ISAIAH 43:2 - DAÜLANGPÜ LAIHING (BSI)

² Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

ISAIAH 43:2 Referans Kwoze

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

MENVIH KESHO 66:12

nüngi hamei shangjing kü shennyakthüi shouphü; ham aw hatü yung homei dai, shejao nüngi ham shingmeiphangmapülei müteke.

MENVIH KESHO 23:4

Ngei dipü yingdhüm kahji homei dailangmao ngei mepa kao nenyemhen. Mehenangkü nüng ngei mü nyüpeih; nüngei nyiamlüng hatü lenshuoh-i ngei nyiushem meihünyeih.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

HEBREW 11:29

Hinglempai nanglakthüi kahvan kü kei kamei Hakla Yungching homei dai, shejao mechem Ijip amao hapakei dük, jom yungi lümlang.

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

MENVIH KESHO 66:10

Nüngi, Oh Kahvang, ham dokteke; ngin jakei daühüpükei nüngi ham dokteke.

MÜLANGPÜ 14:29

Shejao Israel amü jomei nyonghidah kü yungi bham vaishi shaongtü kahvan kü kamei yung homei lüdai.

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

ISAIAH 41:14

Tenyem, Oh laonghayakha Jakob, Oh maanpü Israel! Ngei am kü sheühhen shei Shembüpa, ammei Yemleipüba, Daülangpü Israel Kahvangi enyüke.

2 TIMOTI 4:22

Shembüpa nüngei laangha mü nyute. Phahji amphong mü nyute.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

ISAIAH 30:27

Veituh, Shembüpalei men tailu leipü peikünyüke, mongshih wong kemei phumnyak keiha awshit vamei; büpalei ju kü mongshih maei, hatü büpalei yei-ü awlom kei nyüke.

ISAIAH 29:6

Jeiyong Shembüpai vangmuk vangteng mü pedi vükei ngeü longpü mü, hatü alüngleple, yinglükpalei, hatü laiyeilungei hahpü awlom keiha am thümhen.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

MENVIH KESHO 32:6

Nüng danghen mü nyushingkü nüng kü hinglempüthü peü nüng kü phophütuh; mechem shanghah yungnyü büng longhen, hapai jom nethahhen.

ISAIAH 43:5

Am tenyem; mehenangkü ngei am mü nyüpeih; Ngei ammei hühihathü heong leipü leilanghen, hatü heshüphi leipü thailanghen.

JEREMIAH 42:11

Amphongi shaang nyempü Babylon ongpa kü tenyem. Ammi büpa kü tenyem; mehenangkü ngei am mü nyüpeih hatü büpalei lak kübü ngei am yanghen.

JEREMIAH 46:28

Nüng tenyem, Oh Jakob, ngelei chongphobü; mehenangkü ngei nüng mü nyüpeih shei Shembüpai enyüke. Am yaneipanei nyupü jatthü peü mahtükjao, ngei am chemjalak kü nemahtükpih. Ngei am kü dhaong kü shükhen, shejao shahhingi dükhen. Ngei am chemjalak kü nehanghi-i payü nepeihhüpih.

DANIEL 3:23

hatü jom jemü yepei shatü awbhaong jiamei shükshuohteke.

HAGGAI 1:13

Hahepak kü Shembüpalei phongmokbü Haggai-i nanglakthü kü hapa Shembüpalei shahjang shuohteke: “Ngei am mü nyüpeih” shei Shembüpai enyüke.

JOB SHAHSHA APPÜ 5:19

Büpai nüng vongshüh vok kübü yangphahen; nyetpabü kü mehe vongshüh-ao nüng kü nehongpih.