ISAIAH 48:9 - DAÜLANGPÜ LAIHING (BSI)

⁹ Mehenangkü ngelei men kü ngei mongshihpü pheinyüpeih, ngelei men vihhen nangkü ngei ha yepei tuhnyüpeih; Hanangkü am nemahtüki tuhnyüpeih.

ISAIAH 48:9 Referans Kwoze

ISAIAH 37:35

Mehenangkü ngelei men kü hatü ngelei chongphobü Davidei men kü ngei hapa chingnyü honglangtü yanghen”

MENVIH KESHO 143:11

Nüngei men kü, Oh Shembüpa, ngelei yangnyu yangtuh. Nüng daülangshemshepai ngei shanghah kübü ngailangtuh.

MENVIH KESHO 106:8

Shejao büpalei thamapü dou nyinghühen shingvaishi büpai büpalei men kü jomyangpeih.

MENVIH KESHO 79:9

Sheühshih, Oh ham yemleipü Kahvang, nüngei men müknyinshekhangpü men kü nüngi ham yangshih, hatü mang tükshih.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.

EZEKIEL 20:44

Ngei ngelei men kü mechem am mü ammei mang shangshi nevai, nevaijü nemeipü douthü aimü nevai-i ngei ha dükhenshang, Oh Israel am phang, ammi ngeiyü Shembüpa Kahvang khih shei nyinghen shei Shembüpa Kahvangi enyüke.

EZEKIEL 20:22

Shejao ngei ngelei lak shounglangpeih, hatü ngelei men kü, hatü jatthüi eeshi ngelei men netenhen, hatü jomi eeshi ngei jom müei leilangpü nangkü ngei ha nedükpeih.

EZEKIEL 20:14

Shejao ngei ngelei men kü, jatthü eeshi ngelei men netenhen shingvaishi, jomi eeshi ngei Israel am müei lüdaipü nangkü ngei ha nedükpeih.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

ISAIAH 48:11

Ngei ngelei men kü ha düknyüpeih, mehekei ngelei men tentükhen? Ngelei müknyinshekhang ngei lebü kü neshuohhen.

ISAIAH 43:25

Ngelei men kü ammei mang thitei yaktükpeyü Ngei, hapayü, Büpa hih, hatü ngei ammei mang hajük kü deih-ei nelepih.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

MENVIH KESHO 25:11

Ngelei mang ahshi longshi nyujao nüngei men kü ngelei mang tükshih, Oh Shembüpa.

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

KANDOK 19:11

Shennyak hüki laophü kü nyupü kihikoni nenteiaokei leinyüpeih; Hanei ami shaiyei dükphü shingkü chahmaoh shei tuhpeyü laophülei müknyinshekhang.

JOSHUA 7:9

Kanan am hatü lebü kahmükthü kübü shennyakthüi hapa jung danlanghen, hatü jomi ham shonlanghen hatü hamei men kahdoknyü kübü thittükhen khih. Nüngei men longpü nyuhen shingvaishi nüngi mehe dükhenang?” shei e.

ISAIAH 65:8

Shembüpai hapakei enyüke: “Nyalingngupai choung kübü yiü vamnyeih shei nyingei shennyakthüi, ‘Ha temangtük, halei moihiman nyüpeih’ shei epü keiha, Ngei ngelei chongphobüthülei men kü ngei jom nemahtükpih.

EZEKIEL 36:21

Shejao Israel ami dailem peü kü lebü jatthü touei ne-ienelemi yaktükpü ngelei daülangpü men kü kenei deihpeih.