ISAIAH 48:8 - DAÜLANGPÜ LAIHING (BSI)

⁸ Ammi chemao mangdan, nevaijü mangnying, shelei mebü ammei dhaong kü ha neshü. Am meshük lueilemnya, ha ngei meishi nyingei nyüpeih; Hanangkü am keyü bühhinüng khüei yaongpüam shei nyüknyeih.

ISAIAH 48:8 Referans Kwoze

MENVIH KESHO 58:3

Nemeipüthü vom mongei-üng lemnyong kü dainyüke; bühpü nyih-üng shahshem enyeih.

MALAKI 2:11

Judah ami lahtükpü shaitükteke, Israel kü hatü Jerusalem kü jiühitbenüng mang thahteke; mehenangkü Judah ami kung amei kahvangei yiükha mü shem yempai Shembüpai kenpü phopshem sheihtükteke.

HOSEA 5:7

Jomi Shembüpa kü hingnelem; jomi shonghathü longi bühnyüke, Shaang jomei lenja mo homei jom mü jomei kahthüao omshi mahtükhen.

JEREMIAH 6:10

Jomi danhen ngei üpa kü ehen, hatü shahvüng shuohhen? Veituh, jomei dhaong dhühlang, jomi nedanaoknyu. Jom kü Shembüpalei shah-ü nyipüwapü dou keiha leidai; jomi ha kü mongong neshiü.

EPHESIA 2:3

Chem jen peüi phai-i mongpü aimü jom mü nyuei, phai hatü mongi vaüpü phei müei nyu, hatü jenphongü nyingnyoi kü-üng Kahvang mongshih ponghahhen hapeüthü nyuteke.

JEREMIAH 5:11

Mehenangkü Israel hatü Judah am phangü ngei kü lanshei hingnelem shei Shembüpai enyüke.

JEREMIAH 3:20

Shejao laophülei baha touei shahhing ne-epü nyüha keiha, nüngi ngei touei hingshangi nenyupeih, Oh Israel am phang shei Shembüpai enyüke.

ISAIAH 50:5

Jeiyong Shembüpai ngelei dhaong appeih, hatü ngei khüei neyaong, nevaijü ngei nyokei neleidai.

ISAIAH 48:4

Am meshük mong vaanshi nyu, hatü nyiam keiha ngaümchong haüshi, hatü melangnyiam keiha ammei shangba vaanshi nyupa, ha ngei nyinghampeih.

ISAIAH 46:8

Hapa deih-ei danghümao, hatü leyei peihümao, ammei mongei ha deihhümao, Oh mang shennyakthü.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

ISAIAH 21:2

Vongshüh peihen manghkhang hük ngei kü huteke, hapayü lueilemhen hatü mangtükhen nang nyuteke. Elam veshanthü, ching hahtuh! Media veshanthü, ching shümtuh! Babylon ami shuohpü hanghi ngei dohtükhühen.

MENVIH KESHO 51:5

Hingmei, ngei bühshing kao mang nyu; Onyüi ngei kopü hepak kao ngei mang nyuteke.

MENVIH KESHO 40:6

Jakpü moila hatü moila nüngi nenanyu, yemhimak jüei jakpü moila, mang moila nüngi neyünyu, shejao nüngei shah banghen nüngi ngei kü dhaong shuohteke.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

JEREMIAH 5:21

Oh ngapa hatü sholi neshiüpü nanglakthü; am kü mük nyüke, shejao ne-eenyu; am kü dhaong nyüke, shejao nedannyu.

ISAIAH 33:1

Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

ISAIAH 42:25

Hanangkü büpa mongshihpü jom kü khüppeih, hatü vehok mangpü heüpeih. Awlomi jom jümlangjao, jomi hapa nenyingaok; awi jom jangtükjao, jomi hapa mongdangei neyah.

ISAIAH 47:11

Amphongei thihivam doui nekatiaokhen mü vongshüh peikahen. Amphongi nekeütükaokhen mü shanghah peikahen, Amphongi nenyingpü kü ngangahük kü lomoh aühaü peikahen.

ISAIAH 48:7

Hanangkü ammi, “Hami shelei mebü dantepih” shei ne-ehen shangmü, hathüyü ngei shaang vamhünyeih, she-angei ammi hathü nedanham.

ISAIAH 57:4

Üam kü thaüvaünya? Üam kü loh-ei ju katü shahlong enya? Amü mangei hapeüthü, hatü lupülempüthülei li nevaipü je?

HOSEA 7:9

Mih jati jomei wong lühtükteke, shejao jomi ha nenyingaok, Shosho pungdailangmao hapa neyaoaoknyu.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

SHAHKÜP 31:18

Hatü hingmei hapa nyih jomi lebü kahvangthü touei lepei mang thahpü nangkü ngei ngelei dhe jodaihen.”