ISAIAH 43:3 - DAÜLANGPÜ LAIHING (BSI)

³ Mehenangkü ngeiyü Shembüpa, ammei Kahvang; am Yemleibü, Israel amei Daülangpü Kahvang. Am yanghen nangkü ngei Ijip am lomohhühen; am nangjei Kush hatü Seba am yakphonghen.

ISAIAH 43:3 Referans Kwoze

ISAIAH 60:16

Ammi jatthülei amma yinghen: ongthülei nyühaüm kü choihen. Shejüang ammi ngeiyü am yemleipü Shembüpa, wong longpü Israel Kahvang shei nyinghen.

ISAIAH 45:15

Hingmei, nüngü laophü nyingi joshi nyupü Kahvang khih; Oh Israel Kahvang, Yemleipüba.

MÜLANGPÜ 20:2

Ngeiyü am Ijip kahdok aa laphen kübü müei leipü Shembüpa, ammei Kahvang;

ISAIAH 49:26

Am kü shüveipüthü kü jomei phai-üng hahhen hanhen, hatü yiüi keiha jomei iy-i jom chokhen. Shejüang shennyakthü peüi ngeiyü Shembüpa, am Yemleibü, Wong kohpü Jakob Kahvang shei nyinghen.”

KANDOK 21:18

Daülangpüthü shingvaishi mangthü, hatü hinglempüthü shingvaishi hingnelempüthüyü shojeinanglei leinyüpeih.

ISAIAH 45:21

Shahphen shingei peiyei ammei nang etuh: jom chemi shahnying meipü yemtuh! Hapa vamkahen shei üpai shelei mebü teteivanpa? Peihdaipü hepak kübü-üng üpai hapa ehampa? Hapayü ngei, Shembüpai ephei nevaipü je? Ngei mü lenei daülangpü hatü lebü yemleipü Kahvang neshiüpih; Ngei mü lenei lebü üpaao neshiü.

JUD SHAHSHA APPÜ 1:25

Jisu Khrista jenei Shembüpa homei Kahvang jen Yemleipüba kü mon denshem peü kü, shaang hatü dohpü neshiüi müknyinshekhang, dhüm, ngan, hatü wong nyute. Amen.

HOSEA 13:4

Shejao ngeiyü Ijip kahdok leipü am mülangpü Shembüpa, ammei Kahvang. Ngei nevaipheikü lebü Kahvang ammi tetuh, hatü ngei mü lenei lebü yemleipüba neshiü.

ISAIAH 30:11

Ham kü lem nüngshih, lem yamshih, ham kü hajük kü daülangpü Israel Kahvang nang tedanhü” shei enyüke.

KANDOK 11:8

Daülangpüthüyü shanghah kübü yangdainyeih, shejao hapayü nemeipüthüi ponghahnyeih.

ISAIAH 41:14

Tenyem, Oh laonghayakha Jakob, Oh maanpü Israel! Ngei am kü sheühhen shei Shembüpa, ammei Yemleipüba, Daülangpü Israel Kahvangi enyüke.

ISAIAH 20:3

Hapheikü Shembüpai, “Ngelei chongphobü Isaiah-i Ijip hatü Kush am khüei mehe vamhen hapa nyangeihepü, hatü lappü hük vaishi bong jem thahshi bümkong hatü labai nyupü keiha,

MÜLANGPÜ 10:7

Pharaohlei lakchongbüthüi büpa kü, “Meshükpa hapa shennyaki jen kü shanghah shuohhenang? Shembüpa, jomei Kahvang kü khümhen Israel am leishihtuh; Ijip kahdok lomohdainyu khih shei nüngi nenyingnyu je?” shei eteke.

KAHBHAO 10:7

Kushlei hapeüthü: Seba, Havilah, Sabtah, Raamah, hatü Sabteka. Raamahlei hapeüthü: Sheba hatü Dedan.

LEVI 11:44

Ngeiyü Shembüpa, ammei Kahvang; am nyingi daülangi nyutuh; mehenangkü ngeiyü daülangpü. Kahdokei lüteipü yemhimak homei am nyingi nedaünelangpü telei.

MENVIH KESHO 72:10

Tarshish ongthü, hatü shübaongei nyupüthüi büpa kü bom ühhen; Sheba hatü Seba ongthüi thinthothü koei peihen.

ISAIAH 19:20

Hathüyü Ijip kahdok kü Jeiyong Shembüpalei nyangeihepü hük hatü denpü nyuhen. Mechem jomei vepathüi shüveipü nangkü jomi Shembüpa kü nyükhen, büpai jom khüambakbü, jom yangbü hük shomhen, hatü büpai jom yanglanghen.

ISAIAH 42:8

Ngeiyü Shembüpa, hapayü ngelei men; Ngei ngelei müknyinshekhang üpa kao neshuohhen, nevaijü ngelei menvih lajeithü kü neshuohhen.

ISAIAH 43:11

Ngei, ngeiyü Shembüpa, hatü ngei mü lenei lebü yemleibü neshiü.

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

JEREMIAH 14:8

Oh Israel amei Monglem, shanghah hepak kü Yangbü, Mehekei nüngü hapa kahdokei yenthüng kei, ya hük mon paümpü yenpa kei nyudainya?

JEREMIAH 16:21

Hanangkü hingmei ngei jom kü nyuhhen, hapa hepak kü ngei jom kü ngelei nganhiwong nyuhhen; shejüang jomi ngelei menü Shembüpa shei nyinghen.

EZEKIEL 39:7

Ngelei nanglak Israel am kü ngei ngelei daülangpü men nyinghühen. Hajük kü ngei ngelei daülangpü men nesheihhühen, hatü jatthüi ngeiyü Shembüpa, Israel amei Daülangpü Kahvang shei nyinghen.

AMOS 9:7

Ngei kü amphongü Ethiopia am nelepü je? Oh Israel nanglakthü shei Shembüpai enyüke. Ngei Israel am Ijip leipü; Philistia am Kaphtor leipü; hatü Aram am Kir leipü müei neleiangpü je?

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.