ISAIAH 49:12 - DAÜLANGPÜ LAIHING (BSI)

¹² Veituh, jomü tailu leipü hanei apsha, hanei pehephi kübü, hatü hanei Aswan kahdok leipü peikahen.

ISAIAH 49:12 Referans Kwoze

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

SHAKEI VAMPÜ 7:9

Hapa pheikü ngei veishuohjü iehen neaoki khongnyü longpü hük kahmük, jat, nanglakthü hatü shahlem longi Mi Chehalei ong uoshing touei bhagthuh shola thuhtü jomei lakei palm pükaothü notü nyuteke.

LUK SHAHSHA APPÜ 13:29

Hahepak kü nanglakthü heong heshü, apsha pehe leipü peiyei Kahvang ongching kü hahyinghen.

MATHI 8:11

Ngei am kü enyeih, heong heshü kübü longi peikahen hatü vangsho ongching kü Abraham, Isak hatü Jakob mü chemi hahyinghen,

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

MIKA 4:2

Halei jat longi peiyei hapakei ehen, “Huoi, jeni Shembüpalei kahshangei, Jakob Kahvangei shemei aongshah; Mehenangkü büpai jen kü büpalei lemthü nyuhphahen, hatü jeni büpalei lemthü kü kamhen.” Mehenangkü Zion kübü shahkungnyü, hatü Jerusalem kübü Shembüpalei shah vamkahen.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

MENVIH KESHO 22:27

Kahdok dohpü peüi deih-ei dangtü Shembüpa touei mong lepei leihen, hatü jatthü phanghiyang kemei büpa kü khümhen.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ISAIAH 49:1

Ngei epü bangtuh, am yungkungei nyupüthü, hapa bangtuh, tailu kahdok leipü shennyakthü! Ngei büh shekü Shembüpai ngei nyükpeih, onyülei vom mongei nyushi büpai ngei jepeih.

ISAIAH 49:18

Ammei mük vamei am shineileyei veituh; ammei nanglakthü peü chemi thaitü am touei peikünyüke. Ngeiyü vanyangyem Kahvang, ammi hathü kemei ownyülangha kei, doidainyüi ow owpükei hathü owhen.

ISAIAH 55:5

Mehenangkü Shembüpa, ammei Kahvang, daülangpü Israel Kahvangi am kü müknyinshekhang dhüm shuohpü nangkü, ammi nenyingpü jatthü am kü nyükhen, hatü am nenyingpü jatthüi am yemei mokkemkahen.

ISAIAH 59:19

Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü Shembüpalei ngü vanglük keiha peikahen.

ISAIAH 60:4

Mük vamei am shinei veituh; jom peü thaitü am touei peikünyüke; Ammei yeshangthü tailu kahdok leipü peikünyüke, hatü ammei yiükhathü jomei lakei paümshi leikünyüke.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

ZEKHARIAH 6:15

Tailu shingei nyupüthü peikahen hatü Shembüpalei phopshem lingei leihen kü sheühhen, hatü Jeiyong Shembüpai am touei ngei shompü khih shei nyinghen. Hingmei, ammi Shembüpa, ammei Kahvangei shah bangjema, hapa jiükahen.