ISAIAH 45:12 - DAÜLANGPÜ LAIHING (BSI)

¹² Kahdoknyü hatü halei nyupü hangku ngei lingpeih. Ngelei laki mon vangshothü paanei deishihpeih; hatü haleipü lithathü peü ngelei lakmongei tuhnyüpeih.

ISAIAH 45:12 Referans Kwoze

JEREMIAH 27:5

Ngelei ngan longpai hatü ngelei laklu wong longpai ngei kahdoknyü hatü halei nyupü hangku hatü yemhimakthü lingpeih, hatü ngei monghahpü shennyakthü kü shuohpeih.

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

KAHBHAO 2:1

Hapa keiha vangshothü hatü kahdoknyü hatü halei nyupüthü lingei tem.

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

ISAIAH 45:18

Shembüpai hapakei enyüke: Üpai vangshothü lingpa, büpayü Kahvang; Büpa, üpai kahdoknyü shükpa, hatü lingpa, büpai ha lingpeih; Büpai hapayü kong mü tuhhen nelingangpih, shejao halei hangkuli nyuhen nangkü lingpeih. “Ngeiyü Shembüpa, lebü Kahvang neshiü” shei büpai enyüke.

HEBREW 11:3

Kahdoknyü-ü Kahvangei shah-i lingpeih shei hinglempai jeni nyingnyüke. Hanangkü mehe jeni ee, hayü ne-eepü douthü kübü lingteke.

ISAIAH 40:28

Shembüpayü nedohnetenpü Kahvang, kahdok dohpü junghijang peü Lingbü shei ammi nenyingpü je hatü nedanangpü je?

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

ISAIAH 40:22

Büpai kahdoknyü toilangpü shangkü ong uoshing kü uoshi nyüke, hatü haleipü shennyakthüyü shoukha melaü kei nyüke. Ashak paanpü keiha büpai vangshothü paanhüpeih, hatü nyuhen shingvaishi ashakshem paanei vepü keiha büpai hathü paanhüpeih.

ISAIAH 40:12

Üpai laophülei lakei yungching notü shet-aoknya? nevaijü laophülei lakkhami vangshothü shetaoknya? Üpai mühdow kü shihtü kahdoknyü noei aoknya? nevaijü kahshang hatü shangtaothü dok kü shihtü dokaoknya?

MENVIH KESHO 102:25

Hepak longi daiteke, nüngi kahdoknyü chongnyiam lingteke, hatü vangshothüyü nüngei lakdou.

SHAHKÜP 4:32

Amphong mangbüh shekü peihdaipü nyihthü kü yemhümao, Kahvangi kahdoknyü kü hangkuli lingpü nyih kübü hapakei longpü lemhükao vamla nevaijü hapa keipü lemhük dangkao danla? Vangsho jung hük kübü jung hük dohpü thahshi yemei veihümao.

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

JOB SHAHSHA APPÜ 37:18

Büpai kei nyiam kei vaanshi nüngi vangshangthü paanei deishih aoküla?

MENVIH KESHO 104:2

Ashak ümpü keiha vangngai-i jümshi nyüke. Nüngi ashakshem paanpü keiha vangshothü paanei deishih;

ISAIAH 37:16

“Oh Jeiyong Shembüpa, Israel Kahvang, cherubim nyi aa kü hon uoshing kü uopüba, nüng monha kahdoknyü ongchingthü peü shak kü Kahvang. Nüngi kahdoknyü hatü vangsho lingpeih.

ISAIAH 48:13

Ngelei laki kahdoknyü chongnyiam yaong sheipeih, ngelei lakdah-i vangshothü paanei deishihpeih; Mechem ngei hathü kü nyükhen, jom peü chemi yaongnyüpeih.

ISAIAH 51:13

Amü am Lingbü Shembüpa, vangshothü paanei deishihpü, kahdoknyü chongnyiam yaong haübü betükteke. Amü am kü shüveipüthülei mongshih eeyei, am mahtükhen khih shei nyihjeih nyempü vüngpai maei nyunyüke. Shejao am kü shüveipüthülei mongshih melei nyüpa?

ISAIAH 40:26

Vangsho philei ngangei veituh: Üpai hathü lingpa? Büpai lithathü hük hük ieyei kü men menei nyüke. Büpalei ngan hatü wong longpü homei hathü hükao nemahtüki nyüke.