ISAIAH 43:1 - DAÜLANGPÜ LAIHING (BSI)

¹ Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

ISAIAH 43:1 Referans Kwoze

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

ISAIAH 43:7

ngelei müknyinshekhang shingvaishi ngei lingpü, ngei shükpüthü, üam ngelei men kü nyük, hathü leishihtuh shei ehen.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

SHAKEI VAMPÜ 5:9

Jomphongi kesho ja hük lok: “Nüngü laidü yahhen, hatü hapalei füoshang aphen shangpü; mehenangkü nüng jütükteke, hatü nüngei iy homei Kahvang shingvaishi jat, shahlem, nanglak hatü kahmük peü kübü daülangpüthü angei leiteke;

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

ISAIAH 43:21

Hathü nanglakthüyü ngei laophü shingvaishi linghahpeih; Hanangkü jomi ngei kü menvih loknyüpeih.

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

ISAIAH 44:2

Üpai am lingpa hatü üpai am wom mongei shükpa? Hapa Shembüpai hapakei enyüke: Am tenyem, Oh Jakob, ngelei chongphobü, Ngei jepü Jeshurun.

ISAIAH 41:14

Tenyem, Oh laonghayakha Jakob, Oh maanpü Israel! Ngei am kü sheühhen shei Shembüpa, ammei Yemleipüba, Daülangpü Israel Kahvangi enyüke.

EZEKIEL 16:8

Shao mechem ngei am peih-ei daipa, ngei am kü veishuohjü amü chühimai yemhen hepak ngoidaitü nyuteke. Ngei am bümkong nyupü kü ngelei bhagthuh-i jümhüpeih, hatü ngei am mü lah-ei vangpüshuwpü lingpeih hatü amü ngei lompü leihüpeih shei Shembüpa Kahvangi enyüke.

JEREMIAH 50:34

Jom Yemleipüba wong kohshi nyüke; Jeiyong Shembüpayü büpalei men. Büpai hingmei jom kü khüambakei ehen, shejüang büpai kahmük kü nyiushemmei koei peiaokhen, shejao Babylon am shing nelingi tuhhen.

MÜLANGPÜ 33:17

Shembüpai Mosa kü, “Nüngi phepükei ngei dükhen; mehenangkü ngei nüng kü monghahnyeih hatü ngei nüngei men lekei nyingnyüpeih” shei e.

MALAKI 3:17

“Jomü ngelei nanglakthü, hatü hapa nyih jomü ngelei thushong dounyü vaihen, hatü pa hüki laophü chongphopü hapeü yangpükei ngei jom yanghen” shei Shembüpa Kahvangi enyüke.

PHONGSHANTHÜ DOU 27:25

Hanangkü shennyakthü monglongtuh, hatü ngei epü keiha jiüshi chongkahen; mehenangkü ngei Kahvang kü hinglemnyeih.

JEREMIAH 31:3

Peihdaipü hepak kü Shembüpa ham touei vamei eteke: “Nedohnetenpü bampai ngei nüng kü bampeih; Hanangkü nedoh-i ngei bampü nüng kü hupeih.

KAHBHAO 32:28

Hahepak kü hapa shennyaki, “Nüng kü hajük kü Jakob shei nenyükhen shejao Israel shei nyükhen; mehenangkü nüngi Kahvang hatü hangku mü bhowei neütükteke” shei eteke.

MENVIH KESHO 102:18

Ngoikahen denshem peü shingvaishi ha nyangei tuhtuh, shejao mangbüh mangpaümpüthüi Shembüpalei men longhen.

SHAHKÜP 32:9

Mehenangkü Shembüpalei heanü büpalei nanglakthü nyüke; Jakobü büpalei mükjüp nyüke.

ISAIAH 49:1

Ngei epü bangtuh, am yungkungei nyupüthü, hapa bangtuh, tailu kahdok leipü shennyakthü! Ngei büh shekü Shembüpai ngei nyükpeih, onyülei vom mongei nyushi büpai ngei jepeih.

JEREMIAH 33:24

“Hathü nanglaki, ‘Shembüpai jehahpü ongching nyi büpai yaktükteke’ shei epü nüngi nedanangpü je?” Hanangkü jomi ngelei nanglak kü ne-ienelem hatü jat hük kei nedeihnyu.

ISAIAH 62:12

Amphong keyü, “Daülangpü Nanglak, Shembüpai yanglangpüthü” shei nyükhen; hatü Jerusalem kü, “Yemei Dangpü, Kahvangi Neyakphongpü Chingnyü” shei nyükhen.

ISAIAH 48:17

Am Yangbü, daülangpü Israel Kahvangi hapakei enyüke: “Ngeiyü am shing peü mü meipü, hatü am daihen lem hupü Shembüpa, ammei Kahvang.

JEREMIAH 33:26

ngei Jakob hatü ngelei chongphobü Davidei hühihathü yaktükhen, hatü ngei Abraham, Isak hatü Jakobei hühihathü shak kü vanglem lemhen büpalei hathü khong kübü hükao nejehen. Mehenangkü ngei jom dahüshehühen hatü jom kü phahjihen.

MÜLANGPÜ 15:13

Nüngi ahshi bampü nangkü, nüngi angei leipü nanglakthü müei lei; Nüngei wongi jomphong nüngei daülangpü kahdokei müei lei.

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

PHONGSHANTHÜ DOU 27:20

Nyih longi vanghe aongpü nevaijü litha vampü ne-ee, hatü yungching vanglük longi lükpü nangkü ham yanghen monglem neshiüi mong mahdaitü nyupeih.

MÜLANGPÜ 15:16

Nyemhühanhüpü jom shangkü peiteke; Oh Shembüpa, nüngei laklu wong longpai nüngei nanglakthü mangpei thahshi nüngi angei leipü, nanglakthü manghomkem thahshi, nyempai yaong keiha yaongdaiteke.

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

ISAIAH 43:5

Am tenyem; mehenangkü ngei am mü nyüpeih; Ngei ammei hühihathü heong leipü leilanghen, hatü heshüphi leipü thailanghen.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

ISAIAH 52:9

Chemi mongongpai kesho loktuh, Oh bendailangdaipü Jerusalem; Mehenangkü Shembüpai laophülei nanglak nyiushem meihüteke, büpai Jerusalem angei leiteke.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

DANIEL 10:19

Büpai, “Oh Kahvangi bampüba, nüng tenyem, nüng mong yangtuh, wong kohtuh hatü monglongtuh” shei eteke. Mechem büpai ngei kü epa, ngei kü wong vam, hatü, “Ngelei Shembüpai etuh; mehenangkü ngei wong kohhüteke” shei e.

SHAHKÜP 32:6

Ammi Shembüpa kü hapa keiha düknyu je? Oh ngapa, hatü sholi neshiüpü nanglakthü. Büpayü ammei pa hatü am lingbü nevaipü je?

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

ISAIAH 45:11

Shembüpa, Israel amei daülangpü Kahvang, hatü hapa Lingbüi hapakei enyüke: “Ngelei hapeüthü nangkü nüngi phehen je? nevaijü ngelei lakdou nangkü nüngi ngeükhüam shuohhen je?

ISAIAH 49:26

Am kü shüveipüthü kü jomei phai-üng hahhen hanhen, hatü yiüi keiha jomei iy-i jom chokhen. Shejüang shennyakthü peüi ngeiyü Shembüpa, am Yemleibü, Wong kohpü Jakob Kahvang shei nyinghen.”

ISAIAH 51:13

Amü am Lingbü Shembüpa, vangshothü paanei deishihpü, kahdoknyü chongnyiam yaong haübü betükteke. Amü am kü shüveipüthülei mongshih eeyei, am mahtükhen khih shei nyihjeih nyempü vüngpai maei nyunyüke. Shejao am kü shüveipüthülei mongshih melei nyüpa?

YOUNG LAI 3:57

Ngei nyükshingkü nüngi ngei yopailei pei, hatü, “Tenyem!” shei nüngi ngei kü epeih.