ISAIAH 44:9 - DAÜLANGPÜ LAIHING (BSI)

⁹ Üami lajeithü lingnya, jomü yahlak neshiü, hatü jomi monghahpü kahvangthü nanglei neshiü. Üami hapa kahvang kü khümnya, jomphongü mükphüngpa hatü ngapathü hatü jomphong veü danghen.

ISAIAH 44:9 Referans Kwoze

ISAIAH 41:24

Shejao amphongü kong, ammei douthü yahlak neshiü; amphong kü khümpüthüao jiühitnalaipüthü khih.

ISAIAH 41:29

Hathü kahvangthü peü yahlak neshiü; jomei douthüao kong, jomei lajeithü wong neshiü hatü kong khih.

MENVIH KESHO 97:7

Yaongnaüyathü kü khümpüthü peü, hatü yahlak neshiüpü lajeithü kü khümpüthü peü veühühen; kahvangthü peü büpa kü aümei khümtuh.

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

ROM SHAHSHA APPÜ 1:22

Nahpülangpü am shei ehahnyüke, shejao jomü ngapathü leidaiteke;

DANIEL 11:38

Ha nang jeiyei büpai penyüsha yompü kahvang kü dhüm shuohhen; chebü chepai nenyingpü kahvang kü hon hi ngin, douvang yaongthü hatü thinthothü noshi khümhen.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

JEREMIAH 14:22

Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.

JEREMIAH 2:11

Kahvang nevaijao üam jatiyao laophülei kahvang jeipü eela? Shejao ngelei nanglakthüi yahlak neshiüpü lajei kü ngelei müknyinshekhang jeiteitükteke.

ISAIAH 45:20

Am thaituh hatü chemi peikei, jatthü kübü yangei aopü nanglakthü! Püi lingpü lajei hatü yanghen neaokpü kahvangthü kü phoppüthüi ha nenyingnyu!

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

ISAIAH 44:18

Hapa keipü shennyakthüi hapa nenyingnyu, nevaijü nedannyu; jomei mük phüngdaipü nangkü jomi ha ne-eenyu, hatü jomei mongdang küplangpü nangkü jomi ha nedanaoknyu.

ISAIAH 43:8

Nanglakthü üam mük nyu, shejao mük phüngdai, üam kü dhaong nyu, shejao aangdai hathü leituh.

ISAIAH 42:18

Bangtuh, aangdaipü nanglakthü, Veituh, mükphüngpüthü!

MENVIH KESHO 135:18

Üami ha ling, hatü ha kü hinglem, hathü kei nyüke.

MENVIH KESHO 115:8

Hathü lingpüthüao hathü kei, hatü hathü kü khümpüthü peü jom kei nyüke.

EPHESIA 4:18

Jomei danaokpü kon shangmang leidai, jom nelinehapü hatü mongdang vaanpü homei Kahvangi shuohpü yangnyu kübü yandaiteke.

SHAHPHENBÜTHÜ 10:14

Daiyei ammi jehahpü kahvangthü kü nyükeishuoh; am ponghahpü nyih jomi am nyemyangpha” shei e.

SHAHKÜP 27:15

Üpai shennyakei laki yaong hi pü yah-ei Shembüpai jiühitpü yaongnaüya lingei joei ha kü khümnya, hapa shennyak kü thaüvaü hettuh. Hahepak kü nanglak peüi, “Amen” shei ehen.

2 ONGPATHÜ 19:18

hatü jomei kahvangthü shennyakei laki pü hi yaong yah-ei lingpü vaijao kemei aw kü jaktük hatü mangtükteke.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

ISAIAH 42:17

Shejao üami lajeithü kü hinglemnya, hatü üami hathü kü, “Nüngü hamei kahvang” shei enya, veü ponghen.

ISAIAH 43:9

Jatthü peü chemi thaituh, hatü shennyakthü peü chemi thaituh. Jomei kahvangthü mepai ngoikahen nang tetei epa? Peihdaipü douthü üpai yeihshi tetei epa? Jom dah shakhen shingvaishi jomei denbüthü müei deikei, hatü jomphongi bangtü, “Hapayü jiüteke” shei nyem-e.

ISAIAH 44:11

Veituh, hapa kü khümpüthü peü veü danghen; lajei lingpüthüyü shennyak khih. Jom peü thaitü shahphen shingei nyemyaong; jom peü nyemhühen; jom peü veü danghühen.

ISAIAH 45:16

Lajei lingpüthü peü veü ponghen, hatü mongmanghen; jom chemi mongmangei daihen.

ISAIAH 65:13

Hanangkü Shembüpa Kahvangi hapakei enyüke: Ngelei chongphobüthüi hahhen, shejao amphong aeiyei nyuhen; Ngelei chongphobüthüi yinghen, shejao am yung leyei nyuhen; Ngelei chongphobüthüi mongonghen, shejao am veühühen;

SHAHKÜP 4:28

Halei amphong daiyei shennyaki lingpü yaong hi pü kahvang, neeeaokpü, nedanaokpü, nehah-aokpü kahvangthü kü khümhen.

MENVIH KESHO 115:4

Jomei kahvangü hon hi ngin, shennyakei laki lingpü mon.

ISAIAH 57:12

Am daülangshemshepü hatü ammei douthü ngei shakei vamhühen, hatü hapai am kü nanglei neshuohhen.

JEREMIAH 2:26

Gühpai güh yephahjü veüpü keiha, Israel amao jomei ongthü, lakchongbüthü, jomei ngongpa hatü thibüthü peü veühen.