ISAIAH 46:3 - DAÜLANGPÜ LAIHING (BSI)

³ Ngei epü bangtuh, Oh Jakob phang, hatü Israel am phang aopüthü. Am wom mongei nyushi mebü, hatü bühhinüng ngei am poh-ei jungei angpeih.

ISAIAH 46:3 Referans Kwoze

SHAHKÜP 1:31

Büpai laophülei hapeü müpü keiha Shembüpa, ammei Kahvangi lemyang kemei kü hapa shing thahshi müteke.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

MENVIH KESHO 71:6

Bühhinüng ngei nüng kü nyaangshi nyupeih; Onyülei vom mongeipü ngaipeyü nüng hih. Ngei düngei nüng kü vihhen.

ISAIAH 51:1

Ngei epü bangtuh, amphong daülangshemshepü kü chongphopüthü, hatü Shembüpa yempüthü. Amphong meleipü bhaokei yahpa, hapa yaongnyü kü veituh, am meleipü lokei ngaipa hapa yaongdung kü veituh.

ISAIAH 48:1

Israel shei menpü Judah amphang kübü peipü Jakob am phang hapa bangtuh. Ammi Shembüpalei men kü vangeishuwnyüke, hatü Israel Kahvang kü khümnyüke, shejao shahhing hatü jiüpü kü nenyunyu.

ISAIAH 10:22

Israel nanglakthü yungching bhihhiphang kei nyulangmao jom aopüthü mon nyokei leihen. Mahhenü hingmei mü khuodaipü; mehenangkü hayü shangpeih.

ISAIAH 1:9

Shembüpai jen hanei dangkao yangei netuhlangmeyü, jenü Sodom hatü Gomorrah am kei nyuhah shepeih.

MÜLANGPÜ 19:4

‘Ngei Ijip am kü mehe dükshuohpa ha ammi eeteke, hatü alangi cheha yang kü haütü piyei deipükei ngei am hatoumü ngei nyushingei müei leipeih.

ISAIAH 46:12

Ngei epü bangtuh, am mongdang vaanpüthü, am daülangshemshepü kübü taishi yandaipüthü.

ISAIAH 44:21

Hathü deih-ei dangtuh, Oh Jakob, amphongü ngelei chongphobüthü, Oh Israel. Ngei amphong lingpeih; amphongü ngelei chongphobüthü; Oh Israel, ngei amphong nebetükpih.

ISAIAH 37:4

Assyria ongpai büpalei veshan mübü shomei vanyangyem Kahvang kü eelapü büpai danei nyüke; Shembüpa, nüngei Kahvangi ha shahthü danei hanghi nyemshuoh. Hanangkü shaang yangei aoei nyupüthü shingvaishi phoptuh” shei e.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

MENVIH KESHO 28:9

Oh nüngei nanglak yangtuh, hatü nüngei mükjüp moihimantuh. Nüng jomei mi yombü vaituh, hatü düngei jungeilangei angtuh.

ISAIAH 4:3

Zionlei tuhpüthü, Jerusalemei aoei yemmü men nyangei nyupüthü peü kü daülangpü shei nyükhen.

ISAIAH 10:20

Nyih hük Israel am aopüthü hatü Jakob am phang yangei nyupüthüi jom mahtükpüthü kü mong nenyanghen, shejao hingmei mü Shembüpa, Israel amei Daülangpü Hük kü mongnyanghen.

ISAIAH 10:21

Jakob phang aopüthü Jeiyong Kahvang touei nyokei leihen.