ISAIAH 47:6 - DAÜLANGPÜ LAIHING (BSI)

⁶ Ngei ngelei nanglakthü kü mongshih-ei nyupeih; Ngelei mükjüpao nevaipükei ngei jom yakphongpeih; Ngei ammei lak kü jom shuohpeih, shejao amphongi jom kü phahji nehu; Viünyü viüpa kao ammi hanggovih kohüpeih.

ISAIAH 47:6 Referans Kwoze

ZEKHARIAH 1:15

Shejao ngei nyüshulüki nyupü jatthü kü ahshi-üng mongshihnyüke. Mechem ngei maani mon mongshih-ei nyupa, jomi hanghi nyeinya nemeipüba vamhüpeih.”

2 SHÜPPÜKENGPÜ 28:9

Shejao Shembüpalei thibü hük meni, Oded shei nyu, hatü büpai Samarialei leijapü veshanthü mü pongteinüng heih-ei büpai jomphong kü, “Shembüpa, ambü ampalei Kahvangi Judah kü mongshihpü nangkü büpai jom ammei lak kü shuohpeih, shejao ammi nemei-i hokei jüpai vangsho thahteke.

SHAHKÜP 28:50

Jomi longi mangshi, behe kü dhüm neshuoh, hashih kü nephahji-i nyukahen.

OBADIAH 1:10

Anaü Jakob khüei hokpü nangkü, am veüi jümhühen; am denshing mahtükhen.

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

MENVIH KESHO 69:26

Mehenangkü nüngi bheishuohpüthü kü jomi shüveinyüke, nüngi ma yahhüpüthü kü jomi nemei-i düknyüke.

OBADIAH 1:16

Ngelei daülangpü Kahshangei, ngelei nanglakthüi shahyakpü yung yingteke. Shejao hapa mü nyeinya shahpü yungshong ngeihpü shonpü jatthüi yinghen hatü nyadaihen.

ISAIAH 14:17

Kahdoknyü kemei bhih kahdok leitükpü, chingnyüthü mangtükkempü, khoklat leipü shennyakthü shemei neleishihpeyü hapa je” shei deihhen.

ISAIAH 10:6

Kahvang nenyingpü jat hük khüei ngei büpa shomnyeih, ngei mongshihpü nanglak khüei jomei mophimo aetei leihen, hatü chingshong leipü nyaühut kü kei nyeütükhen ngei büpa shomnyeih.

MATHI 7:2

Nüngi mih-ei shahphenpü ha yah-ei nüng kao shahphenhen, nüngi mih kü dakpü shongdak lakshingi nüng kao dakhen, nevaijü nüngi mih kü shetpü lüng aihüki nüng kao shethen.

EZEKIEL 28:16

Mechem bhei leih-ei mop longi bongpüshang, jüteishangteipai maei mang thahpeih. Hanangkü nüngü nedaüpü dou keiha Kahvangei kahshang leipü yaktükpeih, hatü nyangnyangpü yaong kübü cherub phongshani nüng changtükpeih.

EZEKIEL 24:21

‘Shembüpa Kahvangi Israel am phang changmeihen wong dangpü, ammei mük kü meipü, ammei mongi lümpü phopshem ngei sheihtükhen hatü ammi tuhphongpü hapeüthü yani mahhen.

YOUNG LAI 2:2

Shembüpai phahji neshiüi Jakob nyushingao mangtük; Büpa mongshihpai Judah nelalei penyüsha-ao bentük. Büpai ongching hatü halei vanglem lempüthü dhüm neshiüi chongei vütük.

ISAIAH 43:28

Hanangkü ngei phopshem leipü pameithü veühüpeih; Jakob chemjalak kü mangtükhen, hatü Israel am mih-i shahlong ehahhen hanpeih.

ISAIAH 13:16

Jomei müki eeshi jomei naüthü khih mü nihtükhen, jomei shemdouthü kemei paangei shetlanghen, jomei nyühathü shüei yahlanghen.

2 SAMUEL 24:14

Davidi Gad kü, “Ngei mongshang longpü kü nyüpeih. Hangkulei lak kü dolei meyü Shembüpalei lak kü doshah; mehenangkü büpalei phahji yahyangü longshi nyüpeih” shei e.

ISAIAH 14:6

mehenangkü büpa mongshihpai nedoh-i nanglakthü kü bheiteke, hatü mongshihpai jatthü kü nephahji-i shüveiyei vanglem lemteke.

JEREMIAH 50:42

Jomphongü pülah hatü phung notü, jomü phahji neshiü longi mangshi nyüke. Jom koyei kü uopeyü yungching yungmok ngeü keiha nyüke; Jomü am hahhen shingvaishi thepju kü peikünyüke, Oh Babylon nela.

YOUNG LAI 1:14

Büpai ngelei mangthü nyingei pang hük kü shaphong; büpalei laki hathü kü ngei nyenphong. Büpai hathü ngelei üng kü yükphong; hapa vihpai ngei wong kemdai. Shembüpai ngei vepathü kü shuohtük; ngei jom khüei neyaongaok.

YOUNG LAI 1:21

Nyiushemmei neshiüi ngei theppü jomi danteke. Ngelei vepathüi ngei shanghahpü danteke; Nüngi ngei kü ha dükpü nangkü jom mongongnyüke. Ngei ponghahpükei ngelei vepathüi ponghahhen, nüngi lahpü nyih koei peikei.

YOUNG LAI 5:12

Hamei longhiongthü kemei bakla kü bheantükkemnyüke; pahijeithü kü dhüm neshuohnyu.

2 SHÜPPÜKENGPÜ 10:11

Opai am kü hanggovih kohüteke, ngei ha kü shao ühen. Opai am kü hanbhi-i bheiteke, shejao ngei am kü yiüjikaungkangi japhüei anghen shei etuh” shei eteke.

2 SHÜPPÜKENGPÜ 36:17

Hanangkü büpai jom khüei Babylon ongpa vamhü, hatü büpai jomei daülangpü shemei thehila yani mahhü; hatü büpai nephahji-i thehila, viüdaipüthü nevaijü nekam neyaongaokpüthü peü büpalei lak kü shuoh.

2 SHÜPPÜKENGPÜ 36:20

Yani mahtü aopüthü peü büpai Babylon wüpküpei shetei dai, hatü Persia ongching mangvam thahshi jomü büpa hatü chehathülei chongphopüthü vaiteke.

EZRA 5:12

Shejao hamei bühipathüi vangsho Kahvang mongshihhüpü nangkü büpai hathü Babylon am Nebukadnezzar kü shuohtükpeih; büpai hapa phopshem mangtüktü nanglakthü Babylon wüpküpei deilangpeih.

YOUNG LAI 4:16

Shembüpai-üng jom yantük, büpai jom kü hajük kü neveihen, Ngongpathü kü dhüm nehuhen, mübüthü kü phahji nehuhen.

ZEKHARIAH 1:12

Hahepak kü Shembüpalei phongshani, “Oh Jeiyong Shembüpa, nüngi Jerusalem hatü Judah chingnyüthü kü bong pejempüan thahshi mongshihteke, shejema hepak meshük lushi nüngi jom shing phahji shonglanghenang?” shei eteke.