ISAIAH 49:6 - DAÜLANGPÜ LAIHING (BSI)

⁶ Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

ISAIAH 49:6 Referans Kwoze

PHONGSHANTHÜ DOU 13:47

Mehenangkü Shembüpai ham kü hapakei shahkung shuohpeih: ‘Kahdoknyü dohpü ngoishi yemleipü danghühen nangkü ngei amphongü Kung am shingvaishi vangngai hük leihüpeih.’ ”

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

ISAIAH 52:10

Shembüpai büpalei daülangpü lak jatthü peüei müki eeshi laiteke; hatü kahdoknyü dohpü peüei jenei Kahvang yemleipü eehen.

ISAIAH 60:3

Ammei vangngai touei jatthü peikahen, hatü ammei vangngai eeyei ongthü thaikahen.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

ISAIAH 46:13

Ngei ngelei daülangshemshepü yopailei koei peikünyeih, hapa taishi neshiü; hatü ngelei yemleipü pheiyei nenyukahen. Ngelei yemleipü Zion am kü shuohhen, ngelei müknyinshekhang Israel am kü shuohhen.

2 ONGPATHÜ 3:18

Hapayü Shembüpa shingvaishi ahshi-üng douyo; büpai Moab amao ammei lak kü shuohhen.

2 ONGPATHÜ 20:10

Hezekiah-i jangei, “She philei vangdhüm laang lakham an daipü-üng yopüba” shei e. “Ngaümphei phileiang lakham an nyemlei” shei e.

PHONGSHANTHÜ DOU 26:23

Messiah shangponghen hatü dipü kübü yangei leihen shongpü vaipü nangkü büpai Jehoda am hatü Kung am kü vangngai jung baonghen.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

MENVIH KESHO 37:28

Mehenangkü Shembüpai shahhing kü bamnyeih; büpai büpa kü hinglempü shennyak neyakphonghen. Daülangpü am düngei yangei tuhhen, shejao nemeipü amei hapeüthü mahtükhen.

MENVIH KESHO 97:10

Ten kü jiühitpüthü kü Shembüpai bamnyeih; büpa kü hinglempüthü büpai yangnyeih; büpai nemeipüthüleilak kübü yanglangnyeih.

ISAIAH 42:10

Shembüpa kü kesho ja hük lokeishuoh, kahdoknyü dohpü jung ngoishi büpa menvihpü loktuh! Yungchingi ngeü antuh, hatü haleipü yemhamakhathüi, yungkung kahdokthüi hatü halei nyupüthüi menvih kesho loktuh.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

ISAIAH 51:4

Ngei epü bangtuh, ngelei nanglak, ngei epü kü kenhingtuh ngelei jatli. Ngei leipü nyuhpüvenpü daihen, ngelei shahhingü jatthü shing vangngai leihen.

ISAIAH 55:5

Mehenangkü Shembüpa, ammei Kahvang, daülangpü Israel Kahvangi am kü müknyinshekhang dhüm shuohpü nangkü, ammi nenyingpü jatthü am kü nyükhen, hatü am nenyingpü jatthüi am yemei mokkemkahen.

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

ZEKHARIAH 6:13

Shembüpalei phopshem lingei leihenü büpa chongkahen, hatü büpa leipü vihpülüpü danghen, hatü büpa ong uoshing kü uotü vanglem lemkahen. Büpalei ong uoshing mü khangei ngongpa hük uohen, hatü jiji aa kü chingmeivangmei kü chemi dou dükhen,

ZEKHARIAH 8:22

Shennyakthü hatü jatthü longi Jerusalemei Jeiyong Shembüpa yemei peikahen hatü büpa kü moihiman yühen.”

MENVIH KESHO 67:3

Nanglakthüi nüng vihhütuh, Oh Kahvang; hangku peüi nüngei men longhütuh.

ISAIAH 56:8

Israel am wüpküp leipü müei leipü, “Thaiyei tuhpüthü mü lenei ngei shao thaihen” shei enyüke.

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.