ISAIAH 44:1 - DAÜLANGPÜ LAIHING (BSI)

¹ Shejao shaang bangtuh, Oh Jakob, ngelei chongphobü, Ngei jepü Israel am.

ISAIAH 44:1 Referans Kwoze

ISAIAH 41:8

Shejao nüng, Oh Israel, ngelei chongphobü, ngei jepü Jakob, ngelei mongjempa Abrahamei hühihathü,

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

MENVIH KESHO 105:6

Oh büpalei chongphobü Abrahamei hühihathü, Jakob hapeüthü, büpai jelangpüthü.

LUK SHAHSHA APPÜ 13:34

“Oh Jerusalem, Jerusalem, thibüthü jüpü hatü halei shompüthü kü yaongi shükei jüpü chingnyü! Meshükpa ngei ounyüi ouhathü pinnyülei yang phangei thaiyei tuhpükei ammei hapeüthü thaiyei tuhhen kenpa, shejao ammi ha nemong!

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

ISAIAH 42:23

Amphong khongkü üpai hapa kü kenhingei banghen, üpai hapa kü mong shuoh-ei ngoikahen nyihthü kü banghen?

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

MENVIH KESHO 136:22

büpalei chongphobü Israel am kü mükjüp, büpa bampü den kü nyunyeih;

ISAIAH 14:1

Shembüpai Jakob kü shinshangei deihhen, hatü shao chem büpai Israel am jehen, hatü büpai jom jomei kahdokei chingchingei nyuhühen. Kung amao jom mü shephen, hatü Jakob phang mü mongjemhen,

ISAIAH 41:9

ngei amphongü kahdok dohpü leipü müei leipeih; ngei tailu kahdok vaungjung leipü am nyükpeih, hatü ngei amphong kü, “Amphongü ngelei chongphobü; ngei amphong jepeih, hatü ngei amphong neyakphongpih” shei epeih.

ISAIAH 44:21

Hathü deih-ei dangtuh, Oh Jakob, amphongü ngelei chongphobüthü, Oh Israel. Ngei amphong lingpeih; amphongü ngelei chongphobüthü; Oh Israel, ngei amphong nebetükpih.

ISAIAH 45:4

Ngei chongphopü Jakob, hatü ngei jepü Israel amei men kü, nüngi ngei nenyingjao ngei nüng kü men homei nyükpeih.

ISAIAH 48:12

Ngei nyüklangpü, Oh Jakob, hatü Israel, ngei epü bangtuh: Ngeiyü Kahvang; Ngeiyü chongpangpü hatü dohpü.