ISAIAH 48:11 - DAÜLANGPÜ LAIHING (BSI)

¹¹ Ngei ngelei men kü ha düknyüpeih, mehekei ngelei men tentükhen? Ngelei müknyinshekhang ngei lebü kü neshuohhen.

ISAIAH 48:11 Referans Kwoze

ISAIAH 42:8

Ngeiyü Shembüpa, hapayü ngelei men; Ngei ngelei müknyinshekhang üpa kao neshuohhen, nevaijü ngelei menvih lajeithü kü neshuohhen.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

EZEKIEL 20:14

Shejao ngei ngelei men kü, jatthü eeshi ngelei men netenhen shingvaishi, jomi eeshi ngei Israel am müei lüdaipü nangkü ngei ha nedükpeih.

ISAIAH 37:35

Mehenangkü ngelei men kü hatü ngelei chongphobü Davidei men kü ngei hapa chingnyü honglangtü yanghen”

EZEKIEL 20:22

Shejao ngei ngelei lak shounglangpeih, hatü ngelei men kü, hatü jatthüi eeshi ngelei men netenhen, hatü jomi eeshi ngei jom müei leilangpü nangkü ngei ha nedükpeih.

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.

ISAIAH 43:25

Ngelei men kü ammei mang thitei yaktükpeyü Ngei, hapayü, Büpa hih, hatü ngei ammei mang hajük kü deih-ei nelepih.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

EZEKIEL 20:44

Ngei ngelei men kü mechem am mü ammei mang shangshi nevai, nevaijü nemeipü douthü aimü nevai-i ngei ha dükhenshang, Oh Israel am phang, ammi ngeiyü Shembüpa Kahvang khih shei nyinghen shei Shembüpa Kahvangi enyüke.

EZEKIEL 20:39

Oh Israel am phang, amphong kü Shembüpa Kahvangi hapakei enyüke: Shaang am peü daiyei lajeithü chongphotuh hatü hapheikü amphongi ngei epü nebang, shejao lajeithü kü jakpü moila shuoh-ei ngelei daülangpü men tesheihtük.

ROM SHAHSHA APPÜ 2:24

Mehenangkü ha nyangei nyüke: “Am tata kü Kung am touei Kahvangei men ne-ienelemi leitükteke.”

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

ISAIAH 52:5

Hatü shaang ngei hatouei mehe dükhen? shei Shembüpai enyüke. Mehenangkü meheyao shaipü neshiüpü kü ngelei nanglakthü yah-ei lüdaiteke, hatü jomphong shak kü vanglem lempüthüi ne-ienelemnyu, hatü helu shoei ngelei men yaüeilungnyüke” shei Shembüpai enyüke.

ISAIAH 48:5

“Hamei lajeithüi hathü dükpeih, hatü hami lingpü yaongnaüya-i hathü vamhüpeih” shei ne-ehen shangmü, shelei mebü-üng ngei am kü ha epeih, hatü hathü vamshekü ngei hathü nyinghüpeih.

MENVIH KESHO 25:11

Ngelei mang ahshi longshi nyujao nüngei men kü ngelei mang tükshih, Oh Shembüpa.

MENVIH KESHO 106:8

Shejao büpalei thamapü dou nyinghühen shingvaishi büpai büpalei men kü jomyangpeih.

MENVIH KESHO 115:1

Ham kü nevai, Oh Shembüpa, ham kü nevai, shejao nüngi bampü, hatü shahhing epü nüngei men müknyinshekhangtuh.

ISAIAH 48:9

Mehenangkü ngelei men kü ngei mongshihpü pheinyüpeih, ngelei men vihhen nangkü ngei ha yepei tuhnyüpeih; Hanangkü am nemahtüki tuhnyüpeih.

DANIEL 9:17

Hanangkü shaang, Oh hamei Kahvang, nüng chongphobüi phoppü hatü phepü kü bangshih, nüngei men kü, Shembüpa, nüngei Phopshem bentükpü kü phahjiei veitü lingei leishihma.

MENVIH KESHO 25:7

Ngelei nethe hepak kübü mangthü, hatü pungpü shaipü deih-ei tedang. Nüng meipü men kü nüngi bampü shangshi ngei deih-ei dangtuh, Oh Shembüpa.

EZEKIEL 36:22

Hanangkü Shembüpa Kahvangi Israel phang kü hapakei enyüke shei etuh: Hapayü ammei men kü nevai, Oh Israel phang, shejao ammi daipü jatthü touei ne-ienelemi yaktükpü ngelei daülangpü men kü ngei ha dükhen.