ISAIAH 47:10 - DAÜLANGPÜ LAIHING (BSI)

¹⁰ Ammei mang kü ammi mong yangei deihnyüke, hatü, “Üpaiyao ham ne-eeaokpih” shei deihnyüke. Ammei kihikon hatü nyingpühingpai am lemnyong kü mülang, hatü ammi ammei mongei, “Ham mon, ham mü lenei lebü neshiü” shei ehahnyüke.

ISAIAH 47:10 Referans Kwoze

ISAIAH 5:21

Laophü nyingi nahnyüpeih, hatü kon kohnyüpeih shei deihpüthü onyükei!

ISAIAH 29:15

Am üami Shembüpa kü ammei küpjan chüloh-i jonya, hatü ammei dou vangnyakei jonya, hatü, “Üpai ham eehen? Üpai ham nyinghen?” shei epüthü onyükei!

ROM SHAHSHA APPÜ 1:22

Nahpülangpü am shei ehahnyüke, shejao jomü ngapathü leidaiteke;

MENVIH KESHO 52:7

“Kahvang kü neloipü shennyak, shejao mop kü monglempü, hatü hapa kü loipü shennyak kü veituh!” shei ehen.

EZEKIEL 8:12

Hahepak kü büpai ngei kü, “Shennyak ha, Israel am behethüi vangnyak kü laophü laophülei lajei tuhpü vaümchongei mehe düknya ha nüngi eela? shei e. Shembüpai jen ne-eenyih; Shembüpai hapa kahdok betüktih” shei jomi enyüke.

ISAIAH 59:4

Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.

1 KORINT 3:19

Mehenangkü hapa kahdoknyü kihikonü Kahvang touei ngadou nyüke. Mehenangkü ha nyangei nyüke: “Büpai nahpüthü jomei glüp mü yeplangnyeih,”

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.

JEREMIAH 23:24

Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

CHONGVENBÜ 8:8

Hangku üpa kao laophülei laangha shoungei tuhhen ngan neshiü; Nevaijü üpa kao laophü dihen nyih kübü yangaokhen wong neshiü. Hapayü üpaiyao nekeüaokpü vehok hük, nevaijü mangi hapa dükpüthü neyangaokpih.

MENVIH KESHO 64:5

Jomei mükhong ten kü wongmü shongshi nyunyüke. “Üpai eehen?” shei deihshi tai haenei tuhhen eteinyüke.

ISAIAH 28:15

“Hami dipü mü vangpüshuwpü lingtepih, mahngchong mü shah shettepih shei changmeinyüke. Shanghah vongshüh dhaümshing kü ham neponghahpih; mehenangkü shahshemü hamei loishing, hatü peileipeyü ham joshing shei deihnyüke.”

MENVIH KESHO 10:11

Büpai laophü nyingi, “Kahvangi ha betüktih; büpai laophülei dhe jümlangtü sheyü ne-eenyih” shei enyüke.

ISAIAH 47:8

Hanangkü shaang ha bangtuh, am mongongmongle bampüthü; lakbowlayangei uotü mongei, “Ngei mon, hatü ngei mü lenei lebü üpayao neshiü. Ngei mechemao vaümnyü leiyei, nevaijü hühiha lomohdaipeih” shei nenyupih shei enyüke.

JEREMIAH 9:23

Shembüpai hapakei enyüke: Kon kohpüthüi laophülei kon kü techangmeihü, wong kohpüthüi laophülei wong kü mongtelemhü, shemmeithüi laophülei mop kü techangmeihü;

DANIEL 4:27

Hanangkü, Oh Ongpa, nüngi ngei epü yahtuh. Mang dou dükpü dohtuh, jiüpü düktuh, hatü nehahneyingpü taopathü kü yahyang shinshang hutuh. Shejüang nüng nedoh-i angeideiyei nyuhen.”

ZEPHANIAH 2:15

Hapayü monghamshi nenyemnehani nyupü chingnyü, jomei wong kü monglemei hapakei e, “Ham mon, üamao ham kei neshiü.” Mehekei shaangü yemhimak paümshing chingkow leidaipa? Ham kü peihpüleipü peüi shiinyüke, hatü ngaüm dhinyüke.