ISAIAH 48:4 - DAÜLANGPÜ LAIHING (BSI)

⁴ Am meshük mong vaanshi nyu, hatü nyiam keiha ngaümchong haüshi, hatü melangnyiam keiha ammei shangba vaanshi nyupa, ha ngei nyinghampeih.

ISAIAH 48:4 Referans Kwoze

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

MÜLANGPÜ 32:9

Shembüpai Mosa kü, “Ngei hapa nanglakthüyü longi mong vaanshi eenyüke.

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

SHAHKÜP 31:27

Am meshükpa mong vaan, hatü khüei yaongnya, ha ngei nyingnyüpeih. Ngei yemmü nyushi dangkao hajükjük Shembüpa khüei yaongjema, ngei didaipheikü am meshük khüei yaonghen?

MÜLANGPÜ 33:5

Mehenangkü Shembüpai Mosa kü, “Amphongü mong vaanpü nanglakthü khih. Kansho hük dangkao ngei am mü daijema, ngei am jütükkemhen khih. Shaang ammei owhiai nyiuktüktuh, hatü ngei am kü mehe dükhen ngei baong hanpü yahhen shei eyeishuoh” shei eteke.

MENVIH KESHO 78:8

Shejao jomü chebü chepa am kei mong vaanei khüei yaongpü, Kahvang kü jomei mong lanei neshuohpü, nevaijü jomei laanghabüpa kü hingnelempü am nevaihen.

MENVIH KESHO 75:5

“am nyingei ngamshah longi te-e nevaijü shahlong te-e” shei enyeih.

MÜLANGPÜ 33:3

Amma hatü nyahjiü yenpü kahdokei daituh; shejao ngei am mü nedaikahen, hei nevaijema ngei lem jiamei am mahtükhen hih; mehenangkü amphongü mong vaanpü nanglakthü khih” shei eshuohteke.

ISAIAH 46:12

Ngei epü bangtuh, am mongdang vaanpüthü, am daülangshemshepü kübü taishi yandaipüthü.

2 SHÜPPÜKENGPÜ 36:13

Hingshangi nyuhen shei epü nangkü Kahvangei men kü vangeishuwpü shuohpü Nebukadnezzar ongpa khüei yaong. Büpa ngaümvang haüei mongdang vaanei Shembüpa, Israel Kahvang touei mong lepei nelei.

HEBREW 3:13

Shejao mangi lueilempü kü ammei mong nevaanhen shingvaishi “Shinnyih” shei nyükpü thahshi nyihjeih am hüki hük mü mongnang thongteituh.

DANIEL 5:20

Shejao mechem büpa changmeiyei, mong vaanei nemei-i leipa, büpa ong uoshing kübü changtük, hatü büpalei dhüm hi ngan ngühlangpeih.

JEREMIAH 7:26

shejao jomi ngei epü nebang, nevaijü mong neshuoh; shejao jomei ngaümvang vaanei nyupeih. Jomei chebü chepa mao jom-üng nyeinya nemei-i dükpeih.

JEREMIAH 3:3

Hanangkü vang nekei-i shümlang, hatü ünyü vang nekeinyu; shejao am veüao neveüi büm yuei longteihen dhehilaü kohtü nyüke.

2 SHÜPPÜKENGPÜ 30:8

Ambü ampa keiha am mong tevaan; Shembüpa touei maanpü leituh. Büpai den shing daüei tuhpü phopshemei peikei. Am toueipü büpalei mongshih yahlangphahen nangkü Shembüpa, ammei Kahvang chongphotuh.

2 ONGPATHÜ 17:14

Shejao jomi jomei bühipathüi Shembüpa, jomei Kahvang kü hingnelemi nyupü keiha jomi ha nebangi nyu.

SHAHKÜP 10:16

Hanangkü ammei mongdang shuw japtüktuh hatü hajük kü mong vaanei tenyu.

NEHEMIAH 9:28

Shejao jom nyiushemmei kü nyujü shao jomi nüng touei mang thah. Hahepak kü jom shak kü vanglem lemhühen nüngi jom vepathü kü shuoh, hatü mechem jomi nüng kü nyükhen, nüngi vangsho leipü dan, hatü nüngi phahjipai hepak ieshi jom yangteke.

EZEKIEL 2:4

Nanglak üam touei ngei nüng shomnya, jomphongü mong vaanpü hatü laophüi deihpü mon dükpüthü khih; jom touei ngei nüng shomnyeih hatü nüngi hathü kü Shembüpai hapakei enyüke” shei etuh.

MÜLANGPÜ 9:7

Pharaoh-i ha nang pheshuoh shingkü Israel amei haümyem hükao nedi shei nying. Shejao Pharaohlei mong vaanteke, hatü büpai nanglakthü neleishih.

ISAIAH 30:9

Mehenangkü jomü ven lepü nanglak, lupülempü hapeüthü, Shembüpalei nyuhpüvenpü neyahpü hapeüthü.