ISAIAH 48:12 - DAÜLANGPÜ LAIHING (BSI)

¹² Ngei nyüklangpü, Oh Jakob, hatü Israel, ngei epü bangtuh: Ngeiyü Kahvang; Ngeiyü chongpangpü hatü dohpü.

ISAIAH 48:12 Referans Kwoze

ISAIAH 41:4

Üpai hapa dükei heihpa? Üpai büshah tuhhen hannya? Ngei, Shembüpa chongpangpülei nyupeih, Ngei, Shembüpa dohpü thahshi nyukahen.

SHAKEI VAMPÜ 22:13

Ngeiyü Alpha hatü Omega, shongpü hatü shompü, chongpangpü hatü dohpü.”

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

ISAIAH 44:6

Israel amei Ongpa, hatü Yemleibü, Jeiyong Shembüpai hapakei enyüke: “Ngeiyü chongpangpü hatü dohpü; Ngei mü lenei lebü Kahvang neshiüpih.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

ISAIAH 43:11

Ngei, ngeiyü Shembüpa, hatü ngei mü lenei lebü yemleibü neshiü.

ISAIAH 49:1

Ngei epü bangtuh, am yungkungei nyupüthü, hapa bangtuh, tailu kahdok leipü shennyakthü! Ngei büh shekü Shembüpai ngei nyükpeih, onyülei vom mongei nyushi büpai ngei jepeih.

ISAIAH 46:3

Ngei epü bangtuh, Oh Jakob phang, hatü Israel am phang aopüthü. Am wom mongei nyushi mebü, hatü bühhinüng ngei am poh-ei jungei angpeih.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

SHAKEI VAMPÜ 2:8

Smyrna kübü attoi leipü phongshan kü nyangtuh: Hathüyü chongpangpü hatü dohpü, üpa di hatü yangei lei, büpalei shahthü:

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

1 KORINT 1:24

shejao üamphong nyüklang, Jehoda hatü Greek am nyiphen kü Khristayü Kahvangei ngan, hatü Kahvangei kihikon nyüke.

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

ROM SHAHSHA APPÜ 1:6

hatü amphongao Jisu Khristalei lompü vaihen nyükpü khongkü nyüke.

MATHI 20:16

Hanangkü shompüthü shonghen, shongpüthü shomhen.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

ISAIAH 51:4

Ngei epü bangtuh, ngelei nanglak, ngei epü kü kenhingtuh ngelei jatli. Ngei leipü nyuhpüvenpü daihen, ngelei shahhingü jatthü shing vangngai leihen.

ISAIAH 51:1

Ngei epü bangtuh, amphong daülangshemshepü kü chongphopüthü, hatü Shembüpa yempüthü. Amphong meleipü bhaokei yahpa, hapa yaongnyü kü veituh, am meleipü lokei ngaipa hapa yaongdung kü veituh.

ISAIAH 34:1

Yopailei peikei, Oh jatthü, hatü bangtuh; Oh shennyakthü kenhingtuh! Kahdoknyü hatü halei nyupüthü peü, kahdoknyü hatü haleipü vampüthü peüi bangtuh.

KANDOK 8:32

Hanangkü shaang, ngelei hapeüthü, ngei epü kü bangtuh: Ngelei lem kü kampüthü moihiman!

KANDOK 7:24

Hanangkü shaang, ngelei hapeüthü, ngei epü bangtuh, hatü ngelei shahthü kü mong shuohtuh.

ISAIAH 40:26

Vangsho philei ngangei veituh: Üpai hathü lingpa? Büpai lithathü hük hük ieyei kü men menei nyüke. Büpalei ngan hatü wong longpü homei hathü hükao nemahtüki nyüke.

ISAIAH 43:10

Amü ngelei denbüthü, ammi ngei nyinghen, hatü hinglemhen, hatü ngeiyü Kahvang shei nyinghen shingvaishi ngeijepü ngelei chongphobüthü shei Shembüpai enyüke. Ngei mü lenei üpa kahvangao nenyuham, nevaijü ngei mü üpa kahvangao nechongkahen.

ISAIAH 46:4

Ngei ammei Kahvang hatü am viüei shosho pungpü thahshi ngei am junghen. Ngei am lingpeih, hatü ngei am kü junghen; Ngei am kü sheühhen hatü yanghen.

ISAIAH 44:1

Shejao shaang bangtuh, Oh Jakob, ngelei chongphobü, Ngei jepü Israel am.