ISAIAH 49:9 - DAÜLANGPÜ LAIHING (BSI)

⁹ Khoklatei nyupüthü kü, “Vamdaikei” hatü vangnyak kü nyupüthü kü, “Vangngailei vamdaikei” shei ehen. Jomü lemhaoei hahying yemhahhen, hatü phaükong kü phenhavunglak hahhen danghen.

ISAIAH 49:9 Referans Kwoze

ISAIAH 42:16

Ngei mükphüngpüthü jomi chemao nekampü lem kü mühen; Ngei jom touei vangnyakü vangngai leitükhen, hatü nemeipü lemthü lemnyeü meishi lingtükhen. Ngei dükhen dou-ü hathü, hatü ngei jom netuhphongpih.

ISAIAH 42:7

Amphongi mükphüngpüthülei mük aphühen, hatü vangnyak kü khoklatei uoshi nyupüthü ngailanghen.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

ISAIAH 41:18

Kahngadok, shangchingthü kü ngei yungnyü vamhühen, hatü kahjithü kü ngei yunglok bhaohühen; Bhih kahdokao ngei yungkuk leihühen, hatü kahngadokü yunglok bhaoshing leihühen.

ISAIAH 9:2

Vangnyak kü kampü shennyakthüi vangngai longpü eeteke; shangmang kahdok kü nyupüthü kü vangngai-i khangteke.

MENVIH KESHO 102:20

Khoklatei nyupüthüi theppüyoungpü dannyeih; dihen nyupüthü bümei leihünyeih.

MENVIH KESHO 69:33

Mehenangkü Shembüpai nehahneyingpüthüi phoppü dannyeih, hatü khoklatei küppü laophülei nanglak netuhphongnyih.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

EPHESIA 5:14

mehenangkü eehen mü vampü lemphüli vangngai. Hanangkü ha enyüke: Oh shipü shennyak, paotuh! Dipü kübü yangei leituh, hatü Khristai nüng kü vangngaiphahen.

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

JOHAN 10:9

Ngeiyü shem shaden. Üami ngei homei shühen yanghen, hatü daitü lei, daitü lei shei nyuhen hatü hahying danghen.

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

LUK SHAHSHA APPÜ 1:79

shangmang hatü dipü vangdhüm kü nyupüthü kü vangngai shuohhen, hamei la chingmei lem kü mühen.

JOEL 3:18

“Hapa nyih kü kahshangthüi yiü ja yenphahen, hatü shangtaothü kü amma yenkahen; Judah leipü shohinga peü kü yung changshi yenkahen. Shembüpalei phopshem kübü yunglok hük yenei shaei Akacia Kahji kü yung shuohhen.

EZEKIEL 34:29

Ngei jom kü kahcheü kohpü kahdok shuohhen, hatü kahdok kübü aeipülepü dohtükhen, hatü lebü jatthüi neienelempü kü jom nehanghihen.

EZEKIEL 34:23

Ngei jom shak kü mi yombü hük, ngei chongphobü David tuhhen, büpai jom kü ühyinghen hatü büpa jomei mi yombü vaihen.

ISAIAH 65:13

Hanangkü Shembüpa Kahvangi hapakei enyüke: Ngelei chongphobüthüi hahhen, shejao amphong aeiyei nyuhen; Ngelei chongphobüthüi yinghen, shejao am yung leyei nyuhen; Ngelei chongphobüthüi mongonghen, shejao am veühühen;

ISAIAH 5:17

Hahepak kü mopnyümopha laaipü shingei mi chehathüi phenha meekhahhen, hatü yumthüi phenni hah-ei longteihen.

MENVIH KESHO 146:7

Büpai ponghahpüthü kü shahhing düknyeih; aeipüthü kü hahying shuohnyeih. Shembüpai khoklatei nyupüthü bümei leihünyeih.

MENVIH KESHO 22:26

Taopathüi hahhen hatü shümoh meihen, Shembüpa yempüthüi büpa vihhen. Jom düngei moihimanpü leihütuh!

SHAHKÜP 32:13

Büpai jom phaüshang kahdok shaopülei nyükteke, hatü kahdok kü vampü betjüki jom haümteke. Büpai jom yaong kübü nyahjiüi, hatü yaonglang kübü olive mainga-i haümteke.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

ISAIAH 48:17

Am Yangbü, daülangpü Israel Kahvangi hapakei enyüke: “Ngeiyü am shing peü mü meipü, hatü am daihen lem hupü Shembüpa, ammei Kahvang.

MIKA 5:4

Mechem büpa peihenshang, Shembüpalei wong kü, hatü Shembüpa, büpalei Kahvang müknyinshekhang men kü büpai laophülei mithü haümhen, hatü jom yangei nyuhen; mehenangkü büpa kahdoknyü dohpü ngoishi longpü vaihen,

LEVI 25:54

Büpa mepa lemeiyao neleiaokjema, büpa hatü chehathü peü hapa jubilee bong laiyei bümei leihühen.