ISAIAH 48:1 - DAÜLANGPÜ LAIHING (BSI)

¹ Israel shei menpü Judah amphang kübü peipü Jakob am phang hapa bangtuh. Ammi Shembüpalei men kü vangeishuwnyüke, hatü Israel Kahvang kü khümnyüke, shejao shahhing hatü jiüpü kü nenyunyu.

ISAIAH 48:1 Referans Kwoze

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

MENVIH KESHO 68:26

Khongnyü thaihiyu kü Kahvang men longtuh; Israel lihilathüi Shembüpa kü menvih shuohtuh.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

ISAIAH 65:16

Üami hapa kahdokei moihiman yühen, shahhing Kahvangi ha moihimanhen; Üami hapa kahdokei vangeishuwhen, shahhing Kahvangei men kü mon vangeishuwhen. Mehenangkü peihdaipü shanghahthü bedaihen, hatü ngelei müksho kübü ha jodaihen.

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

KAHBHAO 32:28

Hahepak kü hapa shennyaki, “Nüng kü hajük kü Jakob shei nenyükhen shejao Israel shei nyükhen; mehenangkü nüngi Kahvang hatü hangku mü bhowei neütükteke” shei eteke.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

SHAKEI VAMPÜ 2:9

Am ponghahpü hatü am taopünangpü ngei nyingnyeih, shejao amü shemmei khih. Üami jom nyingi Jehoda am hih shei enya, shejao nevai, jomi yaüpülungpü ngei nyingnyeih, shejao jomphongü Satanei Sinagog nyüke.

1 TIMOTI 4:2

Hapa keipü nyuhpüvenpeyü nyiamshami ooktükpü akhümmong-üm shahshem mongdeih kübü vamnyüke.

ROM SHAHSHA APPÜ 9:8

Hapa lappeyü iy hi phai kübü hapeüthüyü Kahvangei hapeüthü nevai, shejao lahpü kübü vampü lihila kü mon Abrahamei hühihathü shei iehen.

ROM SHAHSHA APPÜ 9:6

Hapayü Kahvang shah aokpü nedangpü nevai. Mehenangkü Israel am peü hingshangpü Israel am nevai,

ROM SHAHSHA APPÜ 2:17

Shejao am nyingi Jehoda am shei nyükhahtü shahkungnyü kü mongnyangtü Kahvang mü shenteipü nangkü changmeijema,

JOHAN 4:24

Kahvangü laangha, hatü büpa kü khümpüthüi laangha kü, hatü shahhing kü khümhen vongbong.”

JOHAN 1:47

Mechem Jisui Nathanael ngoijapü eepa, “Meheyao shahshem neshiüpü hingshangpü Israel am hatouei nyüke” shei büpai büpa nang e.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

ISAIAH 62:8

Shembüpai laophülei lakdah-i, hatü büpalei laklu wong longpai, “Hajük kü ammei mop ammei vepathü kü neshuohpih, ammi nyiueinangei linghahpü yiüja hajük kü kung am kü neshuohpih.

ISAIAH 58:2

Mechem shangao daülangshemshepü düknyüpü jat keiha, hatü jomei Kahvangei shahkungthü neyakphongnyüpü keiha, nyihjeih jomi ngei yemnyüke, hatü ngelei lemthü nyinghünyüke; Jomi ngei kü shahhing shahphenpü nang phenyüke, hatü jomi Kahvang yopailei peihünyüke.

ISAIAH 45:23

Ngei laophü nyingi lahtepih, daülangshemshepü kü ngelei ju kübü shah hük nyokei neleihen mü daitepih: “Peüi lashüh-i shüngei khümhen, hatü jubenyeijaang peüi ngei lahhen.”

ISAIAH 44:5

Hük pheikü hük shei shennyakthüi, “Ngeiyü Shembüpalei” shei ehen, hatü jomi Israel nanglakthü mü omhen. Jom peüi jomei lak kü, “Ngeiyü Shembüpalei” shei nyanghen, hatü Israel amei men yahhen.

ISAIAH 26:13

Oh Shembüpa, hamei Kahvang, nüng mü lenei lebü shembüthüi ham kü vanglem lemteke, shejao nüngei men kü mon hami dhüm shuohnyeih.

KANDOK 5:16

Anyüha mü mon shahhing kü nyutuh; nüngei lihila chingshongha teleitük.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

MENVIH KESHO 63:11

Shejao ongpayü Shembüpa kü mongonghen; üami büpalei men kü lahnya mongonghen; mehenangkü shahshem epü juthü dohtükkemhen.

2 ONGPATHÜ 17:34

Shinnyih thahshi jomi jomei vanglem düknyüpeih. Jomi Shembüpa kü nekhümnyih, nevaijü Jakob, üpa kü Israel shei nyük, büpalei hapeüthü kü Shembüpai shuohpü shahkungnyüthü, hatü vanglemthü kü nemünyih.

SHAHKÜP 33:28

Hanangkü Jakobei hühihathü chingmei vangmei kü hahying, hatü yiü vampü kahdok kü vangsho nyieni yung shuoh-ei hüshemei nyuhen.

SHAHKÜP 10:20

Shembüpa, ammei Kahvang kü nyemtuh hatü büpa chongphotuh. Büpa kü wongshongi shongtuh hatü büpalei men vihtuh.

SHAHKÜP 5:28

Mechem amphongi ngei mü eteipa, Shembüpai ha danei ngei kü büpai ephüteke, “Nanglakthüi mehe nüng kü epa, ha ngei dantepih. Jomphongi epü lemphü meiangke.

BHEI-IE 24:7

Jom kü vang changshi keihen, jomei sheilivungla-i yung changshi danghen. Jomei ongpayü Agag mao longpüba nyuhen; jomei ongching longei anshihhen.

LEVI 19:12

Ammi shahshemi ammei Kahvang men tenei tevangteshuw. Ngeiyü Shembüpa.

MÜLANGPÜ 23:13

Ngei am kü epü lemphüli kenhingei bangtuh. Ammi lebü kahvang kü tephop; ammei ju kübü ha jung epü tedanhü.

KAHBHAO 35:10

Kahvangi büpa kü, “Nüngei menü Jakob nyuteke, shejao hajük kü Jakob shei nenyükhen, shejao Israel shei nyükhen” shei e. Hanangkü büpa kü Israel shei nyük.

ISAIAH 46:12

Ngei epü bangtuh, am mongdang vaanpüthü, am daülangshemshepü kübü taishi yandaipüthü.

ISAIAH 64:6

Ham peüi mang thahteke, hatü hamei daülangpü douthü kemei ashakten kei leidai; Ham peü phenlak lei kaudai, hatü vanglüki keiha hamei mangi ham maoei lüdai.

JEREMIAH 44:26

Shejao Ijiplei nyupü Jehoda am, Shembüpalei shah bangtuh: Ijiplei nyupü Israel nanglakthüi hajük kü jomei ju kübü vamei, ‘Vanyangyem Shembüpa ‘shei ne-epih shei ngei, ngelei longpü men kü vangei enyeih shei Shembüpai enyüke.

ZEKHARIAH 5:3

Hahepak kü büpai ngei kü e, “Kahdoknyü peü philei daihen thaüvaü hapa kü nyangei nyüke: Hük philei epeyü gühpa peü changtükhen, hatü hükpa lemei epeyü shahshem denbüthü peü changtükhen” shei enyüke.

2 ONGPATHÜ 5:20

Kahvang shennyak Elishalei chongphobü Gehazi-i, “Ngelei shembüi hapa Aram am Naamani koei peipü meheyao neyah-i ahshiüng yaüshole kü deishihtükteke. Vanyangyem Shembüpalei men kü ngei büpa phei mokei daiyei büpa leipü lemhük yahhen” shei deih.

MENVIH KESHO 68:27

Halei maanpü jat Benjamin ami mütü nyüke, halei Judah am ongthü khong, hatü halei Zebulun, hatü Naphtali ongthü khong nyüke.

ISAIAH 51:1

Ngei epü bangtuh, amphong daülangshemshepü kü chongphopüthü, hatü Shembüpa yempüthü. Amphong meleipü bhaokei yahpa, hapa yaongnyü kü veituh, am meleipü lokei ngaipa hapa yaongdung kü veituh.

ISAIAH 51:2

Ampa Abraham hi am bühpü Sarah nyi kü veituh; Ngei mechem büpa kü nyükpa, büpa hapeü nenyuham, shejao ngei büpa kü moihiman, hatü hühiha longi dahüpeih.

MIKA 2:7

Israel nanglakthü-ü thaüvaü phangkü nyüpeih shei nüngi deihnyu je? Shembüpai büpa nenteiaokpü mahtükpü je? Hingmei büpai henüng douthü düknyu je? Üami jiüpü düknya, hathü kü Shembüpai mei nedüknyu je?