ISAIAH 49:8 - DAÜLANGPÜ LAIHING (BSI)

⁸ Shembüpai hapakei enyüke: Mechem ngelei phahji hepak ngoihenshang ngei ammi phoppü kü janghen, hatü yemleihen nyih kü ngei am kü sheühhen. Ngei amphong yomhen, hatü nanglakthü shingvaishi amü vangpüshuwpü leihühen, Kahdok nyokei leihen, hatü tükei nyupü mükjüp demei hanhen.

ISAIAH 49:8 Referans Kwoze

2 KORINT 6:2

Büpai hei enyüke: “Yahhüpü hepak kü ngei am kü bangtepih, hatü yemleipü nyih kü ngei am kü sheühtepih.” Veituh, shaangü yahhahhüpü hepak; veituh, shaangü yemleihen nyih.

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

MENVIH KESHO 69:13

Shejao ngei payü nüng kü mon phopnyeih, Oh Shembüpa. Yahhüpü hepak kü, Oh Kahvang, nüngi bampü bhashahshi nyupü hepak kü ngei kü jangshih.

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

ISAIAH 61:4

Jomi aivang den mebü bentükpü, hatü den luangi lavüngtoiyei yakphongpü chingnyüthü neyei lingei leihen.

ISAIAH 58:12

Ammei nanglakthüi aivang den mü yaktükpü chingnyüthü linghen, hatü den longi lüdaipü chongnyiam shing lingei leihen; Am keyü mangdaipü bham lingbüthü, chingyangshong nyushing meipü lingei leibüthü shei nyükhen.

HEBREW 5:7

Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

ISAIAH 51:16

Ngei ngelei shah ammei ju kü shihtepih, hatü ngelei laki dhümshi am yangpeih; Vangshothü paanei deishih, hatü kahdoknyü chongnyiam yaong sheitük, hatü Zion kü, “Amü ngelei nanglak” shei epeih.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

ISAIAH 54:3

Mehenangkü am laknyong lakdah kü yaüei daihen, ammei hühihathüi jatthü kaamlanghen, hatü lavüngtoiyei yakphongpü chingnyüthü kü nyuhen.

ISAIAH 49:19

Am nyaidaitü chingkong nyulangmao, hatü ammei kahdok lavüngtoiyei yakphongjao, halei nyuhen leipüthü shingvaishi kahdok maandaitü ponghen, hatü am lomohhüpüthü am toueipü taishi lüdaiphahen.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

ISAIAH 26:3

Üami mongdangi nüng kü hinglemnya, nüngi jom den ngoipü chingmei kü tuhnyeih; mehenangkü jomi nüng kü hinglemnyüke.

MENVIH KESHO 75:3

Yemhimakthü kheüjao kahdoknyü jenlangmao, ngei kahdoknyü chongnyiam wongshongi tuhhen.

MENVIH KESHO 2:8

Ngei kü yütuh, hatü ngei nüng kü jatli peü mükjüp vaishi shuohhen; kahdoknyü dohpü thahshi nüng lompü vaihen.

HEBREW 8:6

Shejao shaang Jisu-ü chah-ei meipü chongphopü dousho dangteke; hatü vangpüshuwpü mepa kü büpa lembü lei, hapayü lahpü kü laphentü lingei nyüke.

MATHI 26:28

mehenangkü hapayü longshi shing mang tükpü danghen shingvaishi haipü vangteishuwteipü ngelei iy.

ISAIAH 51:3

Mehenangkü Shembüpai Zion nyiushem meihühen, hatü lavüngtoiyei tuhphongpü shingthü kü phahjiei veihen; Büpai jahpan kemei Eden pemong keiha, hatü bhih kahdok kemei Shembüpalei pemong keiha leihühen; Mongongmongle, menvih shuohpü, hatü kesho lokpü ngeü pinnyü kü eehen.

2 SAMUEL 7:13

Büpai ngelei men kü shem hük vehen, hatü ngei büpalei ongching ong uoshing den kü chonglingei tuhhen.

ISAIAH 27:3

Ngei, Shembüpai hapa yomnyüpeih; ngei hapa kü nedoh-i yung ünyeih. Üpaiyao hapa nemangtükhen shingvaishi ngei nyihjeih yajeih hapa yomnyüpeih.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 55:6

Shembüpa dangaokhen mü nyushingkü büpa yemtuh; büpa yopailei nyushingkü büpa kü nyüktuh.

ISAIAH 57:13

Mechem ammi sheühpü naei nyükhen, ammei lajeithüi am nyemyangpha! Vanglüki hathü shetei lüdaihen, hatü hapai am kü nanglei neshuohhen. Shejao üami ngei kü loihen, kahdok mükjüp danghen, hatü ngeilei phopshemei khümhen.

ISAIAH 58:5

Shennyak hük mong lephenü henüng keipü nyih ngei jenyu je? Ammi ammei shangjing bhuknyübong kei laamei shatü dhoila ashak ümtü depla kü lemtü khümnyüke. Ammi hapa kü Shembüpa touei yah-aokhenüng shüaeiyunglepü nyih shei nyükhen je?

ISAIAH 61:2

Shembüpai phahjipü bong, hatü jenei Kahvang bhüh yemhen nyih baonghen; mahng theppüthü nyiushem meihühen,

ISAIAH 65:9

Ngei Jakob kübü hühihathü, hatü Judah leipü ngelei kahshangthü mükjüp yahhenthü vamhühen; Ngei jepü nanglakthüi hathü mükjüp yahhen, hatü ngelei chongphobüthü halei nyuhen.