ISAIAH 48:18 - DAÜLANGPÜ LAIHING (BSI)

¹⁸ Ngelei shahkungthü kü ammi mong shuohlangmeyü, moihiman, nyiushemmei yungyen keiha yenkeihah shepeih, hatü am aokpü dangpeyü yungnyü lahao kei peikühah shepeih.

ISAIAH 48:18 Referans Kwoze

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

ISAIAH 66:12

Shembüpai hapakei enyüke: “Ngei yungnyüyen keiha pinnyü kü chingmeivangmei shuohhen, hatü jatthülei mop yungnyübüng keiha shuohhen; Nyüi hapeü kü jungpü keiha amü pinnyülei lak, hatü shüngkung shangkü paümshi junghen.

MENVIH KESHO 119:165

Nüngei shahkung kü bampüthü kü chingmei longpü nyüpeih; mepaiyao jom huluh neshuohhen.

SHAHKÜP 32:29

Jom paoh kon kohlangmeyü jom dohpütenpü mekei nyuhen hapa yao-aokhen vaipeih.

ISAIAH 45:8

Oh vangsho shangpa, vang keipü daülangshemshepü shomtuh; Kahdoknyü ju aptuh, yemleipü koh-ei vamhütuh; hapa mü daülangshemshepü longhütuh; Ngei, Shembüpai hapa lingpeih.

MENVIH KESHO 36:8

Jomi nüngei shem leipü hahying hahnyüke, hatü nüng mongongpü yungyen leipü yung yingshuohnyüke.

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

AMOS 5:24

Shejao shahhingpa yungyen kei yenhütuh; Daülangshemshepü mechemao nejeppü yunglok kei yenhütuh.

MATHI 23:37

Jerusalem, Jerusalem, am touei shompü thibüthü yaongi shükei jütükpü chingnyü! Ounyüi laophülei ouhathü pinnyülei yangkaok phangei thaipükei ngei ammei hapeüthü thaihen meshükpa kentepa, shejao ammi ha nemong!

ISAIAH 33:21

Halei wong kohpü Shembüpayü jenei vaihen; hapayü ba longpü yungnyü keiha nyukahen. Halei li yaatei nekamteihen, nevaijü jahas longpü nelongteihen.

ISAIAH 42:24

Üpai Jakob aetpüshepüthü kü, hatü Israel am gühpathü kü shuohtükpa? Jeni büpa khüei mang thahpü nangkü, büpalei lemthü kü nekampü, hatü büpalei shahkungthü nebangpü nangkü Shembüpai shuohtükpü nevaipü je?

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 61:11

Mehenangkü kahdoki sheili nyem phaathüpü kei, hatü pemongi halei sheili kohhüpü keiha, Shembüpa Kahvangi daülangshemshepü hatü dupü-oupü jatthü peü eeshi kohhühen.

ISAIAH 62:1

Zionlei daülangshemshepü vanghela kei mangnya thahshi, hatü Jerusalemei yemleipü awnya kei mangnya thahshi, Zion men kü ngei nenmü nenyupih, hatü Jerusalem nangkü ngei nyiumeiyei nenyupih.

HOSEA 10:12

Am shing daülangshemshepü haituh, bampü betjük vettuh; ammi kahdok ja shotuh; Mehenangkü büpa peiyei am kü daülangpü vang keiphahen shingvaishi Shembüpa yemhen hepak nyüke.