanei ami nüng kü nih-ei ehen phephüjema, düngei shahnyok shuohhen temtüktü nyutuh.

ISAIAH 33:10

Shembüpai, “Shaang ngei yaonghen” “Shaang ngei longei aonghen” “Shaang ngei shangei aonghen” shei enyüke.

EZEKIEL 20:41

Vong meipü meli keiha halei ngei am yahhen, ngei amphong mih nanglakthü hatü lebü kahmükthülei haidaipü peü thaiyei leihen; jatthüi eeshi ngei ngelei daülangshemshepü shakei vamhühen.

EZEKIEL 38:16

ngelei nanglak Israel am khüei kahdok kü phumnyaki jümpükei peihen. Shompülei ngelei kahdok khüei ngei nüng müei peihen, Oh Gog, shejüang mechem ngei nüng homei ngelei daülangshemshepü jomei müki eeshi huhenshang jatthüi ngei nyinghen.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

BHEI-IE 20:13

Hapayü Meribahleig vamteke. Halei Israel nanglakthüi Shembüpa mü de, hatü halei büpayü daülangpü shei jomphong kü huteke.

ISAIAH 2:9

Hanangkü shennyakthü peü bhih-ei maantüktuh, hatü lomoh aühaühütuh, hatü nüngi hathü kü mang tetük.

EZEKIEL 28:25

Shembüpa Kahvangi hapakei enyüke: “Mechem ngei Israel nanglakthü jatthü touei haidaipü thaiyei leihen, hatü jatthüi eeshi ngelei daülangshemshepü huhenshang, shejüang jomi ngei ngelei chongphopü Jakob kü shuohpü kahdokei chingchingei nyuhen.