ISAIAH 43:7 - DAÜLANGPÜ LAIHING (BSI)

⁷ ngelei müknyinshekhang shingvaishi ngei lingpü, ngei shükpüthü, üam ngelei men kü nyük, hathü leishihtuh shei ehen.

ISAIAH 43:7 Referans Kwoze

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

ISAIAH 43:21

Hathü nanglakthüyü ngei laophü shingvaishi linghahpeih; Hanangkü jomi ngei kü menvih loknyüpeih.

EPHESIA 1:12

Shejüang jenphong üam Khrista kü shongei monglemhen nyüpa, büpalei müknyinshekhang kü vihei jen nyuhen.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

ROM SHAHSHA APPÜ 9:23

Müknyinshekhang shingvaishi büpai yeihshi mebü phahji huhen shei lingpüthü kü büpalei müknyinshekhang mop nyinghühen nangkü büpai ha dükjao meheang?

JOHAN 15:8

Ammi betjük longi jükpai ngelei nanglomthü khih shei huhen; hapai Opa müknyinshekhanghühen.

ISAIAH 56:5

Ngei ngelei Phopshem hatü hapa pekon mongkü nebeyaong hük, hatü hapeüthü mao meipü men shuohhen; Mechemao nekatihen nedohnetenpü men ngei jomphong kü shuohhen.

ISAIAH 48:11

Ngei ngelei men kü ha düknyüpeih, mehekei ngelei men tentükhen? Ngelei müknyinshekhang ngei lebü kü neshuohhen.

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

MENVIH KESHO 50:23

Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”

ISAIAH 29:23

Mechem jomi ngelei lakdou, jomei hapeüthü eehenshang, jomi ngelei men daülangi tuhhen; jomi daülangpü Jakob Kahvang eehen, hatü Israel Kahvang kü nyemei yaonghen.

SHAKEI VAMPÜ 3:12

Ammi vehok neüjema, ngei amü ngelei Kahvangei phopshemei shemnyü hük leihühen; am haleipü vamei nedaihen. Ngei am kü ngelei Kahvangei men hatü ngelei Kahvangei chingnyü men nyanghen; hayü vangsho leipü vamei ngelei Kahvang leipü yiüpü ja Jerusalem hatü ngelei men ja nyuhen.

JEREMIAH 33:16

Hathü nyih kü Judah hatü Jerusalem am yangei nyuhen. Hapa chingnyü kü, “Shembüpayü jenei Yemleipüba” shei nyükhen.

JAKOB 2:7

Am kü shuohpü meipü men thaüvaütükpeyü hathü nevaipü je?

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

GALATIA 6:15

Japtükpü nevaijü nejappeyü meheyao nevai, shejao ja lingpü mon nadang.

PHONGSHANTHÜ DOU 11:26

hatü mechem büpa pongpa, büpai büpa Antiokhlei müei lei. Hanangkü hapa bongyang kemei jijinyi-i attoi am mü thaiyeiyuei nanglak longi kü nyuhteke, hatü Antiokh leipü vaipü nanglakthü kü, “Khristan” shei shongei nyükei pang.

ISAIAH 63:19

Aivang den mebü hamü nüngei nanglak nyuhampeih; shejao luangi nüngi vanglem nelempü nanglakthü keiha, hatü nüngei men kü nenyükpü shennyakthü kei nyupeih.”

1 PETER 4:14

Khristalei men kü am kü yaüphüjema, am moihimanpü; mehenangkü müknyinshekhangpü Laangha, Kahvang Laangha am kü nyuishi nyüke.

2 KORINT 5:17

Hanangkü hanei ami Khrista kü nyujema, büpayü ja bühpü; chang lemphü peihdaiteke, veituh, lemphü ja leiteke!

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

ISAIAH 44:23

Mongongpai loktuh, Oh vangshothü; mehenangkü Shembüpai hapa dükteke; Wongmü lentuh, Oh chülohpü kahdoknyü. Vangsho kü shongshi kesho loktuh, Oh kahshangthü, Oh jahpandok hatü halei nyupü pühivungthü! Mehenangkü Shembüpai Jakob angei leiteke, büpalei müknyinshekhang Israel am kü hunyüke.

ISAIAH 46:13

Ngei ngelei daülangshemshepü yopailei koei peikünyeih, hapa taishi neshiü; hatü ngelei yemleipü pheiyei nenyukahen. Ngelei yemleipü Zion am kü shuohhen, ngelei müknyinshekhang Israel am kü shuohhen.

AMOS 9:12

Shejüang Edom ami mehe aoei tuh, ha Edom ami yahlanghen, hatü ngelei men kü nyükpü jatthü peü kemei Shembüpai ha douthü dükkahen shei enyüke.

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

JEREMIAH 14:9

Mehekei nüngü ü-athamapü shennyak kei, veshan hük yanghen neaoki wong kemdaipükei nyunya? Nüngü ham mü nyüpeih, Oh Shembüpa, hamü nüngei nanglakthü, nüngi ham tetuhphong.

DANIEL 9:18

Nüngei dhaong shaangshih, Oh ngelei Kahvang, hatü banglangshih. Nüngei mük vamei nüngei men epü chingnyü bentüklangtükpü kü veituh. Hami nüng kü phepeyü ham daülangpü leipü nangkü nevai, shejao nüngei phahji longpü nangkü phenyüpeih.

DANIEL 9:19

Oh Shembüpa, banglangshih; Oh Shembüpa, mang tükshih; Oh Shembüpa, bangtuh hatü dou dükshih; Oh ngelei Kahvang, tepheidai; mehenangkü nüngei chingnyü, nüngei nanglakthüi nüngei men enyüpeih.”