ISAIAH 44:5 - DAÜLANGPÜ LAIHING (BSI)

⁵ Hük pheikü hük shei shennyakthüi, “Ngeiyü Shembüpalei” shei ehen, hatü jomi Israel nanglakthü mü omhen. Jom peüi jomei lak kü, “Ngeiyü Shembüpalei” shei nyanghen, hatü Israel amei men yahhen.

ISAIAH 44:5 Referans Kwoze

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

GALATIA 6:16

Üami hapa shahkung kü mühen, hathü mü chingmei, phahji nyute hatü Kahvangei nanglakthü mü nyute.

2 KORINT 8:5

hatü hapayü hami eema shei deihshi nyupü kü nevai, shongei jom nyingi Shembüpa kü shuoh, hatü Kahvangi mongpü homei ham kü yahphopeih.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

MIKA 4:2

Halei jat longi peiyei hapakei ehen, “Huoi, jeni Shembüpalei kahshangei, Jakob Kahvangei shemei aongshah; Mehenangkü büpai jen kü büpalei lemthü nyuhphahen, hatü jeni büpalei lemthü kü kamhen.” Mehenangkü Zion kübü shahkungnyü, hatü Jerusalem kübü Shembüpalei shah vamkahen.

MENVIH KESHO 116:16

Oh Shembüpa, ngei nüngei chongphobü; Ngei nüngei chongphobü; nüng chongphonyülei hapeü. Nüngi ngei nyiamvü kübü laiyei deishihpeih.

NEHEMIAH 9:38

Hathü peü eetü hami nyangei haütü vangpüshuwpü hük lingpeih, hatü ha shangkü hamei mübüthü Levi am hatü ngongpathüi ha kü jomei füoshang shingteke.

MÜLANGPÜ 13:9

Hapa mo homei am shingvaishi lak kü nyangeihepü hatü ammei shangba kü deihhenlehen nyangeihepü shapükei nyukahen; hapai Shembüpalei shahkungnyü ammei jubenyeijaang kü nyuhen; mehenangkü Shembüpalei wonghingani am Ijip leipü mülangpeih.

JEREMIAH 50:5

Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

GALATIA 6:17

Shaang mü leitü üpaiyao ngei kü shanghah teyahpha; mehenangkü ngei ngelei büm kü Jisulei kaw shashi nyüpeih.

JEREMIAH 32:10

Ngei hapa shakpü kü nyangteiyei füoshang shingei, denpü yah, hatü lop ieyei shuoh.

2 SHÜPPÜKENGPÜ 36:23

Persia ongpa Cyrus-i hapakei enyüke: “Shembüpa, vangsho Kahvangi kahdoknyü ongching peü ngei kü shuohteke, hatü büpai Judah kahdok Jerusalemei laophü shing phopshem hük vehen ngei jeteke. Am mü büpalei nanglak üam nyüpa, jom leishihtuh; Shembüpa, jomei Kahvang jom mü nyemnyu!” shei e.

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.