ISAIAH 44:3 - DAÜLANGPÜ LAIHING (BSI)

³ Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

ISAIAH 44:3 Referans Kwoze

JOEL 2:28

Hapheikü ngei nanglak peü kü ngelei laangha khapshuohhen; Ammei nethe hatü nelathüi teteivanhen; ammei bajeithüi mangh manghhen; ammei nethethüi manghkhang eehen.

PHONGSHANTHÜ DOU 2:17

Dohpü nyihthü kü hapakei nyuhen shei Kahvangi enyüke: ‘Ngei nanglak peü kü ngelei Laangha khüpshuohhen, ammei yiükha yeshangthüi teteivanhen; nethethüi manghkhang eehen, hatü behethüi mangh manghhen.

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

KANDOK 1:23

Ngei lohpü kü lihahtuh; Ngelei mongdang leipü shahnying meipü, hatü ngei deihpü kemei ngaiyei am kü ephüshah.

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

PHONGSHANTHÜ DOU 2:39

Mehenangkü ha lahpeyü am, ammei hapeüthü hatü tailuei nyupüthü, üam kü Shembüpa, jenei Kahvangi nyük, hathü peü shingvaishi nyüke,

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

EZEKIEL 39:29

Hajük kü ngelei dhe jom toueipü nejodaihen; mehenangkü ngelei laangha Israel phang kü khüpshuohhen shei Shembüpa Kahvangi enyüke.

ISAIAH 32:15

Shejao shangphi leipü laangha ham kü khüpphahen, hatü bhih kahdok kemei kahcheü kohpü kahdok leihen, hatü hapayü yinghilong kei nyuhen.

PHONGSHANTHÜ DOU 10:45

Peter mü peipü Jehoda ami Kung am kü dangkao Laangha Daülangpü thintho khüpnyüke shei longi thama;

MENVIH KESHO 107:35

Büpai shao bhih kahdok yungkuk leitüknyeih, hatü kahvan kahdok yunglok vamshing leitüknyeih.

ISAIAH 41:17

Mechem taopa hatü ne-angpüthüi yung yemhen, hatü ha nedangi yung lepai jomei üng üdaihenshang, Ngei, Shembüpai jom kü janghen, Ngei, Israel Kahvangi jom netuhphongpih.

JOEL 3:18

“Hapa nyih kü kahshangthüi yiü ja yenphahen, hatü shangtaothü kü amma yenkahen; Judah leipü shohinga peü kü yung changshi yenkahen. Shembüpalei phopshem kübü yunglok hük yenei shaei Akacia Kahji kü yung shuohhen.

PHONGSHANTHÜ DOU 2:33

Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.

EZEKIEL 34:26

Ngei jom hatü ngelei kahshang shinei nyupü shingthü kü moihimanhen; ngei hepak vangpan kü jiüshi vang shomhen; halei moihimanpü vang keihen.

ISAIAH 61:9

Jatthüi jomei hühihathü, hatü shennyakthüi jomei lihilathü nyinghen. Jom eepü peüi jomü Shembüpai moihimanpü shennyakthü shei nyinghen.

SHAKEI VAMPÜ 22:17

Laangha hatü yiükjinglai enyüke, “Peikei.” hatü danpü peüi “Peikei” shei etuh. Üpai yung lenya peikei. Napü peüi yangnyu yung angkü yahhahtuh.

ISAIAH 48:21

Mechem bhih kahdok homei Shembüpai laophülei nanglakthü müpa, yung nele; Büpai jom shing yaong leipü yung yenhü; büpai yaong bhaohütü yung bhaoei vamhü.

ISAIAH 65:23

Jomi angsha kü dou dükei nenyuhen, nevaijü denshohvanlohhen hapeü nebühhen; Jomü Shembüpai moihimanpü nanglakthü vaihen, hatü jomei hühihathüao hapakei nyuhen.

MENVIH KESHO 63:1

Oh Kahvang, nüngü ngelei Kahvang, ngei nüng yemnyeih. Yung neshiüpü kahvan kü ngelei laanghai nüng young lenyeih; ngelei phai-i nüng ongyangnyeih.

ISAIAH 49:10

Jom aeiyei leyei nenyuhen, nevaijü bhih kahdok shaampü, hatü vanghenyü nyahpai jom kü nekethen. Büpa üpai jom kü bamnya, büpai jom mühen, hatü yunglok meipü touei mülanghen.

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

MATHI 12:43

Mechem mang laangha shennyak hük leipü vamei daihen, ha yung neshiüpü kahmük kü nyiumei yemei longteinyeih, shejao shing nedangjema,

JOB SHAHSHA APPÜ 5:25

Nüngei hapeüthü longi nyuhen shei nüngi nyinghen, hatü nüngei hühihathü phenhavunglak kei nyuhen.

ISAIAH 48:19

Ammei hühihathü molo bhihhiphang kei; ammei hapeüthü ienüng neaokpü shokuk melaü kei nyuhah shepeih; Jomei men nekatihen nevaijü jom ngei toueipü nemahtükhen vaipeih.”

ISAIAH 55:1

Hey, amphong yung lepüthü peü, yung touei peikei; Üami lop ne-ang, peikei, shakei yingtuh! Peikei, lop neshiüi, bhei neshuoh-i yiü hatü amma shakhahtuh.

EZEKIEL 36:27

Ngei am kü laangha ja hük shihphahen, hatü ngelei shahkungnyü kü mühühen, hatü ngelei vanglem noteihen kenhinghühen.

EZEKIEL 47:8

Büpai ngei kü, “Hapa yungü heong lemei yenei shaei Arabah yung kü dhaonyeih, hatü mechem nenmü nyupü Dipü Yungching kü ha shaei dhaohen, hapa yung daüei leikahen.

HOSEA 10:12

Am shing daülangshemshepü haituh, bampü betjük vettuh; ammi kahdok ja shotuh; Mehenangkü büpa peiyei am kü daülangpü vang keiphahen shingvaishi Shembüpa yemhen hepak nyüke.

MIKA 5:7

Jakob nanglak aopüthüyü shennyak longi khongkü Shembüpai shompü nyien kei nyuhen, hatü shennyak hangku danei nenyupü phenha shang kübü vanglah kei nyuhen.

ISAIAH 27:3

Ngei, Shembüpai hapa yomnyüpeih; ngei hapa kü nedoh-i yung ünyeih. Üpaiyao hapa nemangtükhen shingvaishi ngei nyihjeih yajeih hapa yomnyüpeih.

JOEL 2:27

Hahepak kü ammi ngeiyü Israelei nyüke; Ngeiyü Shembüpa, ammei Kahvang, hatü lebü üpayao neshiü shei nyinghen. Ngelei nanglakthü ne-yei hapakei veü neponghüpih.

JOEL 3:1

Shembüpai enyüke: Hathü nyih kü hatü hapa hepak kü ngei Judah hatü Jerusalem kü nükhah nyiamhaümhen nyokei shuohhen.