ISAIAH 44:8 - DAÜLANGPÜ LAIHING (BSI)

⁸ Amphong tenyem nevaijü tehan, Ngei shelei mebü-üng ha am kü ne-eangpü je? Amphongü ngelei denbüthü, Ngei mü lenei lebü Kahvang nyüpü je? Lebü Yaong neshiü; ngei hükao nyingei neshiüpih.”

ISAIAH 44:8 Referans Kwoze

ISAIAH 43:10

Amü ngelei denbüthü, ammi ngei nyinghen, hatü hinglemhen, hatü ngeiyü Kahvang shei nyinghen shingvaishi ngeijepü ngelei chongphobüthü shei Shembüpai enyüke. Ngei mü lenei üpa kahvangao nenyuham, nevaijü ngei mü üpa kahvangao nechongkahen.

1 SAMUEL 2:2

Shembüpa keiha daülangpü üpayao neshiü; nüng mü lenpü üpayao neshiü; Jenei Kahvang kei Yaong üpayao neshiü.

SHAHKÜP 4:35

Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

SHAHKÜP 4:39

Kahdok hatü vangsho kü Shembüpayü Kahvang; büpa kei lebü neshiü shei shinnyih ammei mongkü nebetüki tuhtuh, hatü nyingtuh.

JOHAN 10:30

Opa hatü ngeiyü hük.

JOHAN 1:1

Chongpangpülei Shah nyu, hatü Shah Kahvang mü nyu, hatü Shah-ü Kahvang nyuteke.

JOEL 2:27

Hahepak kü ammi ngeiyü Israelei nyüke; Ngeiyü Shembüpa, ammei Kahvang, hatü lebü üpayao neshiü shei nyinghen. Ngelei nanglakthü ne-yei hapakei veü neponghüpih.

ISAIAH 44:6

Israel amei Ongpa, hatü Yemleibü, Jeiyong Shembüpai hapakei enyüke: “Ngeiyü chongpangpü hatü dohpü; Ngei mü lenei lebü Kahvang neshiüpih.

MENVIH KESHO 18:31

Shembüpa mü nyeiyei Kahvang üpa nyüpa? Jenei Kahvang mü lenei üpa yaongnyü nyüpa?

2 SAMUEL 22:32

Shembüpa mü lenei Kahvang üpa nyüpa? Jenei Kahvang mü lenei Yaongnyü üpa nyüpa?

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

ISAIAH 46:9

Peihdaipü douthü deihhümao; Mehenangkü ngeiyü Kahvang, hatü lebü neshiü; Ngeiyü Kahvang, hatü ngei keiha lebü hükao neshiü.

DANIEL 6:22

Mailangthüi ngei kü neshükhen shingvaishi ngelei Kahvangi büpalei vangsho phongshan shomei jomphongei ju kümtükpeih; mehenangkü ngei büpa touei mang neshiü, hatü nüng toueiyao pungpü neshiüpü nangkü büpai hapa dükpeih, Oh Ongpa” shei e.

DANIEL 4:25

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen hatü chingshongei nyien kü haaishi shihen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa ongching shuohnyeih shei nyingei mangpei thahshi vangbong nyet nüng hapakei nyuhen.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

JEREMIAH 10:7

Üpai nüng kü dhüm neshuohhenang, Oh jatthü kü ongpa? Hapayü nüng kü shuohhen shangpü dhüm. Jatthü kü nahpülangpüthü peü khongkü, hatü ongchingthü peü khongkü nüng kei üpayao neshiü.

ISAIAH 48:5

“Hamei lajeithüi hathü dükpeih, hatü hami lingpü yaongnaüya-i hathü vamhüpeih” shei ne-ehen shangmü, shelei mebü-üng ngei am kü ha epeih, hatü hathü vamshekü ngei hathü nyinghüpeih.

ISAIAH 44:2

Üpai am lingpa hatü üpai am wom mongei shükpa? Hapa Shembüpai hapakei enyüke: Am tenyem, Oh Jakob, ngelei chongphobü, Ngei jepü Jeshurun.

ISAIAH 43:12

Mehe vamhen ngei ha am kü tetei e, hatü am kü sheühpeih. Ngei mü lenei lebü kahvang am mü nenyuangpih. “Amphongü ngelei denbüthü” shei Shembüpai enyüke.

ISAIAH 42:9

Veituh, sheleipü douthü peü dhaümei peiteke, hatü shaang ngei doujathü enyeih; hathü vamshe kü-üng ngei am kü hathü nang enyeih.

ISAIAH 30:29

Shejao Kahvangei nanglakthü amphongü mohitap kü yanüng kesho nyahhai-i mongongpükei nyuhen. Ammei mongü nanglakthüi Shembüpalei Kahshang, Israel amei Yaongnyü touei liping vüngei aongjü mongongpükei nyuhen.

EZRA 8:22

Lemei vepathü kübü yanghen shingvaishi ongpa kü veshan, koyei veshan yahshih shei yühen ngei veüteke; mehenangkü ngei ongpa kü, “Büpa kü hinglempüthü kü hamei Kahvangü phahjinyeih, shejao büpa tuhphongpüthü khüei büpai mongshihnyeih” shei ngei etüktü nyupeih.

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

SHAHKÜP 32:31

Jomei yaongü jenei Yaong kei nevai; jenei vepathü-ü ngapathü khih.

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

KAHBHAO 48:19

Shejao chepai ha nemongi büpa kü, “Ngei nyingnyeih, hapeü ngei nyingnyeih; Manassehlei hühihathüao nanglak longi dahen; büpa-ao longpü leihen. Shejao naü-eepa büpa mao longpüba leihen, hatü büpalei hühihathüyü longpü jat leihen” shei e.

KAHBHAO 46:3

Hahepak kü büpai, “Ngeiyü Kahvang, ampa amei Kahvang. Nüng Ijiplei yiühen tenyem; mehenangkü ngei nüng jat longpü hük leihühen.

1 JOHAN 1:2

Hapa yangnyu shakei vam, ha hami eetih hatü ha kü denpü shuohnyeih, hatü hapa nedohnetenpü yangnyu Chepa mü nyupü jen touei shakei vampü jung am kü baongnyeih.

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

JOHAN 6:10

Jisui, “Nanglakthü peü uohütuh” shei e. Shaang hatouei thüngkon longpü nyu; hanangkü peüshep shennyak haja nga hükshing hatouei uoteke.

MENVIH KESHO 86:10

Mehenangkü nüngü longpü, hatü thamapü douthü düknyüke; nüng monha Kahvang.

ISAIAH 17:10

Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

ISAIAH 26:4

Den kü Shembüpa kü hinglemtuh; mehenangkü Shembüpa, Jeiyong Kahvangü nedohnetenpü loishing Yaongnyü.

ISAIAH 41:23

Amphongü kahvangthü khih shei nyinghen shingvaishi hapheikü mehe vamkahen ha ham kü eshih; Ham nyemhen hatü hanhen shingvaishi ten hük nevaijü mei hük dükshih.

ISAIAH 43:11

Ngei, ngeiyü Shembüpa, hatü ngei mü lenei lebü yemleibü neshiü.

ISAIAH 45:19

Shangmang kahdokei uotü ngei joshi shah ne-eangpih; “Angsha kü ngei yemtuh” shei ngei Israel hapeüthü kü ngei ne-eangpih. Ngei, Shembüpai shahhing enyüpeih; mehe jiüpa, ha ngei baongnyüpeih.

ISAIAH 48:3

Shelei mebü-üng peihdaipü douthü jung ngei teteivanei eteke, Ngelei ju kübü ha vamei e, hatü hathü nyinghü; hatü ngangahük kü ngei hapa jiüei vamhü.

MENVIH KESHO 18:32

Hapayü ngei wong kohhüpü, hatü ngelei lem yangei tuhpü Kahvang khih.

ISAIAH 43:9

Jatthü peü chemi thaituh, hatü shennyakthü peü chemi thaituh. Jomei kahvangthü mepai ngoikahen nang tetei epa? Peihdaipü douthü üpai yeihshi tetei epa? Jom dah shakhen shingvaishi jomei denbüthü müei deikei, hatü jomphongi bangtü, “Hapayü jiüteke” shei nyem-e.