ISAIAH 47:11 - DAÜLANGPÜ LAIHING (BSI)

¹¹ Amphongei thihivam doui nekatiaokhen mü vongshüh peikahen. Amphongi nekeütükaokhen mü shanghah peikahen, Amphongi nenyingpü kü ngangahük kü lomoh aühaü peikahen.

ISAIAH 47:11 Referans Kwoze

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

SHAKEI VAMPÜ 3:3

Ammi mehe yah hatü dan, ha deih-ei dangtuh; hapa ven bangtuh hatü mong leptuh. Am shipü kübü nepaojema, ngei gühpa hük keiha peikahen, hatü ngei mepa hepak kü peikahen ammi nenyinghen.

LUK SHAHSHA APPÜ 12:59

Ngei nüng kü enyeih, nüngei mopnyü mopha kemei bomei mangshuoh thahshi nüng halei küpshi nyuhen.

MENVIH KESHO 50:22

Ha deihtuh, am Kahvang betükpüthü, hei nevaijema üpaiyao yanghen neshiüi ngei khihmü shaaktükhen.

NEHEMIAH 4:11

Hamei vepathüi, “Jomi jen nyingshekü hatü eeshekü jom touei jen peiyei jom jühen hatü dou nedüki tuhtükhen” shei eteke.

MATHI 18:34

Hanangkü shembüi mongshih-ei hang kemei mangshem thahshi shüveiyei anghen lanei shuoh.

ISAIAH 37:36

Hapheikü Shembüpalei vangsho phongshan vamei Assyria amei baümtap leipü veshan 1, 85, 000 jüteke; mechem vangngai meipa, peü didaitü nyuteke.

LUK SHAHSHA APPÜ 17:27

Noah jahas mongei mangshü thahshi hatü yungnyübüng peiyei jom peü mangmah thahshi jom hah-ei yingei yiükyah lashomei nyuteke.”

MENVIH KESHO 35:8

Nedeih-i nyushingkü jom kü ngangahük kü mahpü peihütuh. Jomi haenpü tai kü jom manhütuh; hatü kahsha kü demhütuh.

MENVIH KESHO 55:15

Jom kü dipü peihütuh; jom yemmü Sheolei nyemshü; mehenangkü jomei shem hatü mongei ten nyüke.

MENVIH KESHO 73:19

Kansho hük mongkü jom mekei mahdainya; nyempai jom chemjalak kü maolangnya!

KANDOK 13:21

Mangthü kü shanghah vongshüh-i changnyüpeih, shejao daülangpüthüi moihiman thintho dangnyüpeih.

ISAIAH 13:6

Theptuh, mehenangkü Shembüpalei nyih yopailei nyüke; hapayü Shembüpai mahpüchahpü koei peipü nyih vaihen.

ISAIAH 29:5

Shejao nüngei vepathü longi nyujao bhihla keiha leidaihen, hatü hahbhang kei pilanghen. Ngangahük kü nedeihpü hepak kü,

ISAIAH 30:13

hapa mangü am shingvaishi longi shaopü bham bhaokei ngangahük kü laampükei nyukahen.

ISAIAH 45:7

Ngei vangnyak hatü vangngai nyiphen lingnyüpeih; Ngei shanghah hatü moihiman nyiphen shuohnyüpeih; Ngei, Shembüpai hathü dou peü düknyüpeih.

ISAIAH 47:9

Shejao shaang-üng nyihcha mong aa kü hapa dou nyiphen vamkahen; Amphongi thihivam kü pheyeiyuei phongyomjao hathü nekomi peikahen.

ISAIAH 48:8

Ammi chemao mangdan, nevaijü mangnying, shelei mebü ammei dhaong kü ha neshü. Am meshük lueilemnya, ha ngei meishi nyingei nyüpeih; Hanangkü am keyü bühhinüng khüei yaongpüam shei nyüknyeih.

ISAIAH 57:1

Daülangpüthü mahjü üpaiyao mong kü nyah-ei nedeihnyu; hinglempüthü dijü üpaiyao ha nenyingnyu. Mehenangkü daülangpüthüyü shanghah vongshüh kübü yanglangnyüke,

JEREMIAH 51:8

Babylon lomi dohen hatü khih mü nihdaihen. Pinnyü deih-ei mahng theptuh! Pinnyü tüngpü kü meli shihtuh; Üpai nying, pinnyü meihenao aokpeih.

JEREMIAH 51:29

Üpayao halei nenyuhen shingvaishi Babylon kahdok lavüngtoiyei tuhhen shei Shembüpai tempü küpjan eeyei kahdok kheünyüke hatü jennyüke.

JEREMIAH 51:43

Pinnyülei kahdokü üpaiyao nenyupü, üpayao yendai ouham nelongteipü lavüngtoipü kahvan bhih kahdok leitükhen.

YOUNG LAI 1:21

Nyiushemmei neshiüi ngei theppü jomi danteke. Ngelei vepathüi ngei shanghahpü danteke; Nüngi ngei kü ha dükpü nangkü jom mongongnyüke. Ngei ponghahpükei ngelei vepathüi ponghahhen, nüngi lahpü nyih koei peikei.

EZEKIEL 7:26

Shanghah pheikü shanghah peihen, shahjang ten pheikü shahjang ten danhen. Jomi thibü leipü manghkhang naei yemhen, ngongpa leipü shahkung nyuhpüvenpü mahdaihen, hatü behethü leipü shahnying venpü nedanghen.