ISAIAH 49:7 - DAÜLANGPÜ LAIHING (BSI)

⁷ Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 49:7 Referans Kwoze

MATHI 26:67

Hahepak kü jomi büpalei dhe kü yu-opi shao, laki daüp hatü apteke.

1 PETER 2:4

Hangkui yaktükjao Kahvangi jepü hatü büpa touei douvang yangnyuyem yaong, büpa touei peituh;

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

ISAIAH 48:17

Am Yangbü, daülangpü Israel Kahvangi hapakei enyüke: “Ngeiyü am shing peü mü meipü, hatü am daihen lem hupü Shembüpa, ammei Kahvang.

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

ISAIAH 49:1

Ngei epü bangtuh, am yungkungei nyupüthü, hapa bangtuh, tailu kahdok leipü shennyakthü! Ngei büh shekü Shembüpai ngei nyükpeih, onyülei vom mongei nyushi büpai ngei jepeih.

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

ISAIAH 52:15

Shejao jatthü longi büpa kü thamahen, büpa eeyei ongthüi shah mahdaihen; Jom kü üpaiyao ne-eshuohpü dou jomi eehen, hatü jomi mehe mangdan, ha jomi nyinghen.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

JOHAN 19:15

Jomi lenei, “Büpa jütuh! Büpa jütuh! Büpa shophang kü aptuh!” shei len. Pilati jomphong kü, “Ngei ammei Ongpa shophang kü aphühen je?” shei phe. Ngongpathüi jangei, “Kaisar mü lenei hamei ong neshiüpih” shei e.

LUK SHAHSHA APPÜ 23:35

Nanglakthü veiyei yaongshi nyu, shejao mübüthüi büpa kü yaüeilungei, “Büpai mih yangteke; büpayü Kahvangei Messiah, jelangpü hük vaijema büpa nyingi nyemyang” shei e.

LUK SHAHSHA APPÜ 23:23

Shejao jomi üng mahshi lenei shülangi büpa shophang kü aphütuh shei len, hatü jomei ngeüi aokteke.

ISAIAH 60:10

Kung ami ammei bhamthü lingphahen, hatü jomei ongthüi am chongphohen; Ngei mongshihpai am kü bheiteke, shejao ngei bampai am kü phahji hupeih.

ISAIAH 60:3

Ammei vangngai touei jatthü peikahen, hatü ammei vangngai eeyei ongthü thaikahen.

ISAIAH 50:6

Ngei kü üppüthü kü ngei dok shaangshuohpeih, hatü ngelei jumum kü shüpüthü kü omdhaong meeshuohpeih; Ngei kü yu-op shaoei eelapüthü kübü ngelei dhenejolang.

ISAIAH 48:7

Hanangkü ammi, “Hami shelei mebü dantepih” shei ne-ehen shangmü, hathüyü ngei shaang vamhünyeih, she-angei ammi hathü nedanham.

MENVIH KESHO 68:31

Ijip leipü mophimo nyemleikei, Ethiopia ami Kahvang kü lanei phophen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

SHAKEI VAMPÜ 3:7

Philadelphia kübü Attoi leipü phongshan kü nyangtuh: Hathüyü daülangpü hük, hingshangpü hük, üpalei lakei Davidei sabi nyüpa, üpai aptükjü lebü üpaiyao neküp-aok, üpai küptükjü lebü üpaiyao ne-apaok, hayü büpalei shahthü:

JOHAN 19:6

Mechem ngongpathü hatü veshanthüi büpa eepa, jomi, “Büpa shophang kü aptuh! Büpa shophang kü aptuh!” shei len. Pilati jom kü, “Am nyingi büpa müei daiyei shophang kü aptuh, ngei büpa nyonghühen mü meheyao nedangang” shei e.

JOHAN 18:40

Jomi lenei, “Hapa shennyak nevai, shejao Barabbas!” shei jangei e. Shaang Barabbas-ü gühpa hük nyuteke.

LUK SHAHSHA APPÜ 23:18

Hahepak kü jom peüi chemi lenei, “Ha shennyak jütuh! Ham kü Barabbas veshih!” shei e.

LUK SHAHSHA APPÜ 22:27

Nükdülei uopü shennyak hi nevaijü nemnopü shennyak üpapa longpüang? Nükdülei uopüba nevaipü je? Shejao ngeiyü amphong mü nemnobü hük kei nyüpeih” shei e.

ISAIAH 60:16

Ammi jatthülei amma yinghen: ongthülei nyühaüm kü choihen. Shejüang ammi ngeiyü am yemleipü Shembüpa, wong longpü Israel Kahvang shei nyinghen.

MENVIH KESHO 69:19

Ngei ne-ienelempü ponghahpü, veü hatü dhüm neshiüpü eehahpü nüngi nyingei nyüke.

1 KORINT 1:9

Kahvangü shahhing; büpai laophülei Ha Jisu Khrista jenei Shembüpa mü mongjemhühen am kü nyükpeih.

KAHBHAO 27:29

Nanglakthüi nüng chongnyempho, hatü jatthüi nüng kü aümei nyemkhüm. Nüngi nüngei jeihinaüthü shak kü shembü vaituh, hatü anyüi bühpü hapeüthüi nüng kü aümei nyemkhüm. Nüng kü thaüvaüpüthü kü thaüvaü hettuh, hatü nüng kü moihimanpüthü kü moihiman nyutuh.”

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

MENVIH KESHO 47:9

Jatthülei ongthü Abraham Kahvangei nanglakthü mü thainyüke. Mehenangkü kahdoknyü kübü inyüshungthü kemei Kahvangei; büpa peü mü shaoshi vanglem lemnyeih.

ISAIAH 14:1

Shembüpai Jakob kü shinshangei deihhen, hatü shao chem büpai Israel am jehen, hatü büpai jom jomei kahdokei chingchingei nyuhühen. Kung amao jom mü shephen, hatü Jakob phang mü mongjemhen,

ISAIAH 19:21

Hanangkü Shembüpa laophü nyingi Ijip am kü nyinghühen, hatü Ijip ami hapa nyih Shembüpa nyinghen, hatü jomi büpa kü jakpü moila, lebü moila shuoh-ei Shembüpa kü vangeishuwei hathü dükei büpa kü khümhen.

ISAIAH 19:23

Hapa nyih Ijip kübü Assyria thahshi lemnyüshong nyuhen, hatü Assyria ami Ijiplei hatü Ijip ami Assyrialei lüteihen, hatü Ijip ami Assyria am mü khümhen.

ISAIAH 27:13

hatü hapa nyih amit longpü vünghen. Üamphong Assyria kahdokei mahei nyu, hatü üam Ijiplei wüpküpei nyu, hathüi Shembüpa kü khümhen shingvaishi daülangpü Jerusalem Kahshangei nyokei leikemhen.

ISAIAH 49:26

Am kü shüveipüthü kü jomei phai-üng hahhen hanhen, hatü yiüi keiha jomei iy-i jom chokhen. Shejüang shennyakthü peüi ngeiyü Shembüpa, am Yemleibü, Wong kohpü Jakob Kahvang shei nyinghen.”

ISAIAH 66:23

Lenja hük kübü hük thahshi, Sabbath hük kübü hük thahshi hangkuli peü peiyei ngei touei aümei khümhen.