ISAIAH 5:13 - DAÜLANGPÜ LAIHING (BSI)

¹³ Danaokpü taopü nangkü ngelei nanglakthü wüpküpei daihen; aeipai hamhimanthü dikemhen, hatü nanglak khongnyü yung lepai dikemhen.

ISAIAH 5:13 Referans Kwoze

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

ISAIAH 1:3

Mohoh-i laophülei shembü, gadui laophülei shembüi het ühshing nyingnyüke, shejao Israel ami ha nenyingnyu, ngelei nanglaki ha nedanaoknyu.

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

ROM SHAHSHA APPÜ 1:28

Kahvang nyinghen jomphong den nengoi shei veiaokpü nangkü Kahvangi jomphong nedükbenüng dou dükhen mongdang ten kü lanei shuohtükpeih.

ISAIAH 1:7

Ammei kahmük lavüngtoidaiteke, ammei chingnyüthü awi hahtükteke, ammei müki eeshi kung ami ammei kahdok kowtükteke; Kung ami kowtükhinüng lavüngtoiyei leidaiteke.

2 PETER 3:5

Hepak longi daiteke, Kahvangei shah-i vangshothü vamhüpeih, hatü kahdoknyü-ü yung kübü vamhüpeih hatü yung homei vamhüpeih shei epü shahhing jomi nyingshangi yaktüknyüke.

YOUNG LAI 4:9

Hahhen yinghen neshiüi phaülei aeiyei leyei dileimeyü, vehok kü didaipüthü-üng vangmei khih.

JEREMIAH 14:18

Ngei kahlei shajajao yani mahpüthü mon eenyüke. Ngei chingnyülei shüjajao münghishaü homei dipüthü mon eenyüke. Thibü hatü ngongpathü peü jomi nenyingpü kahdokei shüei lüdainyüke.

JEREMIAH 14:3

Hamhimanthüi jomei chongphobüthü yung shohen shomnyüke; jom yungkukei heihjü yung shohen nedangnyu; jomi yungdük kong notü nyokei leidainyüke. Jom veüei mongshangpai shokuh kuhlangteke.

JEREMIAH 8:7

Yungou-i dangkao mechem om leihen nyingnyüpeih, athuba, khihmang ouha, hatü ouhathüi om leihen nyingnyüpeih, shejao ngelei nanglakthüi Shembüpalei vanglem nenyingnyu.

LUK SHAHSHA APPÜ 19:44

Jomi am hatü ammei hapeüthü yepei kahdok kü hathühen, hatü jomi yaong hük shangkü hük dheanei netuhphonghen; mehenangkü Kahvang am touei peihen hepak ammi nenying” shei e.

AMOS 8:13

Hapa nyih kü themei lameithüi yung lepai shomei yinghen.

2 ONGPATHÜ 17:6

Hoshea ong vaipü bong shüpabü kü Assyria ongpai Samaria omei yah, hatü Israel am kemei Assyrialei wüpei deilang. Büpai hathü hanei Habor Yungnyü yopailei Gozan kahdok Halah chingnyülei tuh, hatü haneiyü Media chingnyülei tuhteke.

ISAIAH 3:1

Veituh, shaang Shembüpa, Jeiyong Kahvangi Jerusalem, hatü Judah nyiphen leipü sheühpüshongpü shuohpü peü; hahying shuohpü hatü yung shuohpü;

ISAIAH 3:3

pinyipüan shak kü mübü, hatü lupülongpü shennyak, shahnying venbü, nganbü hatü ngan noteihen manpüthü peü yahlanghen mon nyüke.

ISAIAH 23:9

Jeiyong Shembüpai changmeipü müknyinshekhang peü maantükhen, hatü kahdoknyü kü men-e shennyakthü veühühen shingvaishi tempeih.

ISAIAH 44:19

“Hapa pü hükkeishing ngei aw kü jakpeih; hapalei awtao kü ngei aan lingei nyahhiphai cheüei hahpeih; shaang ngei hapa hükkeishing aopü yah-ei jiühitnalaipü lajei linghen je? Hapa pübhaok hanei aopü kü ngei aümei khümhen je?” shei ehen üpa kao nelenyu, nevaijü üpa kao hapa yaoei ehen nedeihnyu.

ISAIAH 49:21

Hahepak kü ammi ammei mongei, “Ham kü naüthü hajükjük üpai bühphopa? Ngeiyü naüthü mahdaitü kong mü nyuhampeih; Ngeiyü wüpküpei daiyei yaktükpü kei nyuhampeih. Hathüyü üpai bühpa? Ngei monha nyupeihhathü hashihthü meleipü peiküpa”? shei ehen.

ISAIAH 65:13

Hanangkü Shembüpa Kahvangi hapakei enyüke: Ngelei chongphobüthüi hahhen, shejao amphong aeiyei nyuhen; Ngelei chongphobüthüi yinghen, shejao am yung leyei nyuhen; Ngelei chongphobüthüi mongonghen, shejao am veühühen;

EZEKIEL 7:12

Hepak ngoiteke, nyih yopailei nyüke; shakhahpü amao mongteong nevaijü yupü amao mongtemei; mehenangkü Kahvangei hanghi shennyak peü kü peikahen.

KANDOK 10:21

Daülangpü amei jubenyeijaangi mih nanglei danghünyeih, shejao ngapathüi kon neshiüi dinyüpeih.