ISAIAH 45:9 - DAÜLANGPÜ LAIHING (BSI)

⁹ Laophülei Lingbü mü, hatü haümdüki dük shükbü mü depeyü onyükei! “Nüngi mehe lingnya?” shei ashemi dük shükbü kü eaokhen je? Nevaijü haümdüki dük shükbü kü nüngei lakdou nemeiang shei eaokhen je?

ISAIAH 45:9 Referans Kwoze

ISAIAH 64:8

Shejao Oh Shembüpa, nüngü hamei Pa; hamü haüm kahdok, nüngü dük shükbü; ham peü nüngei laki lingpü nüngei lakdouthü.

JEREMIAH 18:6

“Oh Israel phang, hapa dük shükbüi dükpükei ngei nüng kü nedükaokhen je?” shei Shembüpai enyüke. Dük shükbülei lakei ashem nyupü keiha, ammao ngelei lakei nyüpeih, Oh Israel am phang.

ISAIAH 29:16

Ammi douthü kemei shakhimong leitüknyüke! Dük shükbü kü haüm kahdok kü kei noteihen je? Lingpü doui lingbü kü, “Nüngi ngei nelingangpih” shei eaokhen je? Nevaijü dük hüki dük shükbü kü, “Nüngi meheyao nenyingnyu” shei eaokhen je?

ISAIAH 10:15

Ay-i shennyak meyü ngei longpeih shei eaokhen je? nevaijü püvet longkhoih-i shennyak meyü ngei-üng shongnyü shei eaokhen je? Nyiamlüngi hapa noteipü shennyak noei ne-annyih, nevaijü lenshuoh-i hapa noteipü shennyak noei ne-annyih.

KANDOK 21:30

Shembüpa khüei neüaokhen mü kihikon, yao-aokpü, hatü küpjan meleiyao neshiü.

JEREMIAH 50:24

Ngei nüng shing tai hük haenei tuhpeih, Oh Babylon, hatü nüngi ha mangnying shekü ha kü manteke. Nüngi Shembüpa khüei yaongpü nangkü, nüngü hapa kü manteke.

1 KORINT 10:22

Shembüpai mük nyemhühpha shei jeni deihnyu je? Jenü büpa mü wong kohpüba je?

JOB SHAHSHA APPÜ 9:12

Büpai aetlangjü üpai büpa kü bangaokhen? “Nüngi mehe düknya” shei üpai pheaokhen?

JOB SHAHSHA APPÜ 33:13

Mehekei nüngi büpa mü dokteiyei, “Büpai ngelei shah hükao nelah shei enya?

JOB SHAHSHA APPÜ 40:2

“Jeiyong Kahvang kü nüngi chengteke. Kahvang mü shah dakteipü shennyak nüngi jangtuh.”

CHONGVENBÜ 6:10

Mehe mehe nyüpa, hathü kemei men menei nyüke; Shaang mehe hangkuli-i düknya, ha peü nyingdaiphei; Shennyak hüki laophü mü nyeishi wong kohpü shennyak mü nedenyih shei jeni nying.

ISAIAH 45:10

Üpai laophülei pa kü, “Nüngi mehe li tuhpa?” nevaijü laophülei nyü kü, “Nüngi mehe bühpa?” shei enya, onyükei!

JEREMIAH 36:29

Shao ongpa Jehoiakim kü Shembüpai hapakei enyüke shei etuh: Nüngi hapa laidü jaktüktü, “Mehekei nüngi Babylon ong peiyei hapa kahdok mangtüktü haleipü nyüha baha hatü yemhimak kemei jütükhen shei nyangpa?” shei eteke.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

JOB SHAHSHA APPÜ 9:4

Büpayü longi nahshi hatü wong kohshi, üpai büpa khüei yaongaokhen hatü neüaokhen?

JOB SHAHSHA APPÜ 10:9

Nüngi ngei ashemi lingpeih shei deih-ei dangtuh, shaang nüngi ngei bhihla leitükhen je?

ISAIAH 64:7

Nüngei men kü üpaiyao nenyük, nevaijü nüng kü neshong; Mehenangkü nüngei dhe ham toueipü jolang, hatü hamei mang tata kü ham yakphongteke.